YEKIKITHI AKINIU 34:4 - Sumi Naga CL (Re-edited) Bible (BSI)

⁴ Panongu no pa zülono Baal kümlla khacheqo loqhive tsü, axokütsüngü kiptiaqo hephove tsü, Asherah julho ngo kütau asüatu julho kümtsü mukhumuno shivetsü. Pa no Asherim julho, küxütha keu julho, eno ayi julhoqo atachu shi kubove tsüno pesü tipaqo mlla chekemi kumo shou vepukuve.

BAIBEL (BSI)

⁴ Pano mijetsukeu qholono pawu timiqono Baal mlla chekeu kiptia kubolevetsu eno tipaqo phivilo tsungqui ta kiptia hepholevetsu. Panongu no Ashera julhoqo ngo kutau asu-atu julho kumtsu mukhumuno shivetsu eno amukhu pesu ajulho tipaqo lau aghashi chekemiqo kumoki shou kuthole pukuve tsu.

YEKIKITHI AKINIU 34:4 Mawu Ofanana

KUKAMI ATUGHIU 13:2

Ampeu tsa vecheo timi huno ishi akiptia pipütha, “O akiptia, akiptia, Ampeu no ishi piani: ‘Julo, David lagha lono anu lakhi Josiah ipikeu punu nani. Pa no atoghiqo lo achinemi ghiqhipe o kiptia shou no aghashi nani, eno timi saghiqo piti nani.’”

YEKIKITHI AKINIU 14:5

Pa no Judah lo mishighüna kümtsü lo qhemghaike-aqo ngo tsüngqüi keu kiptiaqo ikhive tsü. Eno aghakhu ye pa küka qholono akulho qhilue.

YEKIKITHI AKINIU 30:14

Panongu no akümla shithu eno Jerusalem lo ajulho kümlla khache kümtsü ikhive eno axokütsüngü kiptia ikhipe Kidron Khila lo peve.

YEKIKITHI AKINIU 31:1

Hi kümtsü tave kethiu, tile ighi kemi Israelmi kümtsü no Judah, Benjamin, eno Ephraim ngo Manasseh mishighünaqo lo wuno atsükucho hepholeve, Asherim loqhive eno qhemghaike-a ngo akümlla-khache kümtsü hephove. Ti kümtsü hephove kethiu no Israelmi no pütüta kilo idewove.

YEKIKITHI AKINIU 33:22

Pa pu Manasseh toi, pa ye Ampeu zülo kiu no axine keno shike. Amon ye pa pu no ajulho mla keqo kümtsü lau aghashi eno tipaqo mllae.

YEKIKITHI AKINIU 33:3

Kughengu pa pu Hezekiah no qhemghaike-a kütsave tsükeqo pa no shikitheve, Baal kümlla-a mla, Asherah julho mla, eno aqhi-ayepu kümtsü mllae.

YEKIKITHI AKINIU 34:33

Josiah no Israelmi ghakhu lono aphikümqhüpu thime kümtsü kütsaleve eno Israelmi kümtsü pelo Ampeu pano Lhou huthupe. Pa küxü tivilo panongu ye Ampeu pano puasü Lhou launo tsüghüve moe.

YEKIKITHI AKINIU 34:7

pa no Israel ghakhu kümtsü lo akümlla-khacheqo hepholeve tsü, Asherim ngo ajulhoqo mukhumuno shive tsü, eno axokütsüngü kiptiaqo tulave tsü. Tishino pa no Jerusalem lo ideighi.

LESHELE 18:42

I no amülhü zülo ayeghimkhu toi panoqo kutholeve; alaghila lo aniba toi I no panoqo küzaleve.

IPEKULU 23:24

nongu ye pano lhouqo zülo pishiqho momu tipaqo qemoni, momu panongu no shiche ketoi shimoni, ikemu nongu ye qhoi panoqo haleveni eno pano tsükucho mukhumuno shi kuboveni.

IPEKULU 32:20

Panongu no amshiti mla püakeu pa no ikhipe ami lono pitive no mukhumuno shivetsü eno tipau pesü azü lo küzale süve no Israelmi pelo tipau zü yevepe.

IPEKULU 34:13

Pano kümlla khache tulave tsü, atsükuchoqo kubove tsü eno Asherah julho loqhive tsülo

ISAIAH 27:9

Ikehu hipau vecheo Jacob kipimi ye tha-love tsü nani, eno hipau no pa xine pevetsü keu xathi shinani: pa no akiptia lo atuqo pesü asayetu toi kubove tsü, Asherim momu axokütsüngü kiptia qhimove nani.

ACHINE 26:30

I no now qhemghaike-a kütsave tsünani, tsüngqüi keu kiptia hephove tsü nani, ajulho iluqi akeu shou nongu sükumo qhepuku nani, eno nongu milive nani.

MICAH 1:5

Hi kümtsü Jacob xine eno Israel lagha xine ghenguno ke. Jacob xine ye kiu kea? Ti ye Samaria ke kumo? Eno Judah kuchuqu-a ye kiu kea? Ti ye Jerusalem ke kumo?

ZAKINIU 7:25

Pano lhou julhoqo pitive tsü masae. Nongu ye ajulho shou ameshoyi ngo ghükayi aghi keqo jumine moni, momu nongu sala lumoni, tino nongu meluve nosae, kughengu ti ye Ampeu nongu Lhou ghenguno aphikümqhüpu ke.

ZAKINIU 7:5

Ikemu nongu ye hitoi pano lau shilo: pano kümlla khache hephove tsülo, atsükucho kubove tsülo, Asherim julho ghekuchove tsü, eno ajulhoqo pitive tsülo.

ZAKINIU 9:21

Tishino nongu no mlakeu axinepu mishiti julho I no ikhipe pitive no mukhumuno shive tsü. Eno I no tipau mukhu pewo naghuto lono qoiqi akeu ghoki lo vesüve.