YEKIKITHI AKINIU 32:19 - Sumi Naga CL (Re-edited) Bible (BSI)

¹⁹ Panongu no ayeghi lo ashiaye kütami lhou, timi u no mla keqo, pütsa aketoi Jerusalem Lhou pütsae.

BAIBEL (BSI)

¹⁹ Panonguno timi kutami lhouqo, timi uno ajulho shikeu shou pipuku ke paphi lono Jerusalem Lhou shou pipuku ke.

YEKIKITHI AKINIU 32:19 Mawu Ofanana

KUKAMI ATUGHIU 20:28

Alhou timi huno ighi no Israel kükau vilo pi, “Ampeu no ishi piani, ‘Syriami no, “Ampeu ye atoghiqo lhou kethono akhila lhou kumoe,” ipi kehu I no hi aqokitikhi kümtsü pesü o u lo süve tsüni, eno nono Ni ye Ampeu kepi ithi nani.’”

KUKAMI AKINIU 19:18

eno pano lhouqo ami lo vesüve tsü, kughengu tipaqo ye alhou kumono timi u no asü ngo atu pesü mla keqoke. Tighenguno tipaqo ye kütsave ke.

YEKIKITHI AKINIU 32:20

Tithiu Hezekiah ngo Amoz nu tungkupu Isaiah pama no hipa ghenguno kungugha lau ighamku inikhu.

YEKIKITHI AKINIU 6:6

ikemu I je apeni kehu I no Jerusalem kishelu eno David pelo Iw timi Israelmi shou ayepe penike kishelue.’

LESHELE 74:18

O Ampeu, aghümi no kishi O junu ani, eno mbomzümi no O je thaigha ani keno kümsülu lo.

LESHELE 78:68

ikemu Pa no Judah shiaye kisheluve Pa no kimiye chekeu Zion Toghi kisheluve.

ISAIAH 14:32

Shiye ghinimi vilo kiu khochileni kea? “Ampeu no Zion puthuphe, eno Paw timi aveküsami no ti ijelu cheni.”

ISAIAH 2:8

asü-atu julho no pano yeghi chhitoi ani, panongu no pano u lo kümla zülo itsaqi auvae.

ISAIAH 37:19

eno pano lhouqo ikhipe ami lo vesüve tsüe. Kughengu tipaqo ye alhou kumono asü ngo atu pesü timi u no mla kehu kütsaveke.

JEREMIYA 1:16

I pheve keu kümla lhoksa kümtsü ghenguno I no panongu mjochile keu tsakükügha shupheni. Panongu no akümllagho pesü alhou kütau tsüno panongu u no mla keqo mllauve ke.

JEREMIYA 10:3

kughengu timiqo khuaye ye ame kühae. Asübo lakhi aghasü lono thaqhi no külalumi no amüghü pesü ajulho mla cheni.

JEREMIYA 10:9

Ghükayi ye Tarshish lono süghi cheni, eno ameshoyi no Uphaz lonoe. Tipaqo ye külalumi eno ameshoyi kiyiqimi kümlae; tipaqo phimini ye hughai eno tsülabei; ti kümtsü timi u lo kümlae.

JEREMIYA 32:30

Kughengu Israel ngo Judah tianuliqo ye pano lhothe lono ishi kutolo I nhethe lo alhoksa kümla likhi thono kütau kiumu shi püamoe. Panongu ye pano u no mlakeu pesü I mlo shikighide keu nguno alau ye kiumu mla püamoe, ipi Ampeu no sheshu.

EZEKEL 25:8

“Ampeu Alhou no ishi piani: Moab ngo Seir no, ‘Julo, Judah laghami ye shiye kütamiqo toivae,’ ipike ghenguno

EZEKEL 35:13

Nongu kichi pesü nongu no I lachile ghi nongu sheqhe, eno I lachile ghi nongu tsa küghüsü ke; I no chiluvae.

ZAKINIU 27:15

“‘Khukhumu Ampeu zülo aphikümqhüpu, kütshakügha shi küsüuno asüatu momu ayi julho mla püaghi keu ye müsüinivae.’ Eno timi kümtsü no ‘Amen,’ ipi khochileni.

ZAKINIU 4:28

Nongu no tilau timi u no asüatu pesü mlakeu lhouqo qe nani, alhou tipaqo ye ithulu, chilu, chulu, tsüngülu chemoe.

IBRIMI 12:22

Ikemu nongu ye Zion Toghi, aküxüpu Lhou phughi kungugha lo Jerusalem akeu lo, eno kungumi kihikhakümla no alovi kuho akeu lo ighivae.

SAMUEL ATUGHIU 17:36

O qeu ye abongshuu ngo avaqo ghi heqhi pithi püani, eno aphighü ghamo kemi Philistiami hipau ghi titoi shivetsü nani, kughengu pa no aküxüpu Lhou ghüshimi khü anie.”