YEKIKITHI AKINIU 29:25 - Sumi Naga CL (Re-edited) Bible (BSI)

²⁵ David ngo akükau tungkupu Gad eno tungkupu Nathan zakütsü kiqi lono pa no Levimi pelo küghapayi ngo akighilebo jeli pesü Ampeu kilo ngope, ayezah hi ye tungkupmi vecheo Ampeu launo ighike.

BAIBEL (BSI)

²⁵ AMPEU no Akukau David wu tungkupu Gad ngo tungkupu Nathan vechewo David lau akukutsu tsa tsupua keu kiqi lono Hezekiya no shike; pano Achineki lo Levimi pelo akighi lebo ngo alazayi

YEKIKITHI AKINIU 29:25 Mawu Ofanana

SAMUEL AKINIU 24:11

Kughou David no inaqhe ithughi keno, paw tungkupu Gad lau Ampeu tsa ighi,

YEKIKITHI ATUGHIU 16:42

Heman ngo Jeduthun pama ye Alhou kimthe lekiphe lo peitha kepu afuko eno küghapayi peche. Jeduthun laghami pesü khagho kikhelo süküsü shive.

YEKIKITHI ATUGHIU 21:9

Tileno Ampeu no Davidw tungkupu Gad pütsa no pi,

YEKIKITHI ATUGHIU 23:5

4,000 no khagho khemi, eno 4,000 no alebo I no Ampeu sheqhe nike ikhiphetsü keqo pesü Ampeu shipilini.”

YEKIKITHI ATUGHIU 28:12

hipaqo ghenguno pa mlo lono kughupe achekeu kümtsü pesü Solomon tsüve.

YEKIKITHI ATUGHIU 28:19

David no pi, “Hi kümtsü Ampeu no Pa u lono yepe I lau mtsümishei pithi tsüke.”

YEKIKITHI ATUGHIU 29:29

Akükau David kümla küghütha abothu lono ashekha kutolo, tipau gholono pa yekipe ghili, pa kumto, eno atüqhüdo kivi-küsa pa shou eno Israelmi ngo acheaxü ghakhuqo shou ikughi keu kümtsü tungkupu Samuel, Nathan, eno Gad noqow yekikithi lo ani.

YEKIKITHI ATUGHIU 9:33

Levi lagha lo atomi khami alephemi akeqo ye kütau kümla kiumu shimono achineki lo ngoche, kughengu panongu ye putho pucho tilehi pano kümlapu acheke.

YEKIKITHI AKINIU 30:12

Alhou no Judah timi pelo amlo lakhi shino akükau ngo paw hiyampemi Ampeu tsa ikhilu penike akümla shive.

YEKIKITHI AKINIU 30:21

Atsala tsüni kutolo Jerusalem lo timi akeqo no Kholaqhi Sümokeu Ghulhu alokivi kije lono ikhilu eno ghulo atsütsü Levimi ngo achinemi no pano küka kumto lono Ampeu sheqhe.

YEKIKITHI AKINIU 35:15

David zakütsü kiqi lono Asaph limi alephemi, Asaph, Heman, eno akükauw tungkupu Jeduthun ye pütüta-a lo ngoe; eno khagho khemi no khaghoqo lo ngoke. Panongu ye pano kümla qhikepu shimoe kughengu pano thiküzümi Levimi no panongu ghenguno kuto tsüke.

YEKIKITHI AKINIU 8:14

Papu David khuaye kiqi lono pa no achinemi kümla kijeve tsü, Levimi ghi achinemi lau shekiqhe ngo hukuthu kümla atsala kiqi lono kijeve tsü, eno khagho khemi ghi khaghoqo lo kije puwuve kughengu Alhou timi David no tishi azah tsüve ke.

NEHEMIA 12:27

Jerusalem kupuwu ikhiphekütsü tsalani panongu no Levimi a-a kümtsü lono Jerusalem lo saghi, tishianguno pano pelo küghapayi, aheo eno akighilebo pesü shikimthikütsü eno alekiphe vecheo alokivi shi ikhilu peniye ke.

SAMUEL ATUGHIU 22:5

Tithiu tungkupu Gad no David vilo pi, “Sükusho-a lo ngo kevilo; chevelo, eno Judah yeghi lo wuve lo.” Ikehu David no Hereth ghasü lo wuve.