YEKIKITHI AKINIU 34:30 - Sumi Naga CL (Re-edited) Bible (BSI)

³⁰ Akükau no pa gholo Judah ngo Jerusalem lo xüküami kümtsü, achinemi, tungkupmi, eno kije kitilami kümtsü sasü Ampeu kilo wue. Ampeu ki lono Puloshoqhi Kaku ithulu keu lo yepüa keu tsaqo pa no kümtsü zülono phisü.

BAIBEL (BSI)

³⁰ eno panongu kumtsa Achineki lo achinemi ngo Levimi eno timi kutami kinimi kumlhomi kumtsuno papesu wuke. Panoqo kumtsu gizu lono akukauno ti Achineki lono phulu keu puloshoqhi kaku kumtsu asutsa kuloghi lono phisu.

YEKIKITHI AKINIU 34:30 Mawu Ofanana

KUKAMI AKINIU 23:2

Akükau no Ampeu kilo wu, pa gholo Judah lo kiptimi eno Jerusalem lo xüküami kümtsü, achinemi ngo tungkupmi, eno timi kije kitila kümtsü wue. Eno kümtsü no chikulupu shi pa no Ampeu ki lono ithulu keu puloshoqhi kaku lo yepüa keu tsaqo phisü.

KUKAMI AKINIU 23:21

Akükau no timi kümtsü vilo azah tsü, “Hi Puloshoqhi Kaku lo yepüa keu kiqi lono Ampeu nongu Lhou lau Hechekulu Ghulhu ikhilu lo.”

YEKIKITHI AKINIU 18:30

Syria kükau no paw khurkulu küsami keptenqo azah tsü, “Israel kükau likhi thono kütami kije kitila khumu sasü aghüshi kevilo.”

YEKIKITHI AKINIU 34:15

Tileno Hilkiah no Shaphan vilo pi, “I no Ampeu ki lono Ayezah Kaku ithulue.” Hilkiah no kaku pesü Shaphan tsüve.

YEKIKITHI AKINIU 34:24

Ampeu no ishi piani, Julo, I no a-a hipau lo eno xüküami lau kütsakungo süghini cheni, eno kaku hipau lo ghukusho tsa yepüa keqo kiu Judah kükau zülo phisüve akeno kümtsü shikupu nani.

YEKIKITHI AKINIU 34:31

Akükau no puthugho no pa mlo eno pa ngulho kuchopu no Ampeu papeni ke, eno Pa zakütsü, akhuaye eno pimheyeqo gholuni ke, Ampeu zülo puloshoqhi shi, eno puloshoqhi kaku lo yepüa keu tsaqo pekupu nike piqhi.

JOB 3:19

Kijemi ngo kitilami ghi tile ani, eno aqü-axemi no pano mpeu kütsügha lono ipeghilu cheni.

IPEKULU 24:7

Tithiu pa no Puloshoqhi kaku ikhilu no timiqo pelo chilupe ghi phisü. Eno panongu no pi, “Ampeu no piqhive keu kümtsü ningu no shini, eno nino aghokulu shini.”

YETSAPIU 1:12

Ni, Yetsapiu ye Jerusalem lo Israelmi shou akükau ke.

EZEKEL 46:10

Kughou panongu no iloghini keno, kükapuu ye panoqo gholono iloghini, eno kughou panongu no ipeveni keno, pa ghi ipeveni.

ZAKINIU 1:17

Xakütha lo agi jumoni. Kitilami na kijemi namu aphiphi shi küghatha lo. Khunomu nongu shikümsape kevilo, kughengu xakütha ye Alhouw ke. Aküküpna khikhi no nongu ghenguno kushokütsü keno I lau süghini, eno I no ti xathatsü nani.’