YEKIKITHI ATUGHIU 12:17 - Sumi Naga CL (Re-edited) Bible (BSI)

¹⁷ David no panoqo sholu nike khalau ipeghi no pi, “Nongu no aküsami kiqi lono I kuphu niye ighi aghi aye, I mlo ye nongu gholo ani; ikemu I küghape I ghümi lau thechu niye aghi aye, I u pesü nongu shou bemo namu, ni puasü Lhou no nongu sakiyi nani.”

BAIBEL (BSI)

¹⁷ David no panongu sasu kushoniye wuno pi, “Tsala nonguno ashou kiqi lono kuphu niye cheghi aye, nonguye hile ighilu nani. Ni gholo kutupo tsulo! Ikemu nonguno thechu shino ikughape ighumi ulo suve niye shi aghi aye, ino nongu ghimemo namu, ni puasu Lhou no ithi ani eno aghime nongu tsuve nani.”

YEKIKITHI ATUGHIU 12:17 Mawu Ofanana

BOTHUBO 31:42

Tsala I pu Lhou, Abraham Lhou eno Isaac no Sümsa chekeu huno I küdau aghimo aye, mtsüqheino no ye au kümsa I puwuve aghini cheke. Alhou no I ghime eno I u lo kümla ithulu tsü püzü iji o lomipi ke.”

BOTHUBO 31:53

Abraham Lhou, Nahor Lhou eno panoqo papu Lhou no nikujo dolo xaküthau ke.” Ikehu Jacob no pa pu Isaac no Sümsa chekeu jeku tushoqhive,

KUKAMI ATUGHIU 2:13

Haggith nu Adonijah no Solomon paza Bathsheba lau ighi. Li no pi, “No ye külakishi lono ighi anima?” Pa no pi, “Külakishi lonoe.”

KUKAMI AKINIU 10:15

Jehu no tileno wuche kelo Rekhab nu Jehonadab no pa sasü kusho niye ighi. Jehu no petha tsüno pi, “I mlo no o lau kuchou shi aketoi, o mlo ye I lau tishi anima?” Jehonadab no khochile, “Tishi ani.” Jehu no pi, “Tishi aghi aye, o u I tsülo.” Jehu no pa sünhepe khurkulu lo pukuve.

KUKAMI AKINIU 9:22

Kughou Joram no Jehu kusholu keno pa no pi, “Külakishi vehu kema, Jehu?” Jehu no khochile, “O za Jezebel no kütüqha eno tumumi no hijeje ake thaqhülo kiu külakishi anani kea?”

YEKIKITHI ATUGHIU 12:16

Itaghi Benjamin ngo Judah laghami khami no David lau sükusho-a lo ighi.

YEKIKITHI ATUGHIU 12:18

Tile aghütomi shighi dolo atou timi lakhi Amasai, ipikeu shou Alhou Ghungu ikughive no pa no pi, “O Jesse nu David, ningu ye ow, eno o gholo anie, O David! O gholo eno o kukuphumi lau aloino keu alo, kughengu o Lhou no o kuphu achenie.” David no panoqo saluve no paw ghüshimi mqo lo kijemi shivepe.

LESHELE 7:6

O mlo kighide lono ithulo, O Ampeu; I ghümi loghu shou puthugho lo; I ghenguno ithulo; kuchou xakütha shitsü lo.

LESHELE 86:11

O laghi I shikalo, O Ampeu, tishiaye I no Ow kuchou laghi lo checheni; O je sümsa penike I mlo lakhishi tsügha tsülo;

JEREMIYA 32:39

I no amlo lakhi eno alaghi lakhi panoqo tsü nani, tishianguno panongu no alholo I sümsa nani, ti ye panongu eno pano tianuli kivipu ghenguno eno pano thiu atilimi ghengu ghike.

ZEKHARIA 3:2

Ampeu no Satan vilo pi, “Ampeu no o lomipi ani, O Satan! Jerusalem kisheluve keu Ampeu no o lomipi ani! Hi ye ami lono püxü phelu keu misüke kumo?”

Apostolmi 4:32

Küpülümi kümtsü no amlo akükümsü lakhi shi, eno khunomu pa no kiu akeno ti ye paw ke ipimoe, ikemu panongu ye thokha kümtsü aqü shike.

1 Kor. 1:10

Athiküzümiqo, ni Mpeu Jisü Khristo je lono I no nongu qhüiniju anike nongu kümtsü no pulo küqhalulo, nongu gholo kijethakile kevi, ikemu akükümsü lo eno küghakütha lo küqhakulu shilo.

2 Kor. 13:11

Ashekhashi, athiküzü achelimiqo, alovilo. Kupukülai luni keu mijilo, lakhino lakhi lokughuno tsülo, lakhino lakhi sasü pulo küqhalo, külakishi lono xülo; kikimiye ngo aloino keu Lhou no nongu gholo anani.

FILIPIAMI 1:27

Akhotou ye hike, nongu xüghola ye Khristo tsakiviu gholo aküzüqhiyi kimshilu pelo, tishianguno I no ighi no nongu kujuthulu na monamu, nongu ye amlo akükümsü küthape lakhi shino atsakiviu küpülü ghüshi ghenguno kümtsa akumto shi puthugho anipi ni ye chiluni shi ani

1 Peter 2:23

Kughou Pa pipütha keno Pa ye tipaphi shi ghechilemoe, kughou Pa no imeve keno Pa ye amkhükulu tsa pesü kichimoe, ikemu Pa ampi pesü Khuu no achipishi küghathatsü cheni keno Pa lau kulhuqhive tsüke.

Jude 1:9

Ikemu kughou kungumi tou Michael no tüghami sasü Moses sükumo kohakishi akeno, pa ye küthaküghapu tsa pimono ishi pi, “Ampeu no o lomipi nani.”

SAMUEL ATUGHIU 16:4

Ampeu no azah tsüke toi Samuel no tishi nike Bethlehem lo ighi. Mishiphu tipau lo layemi no pa sasü kushoni ye msa khokhoshi ighi no pi, “No ye külakishi lono ighi anima?”

SAMUEL ATUGHIU 18:1

David no Saul pütsa tave kemtsa Jonathan mlo no David sasü lakhi shiluve, Jonathan no pa ampi kimiye aketoi David kimiyeve.

SAMUEL ATUGHIU 18:3

Jonathan no David sasü puloshoqhi shi, kughengu pa no pa ampi kimiye aketoi David kimiyeve.