YEKIKITHI AKINIU 29:15 - Sumi Naga CL (Re-edited) Bible (BSI)

¹⁵ Panongu no pano thiküzümi hekütsü no pano kishekimtheve no Ampeu tsa vecheo akükau no azah tsüke kiqi lono Ampeu ki shikimthe nike ilove.

BAIBEL (BSI)

¹⁵ Timi hipaqono pano kusami Levimi hekutsu kumqo eno panongu likhi panongu pesu achinepulo akimthe shiluve. Tithiu akukauno panoqo lau ahza tsuke toi panonguno AMPEU Yezah kiqi lono Achineki pesu achinepulo akimthe shiluke.

YEKIKITHI AKINIU 29:15 Mawu Ofanana

YEKIKITHI ATUGHIU 23:28

Kughengu panongu kümlapu ye Aaron laghami kuphu ghi Ampeu kilo hukuthu kümla shini keu, aki khala eno alou acheboqo jukütsükiyi, akimthepu thimeqo shikimthe, eno hukuthu kümla kiu kiumu shini keu ke.

YEKIKITHI AKINIU 29:14

eno Heman li lono Jehuel ngo Shimei; eno Jeduthun li lono Shemaiah ngo Uzziel.

YEKIKITHI AKINIU 29:5

eno panoqo vilo pi, “Levimiqo, I tsa inilo! Nongu kishekimthe lo, Ampeu nongu puasü Lhou ki ghi shikimthe lo, eno Akimthe-a lono kitiqeve keu jeli kümtsü ikhive lo.

YEKIKITHI AKINIU 30:12

Alhou no Judah timi pelo amlo lakhi shino akükau ngo paw hiyampemi Ampeu tsa ikhilu penike akümla shive.

YEKIKITHI AKINIU 5:11

Achinemi no akimthe-a lono ipeghive. Achinemi tile akeqo ye amqo ajeli kütüta lono ighi kemu kümtsü pütüta shikimtheve no ighi.

NEHEMIA 13:9

Tishino achebo tipau shikimtheve penike azah tsüke toi panongu no mitheve eno I no Alhou kilo abohu ngo athi kümllagho eno müsüghüta kümtsü tile qhikitheve.