YEKIKITHI AKINIU 36:14 - Sumi Naga CL (Re-edited) Bible (BSI)

¹⁴ Tipa shouno achinemi gholo hiyampemi eno timiqo kümtsü shiye kütami no aphikümqhüpu shiche keqo pape wuve eno akumou pükhükümla shive. Ampeu no Jerusalem lo Pa ki shikimthe tsükeu panongu no shipixive.

BAIBEL (BSI)

¹⁴ Tipa shouno, Juda lo sakiphemi, achinemi eno timiqoye panoqo sukumxalo ashiayeh akeqo xine kuxu pape ghi asu-atu julho mllauve eno AMPEU ampi no akimthe shive tsukeu Achine ki panonguno shipixive tsu.

YEKIKITHI AKINIU 36:14 Mawu Ofanana

YEKIKITHI AKINIU 28:3

Pa no Hinnom Nu Khila lono akümllagho tsüno pa nu pesü akipti kümllagho shive, ti ye Ampeu no Israelmi zülono hapheve keqo shiaye no aphikümqhüpu khuaye peche ketoi shike.

YEKIKITHI AKINIU 33:9

Ikemu Israelmi zülono Ampeu no shiye kütsave keqo no shiche keu nguno aküsau Manasseh no panongu sawo axine shivepe.

YEKIKITHI AKINIU 34:24

Ampeu no ishi piani, Julo, I no a-a hipau lo eno xüküami lau kütsakungo süghini cheni, eno kaku hipau lo ghukusho tsa yepüa keqo kiu Judah kükau zülo phisüve akeno kümtsü shikupu nani.

YEKIKITHI AKINIU 36:13

Pa no akükau Nebuchadnezzar khuu no pa pelo Alhou je lono ashoqhi shipe keno, pa ghi hebide ke. Pa ye ighono kuthovi auve eno Ampeu Israel Lhou lau pa mlo tsümove.

YEKIKITHI AKINIU 36:15

Ampeu, pano puasü Lhou no Pa tsapemi ide-ide panongu lau puwu, kughengu Pa ye Paw timiqo eno Pa chineki kimiyeqhiyi cheke.

EZRA 9:7

Ni puasüqo ghuloki lono ishi tsala kutolo ningu ye akipimi kije shi ighivae. Ni xine ghenguno ningu, niw kükami eno ni chinemi ye aghakhu lo kükamiqo u lo ilovae, azütakikihi lono ikiqivae, akughu lo wuvae, pükaqhivae, eno ishi tsala lo toi akukujo kitikhi lo ilovae.

JEREMIYA 32:34

Panongu no I je lono ku keu ki shikitiqe nike aphikümqhüpu julho ghopeqhi.

JEREMIYA 32:35

Panongu no Hinnom Nu Khila lo Baal ghenguno qhemghai ke-a mlape qhi, I no azah tsümo momu I kükümsü lomu iloghimo keu Molekh lhou lau panongu tianuliqo pesü aghashi, hitoi aphikümqhüpu shikeu lono Judah pelo axine shipeke.

JEREMIYA 38:4

Tileno Hiyampemi no akükau vilo pi, “Timi hipau ye pithive kepue, kughengu pa no atsa hipaqo panongu lau pikeu lono mishighüna hipau lo ghüshimi akeqo shikimqeve ani eno timiqo ghüthi püsüve tsü ani. Kughengu pa ye timiqo kivipu kumono pano ghüzapu phu anie.”

JEREMIYA 5:5

I no kijemiqo lau wuni eno panongu vilo pini, kughengu panongu ye pano Lhou Ampeu laghi ithi ani.” Ikemu kümtsü no aphiphishi kuokhasü hephove; eno akütsüghaqo kuqhove ke.

JEREMIYA 5:6

Ikehu abongshuu no aghasü lono panoqo tsüve nani; tüngtügha no asayeqha lono panongu tsüve nani. Akhighiu ngushuu no panow mishighüna jukuto ani; tileno ipeghi kemi kümtsü sülatha pinyiveni cheni, kughengu pano xine ye kütsasae, panow hekibide ye kije ke.

EZEKEL 11:12

eno nongu no Ni ye Ampeu kepi ithi nani. Kughengu nongu ye I kükütsü lo cheche movae momu Iw pimheyeqo gholu movae, ikemu shiye nongu homxape akeqow pimheye kiqi lono mlaitha cheni ke.”

EZEKEL 22:6

“Israel sakiphemi nongu gholo akeqo julo, lakhikhi no pütüta küka kiqi lono tamono aji pele ani.

DANIEL 9:6

Ningu no O qemi tungkupmi khunoqo no O je lono niw kükami, sakiphemi, ni puasü eno aghakhu lo timi kümtsü pütsa keno, panoqo tsa initsü moveke.

DANIEL 9:8

O Ampeu, ningu ghengu ye ikhikiphe kukujopu shivae, kughengu ningu eno niw kükami, kükapumi eno ni puasüqo no O shou axine shive ke.

ACHINE 19:30

Sabbath pelulo eno I kimthe-a gihulo: Ni ye Ampeu ke.

MICAH 7:2

Alhou pape chekemi ye ayeghi lono kühavae, eno timi gholo akümzümi ye khumu kühavae; panongu kümtsü no aji peleni ye ngokhe ani eno akhame pesü lakhino lakhi hakuqo ani.

ZAKINIU 18:9

“Ampeu nongu Lhou no tsü akeu yeghi lo nongu no iloghive kelo, nongu ye shiye tile akeqo no aphikümqhüpu kümla shiche keqo pape moni.