YEKIKITHI AKINIU 30:27 - Sumi Naga CL (Re-edited) Bible (BSI)

²⁷ Tishino achinemi ngo Levimi no ithu no timiqo kümghatsü kelo Alhou no panongu sütsa chilu tsü, eno panongu kighini ye kungugha lo Alhou kungoa tove.

BAIBEL (BSI)

²⁷ Achinemi ngo Levimino timiqo shou AMPEU wu kukumgha khubetsu. Kungugha lo pa kungoa lono Alhou no panoqo kighini chilutsu eno tipaqo ikhilu tsu.

YEKIKITHI AKINIU 30:27 Mawu Ofanana

KUKAMI ATUGHIU 8:30

O qeu eno ow timi Israelmi no a-a hipau küdau juno inikhu kelo chilu tsülo. Eno kungugha lo O kungo-a lono ini tsüno ni kipimi qhitsü lo.

KUKAMI ATUGHIU 8:39

O kungo-a kungugha lono ini tsüno akipimi qhitsü lo eno pütüta mlo Nono ithi akeu kiqi lono panongu lau mla tsülo (kughengu O likhi no timi kümtsü mlo ithi anie),

YEKIKITHI AKINIU 23:18

Jehoiada no Ampeu kilo aghukhemi pelo ngokhe luvepe, tipaqo ye Moses Yezah lo yepüake toi Levi lagha lo achinemi ngo Levimi Ampeu lau ale phe alokivi kije lono akipti kümllagho tsü penike eno Ampeu kilo ampi shi penike David no süsü keqoke.

YEKIKITHI AKINIU 6:21

Kughou o qeu ngo ow timiqo no akümllaki küdau juno inikhuni keno, panongu kighini chilu tsülo. Kungugha lo O kungo-a lono initsü lo eno kughou Nono chiluni keno ni kipimi qhitsülo.

LESHELE 68:5

Mighimi papu eno chimemi sükushou ye Alhou, Pa kimthe kungo-a lo ani.

IPEKULU 39:43

Moses no akümla kümtsü ithulu, eno julo, panongu no Ampeu no azah tsüke toi tipaqo mlae. Tithiu Moses no panoqo kümghatsü.

ISAIAH 57:15

Kughengu akiqheu eno süqhepe püakeu, khuu shekhaha acheni eno Pa je Akimtheu keno, Pa no ishi piani: “Ni ye akiqheu eno akimthe-a lo acheni, ikemu Ni ye mloqa kemi ngo aqhokighemi gholo ghi ani, Ni ye aqhokighemi ghüthi püxü kithetsü, eno mloqa akemi mlo püxü kithe tsüniye ke.

ISAIAH 63:15

Kungugha lono pishipiqi ju tsülo, O kimthe eno jukivipu-a lono jutsü lo, O lokümsü ngo O küka khile ani kea? O mlo ighiqhiyi keu eno O kikimiye ni launo süchilevae.

ISAIAH 66:1

Ampeu no ishi piani: “Kungugha no I kükalakhü, eno ayeghi no I pukhu kinepu ke; tishiaye nongu ye I ghenguno kiu toikeu ki shitsü luni kea? Eno kiutoi keu lo I pelo ngopeni kea?

JONAH 2:7

Kughou I küxü hau cheghi keno, I no Ampeu kümsülu, eno I kighini no O lau, O kimthe chineki lo ighie.

Apostolmi 10:4

Pa no thüghüi kungumi juno pi, “Ampeu, kiu kea?” Kungumi huno pi, “O kighini eno nono kumlhomi kuphu chekeu ye kümsükulu kümllagho shi Alhou tovae.

ZAKINIU 10:8

Tipa ghuloki lono Ampeu no Levi laghami pelo Paw Puloshoqhi bohu pe penike, Pa huthu, eno Pa je sheqhe penike kishe kütüta shie. Ti ye ishi kutolo tishi chephie.

ZAKINIU 26:15

Kungugha lo O kimthe-a lono jupiqi no Ow timi Israelmi, eno Nono ni puasüqo lau piqhike toi ni tsükeu hi akichhizü ngo akhingozü qowu akeu yeghi kümgha tsülo.’