YEKIKITHI AKINIU 29:10 - Sumi Naga CL (Re-edited) Bible (BSI)

¹⁰ Itehi Ampeu, Israel Lhou sasü puloshoqhi shinike I no xatha luvae, tishianguno Pa xukighide ningu launo tave peni.

BAIBEL (BSI)

¹⁰ “Itehiye AMPEU, Israil Lhou sasu puloshoqhi lakhi shinikeu ino xathaluvae, tishi anguno paye nilau aloghu ide kithe pemonike.

YEKIKITHI AKINIU 29:10 Mawu Ofanana

KUKAMI AKINIU 23:26

Tishimu Ampeu no pa loghu khikhi Judah shou puku keno, tipau lono ideighi moe, kughengu Manasseh no ala thokha lono Pa xukutho ke.

KUKAMI AKINIU 23:3

Akükau no atsükucho phivilo puthugho no pa mlo kuchopu eno pa ngulho kuchopu süno Ampeu pape, Pa zakütsü, pimheye, eno xaküthaza gholu nike Ampeu zülo puloshoqhi shi, eno puloshoqhi kaku lo yepüakeu tsaqo pekupu nike piqhie. Timi kümtsü no puloshoqhi tipau lo pulo küqhave.

YEKIKITHI AKINIU 23:16

Jehoiada no timiqo eno akükau sasü Ampeuw shini kepi puloshoqhi shi.

YEKIKITHI AKINIU 30:8

Itehi no puasüqo toi kuthovi kevilo, ikemu nongu pesü Ampeu tsüve lo eno Pa kimthe khache, khikhi Pa no alholo ghenguno shikimtheve akeno, tile ighi lo eno Ampeu nongu Lhou huthu lo, tishianguno nongu launo Pa loghu tsüghüve nani.

EZRA 10:14

Niw hiyampemi no aqo kümtsü züqhu shivetsü pelo. Ni Lhou xukighide no ningu launo tsüghüve moke kutolo niw mishighünaqo lo inaghalimi sasü külave aghi keqo no kihikütha dolono ighilo, eno aphughi lo layemi ngo xaküthami no panoqo sasü ighilo.”

EZRA 10:3

Ikehu I mpeu no kichemije tsükeu eno khunono ni Lhou zakütsü lo msa khokhoshi cheni keno, tipaqo kükümsü kiqi lono nino anipu eno atianuli hi kümtsü pheveni ke ni Lhou sasü puloshoqhi shini nolo, eno ti ye Ayezah kiqi lono shinie.

NEHEMIA 8:6

Ezra no Ampeu, akughushu Lhou sheqhe eno timi kümtsü no au peqheno khochile, “Amen, Amen.” Panongu no akütsü pishiqhope agi no ayeghi daluve no Ampeu mllae.

NEHEMIA 9:38

“Hi kümtsü ghenguno ningu no puloshoqhi akumto hi yepeqhi ani, eno niw sakiphemi, Levimi, ngo achinemi je pesü kaku lo jemchi shipuku püani.

JEREMIYA 3:12

Wuno atsa hipaqo pesü ahuu küdau kütüghü no pilo, “‘Aküpülü kükühau Israel, ideighilo, ipi Ampeu no asheshu. Ni ye amloide ghi o jumo nani, kughengu Ni ye kimiyekini ke, ipi Ampeu no asheshu; Ni ye alholo amloide monani.

JEREMIYA 3:5

Pa ye alhokuthu amloide eno alholo axuide anani keshea?’ Nono pive akemu no ye shiluke thaqhü alhoksa kümtsü shivae.”

JEREMIYA 34:15

Nongu no anileshi xaide ighi no I nhethi lo kiu no achipi keno mlae, pütüta kisüghümi lau kuqhokiphe sheshu, eno I je lono ku keu ki lono I zülo puloshoqhi shike,

JEREMIYA 34:18

Timi khunono Iw puloshoqhi pepimive eno I zülo puloshoqhi beküthaqo pemoni keno I no panoqo pesü panongu no amshiti xapha kini shipe tipau mta lono wuke toi shitsü nani,

JEREMIYA 50:5

Panongu no Zion küdau wukeu la ighiju püzü tilau wu nani. Panongu no pi nani, ‘Ighilo, ningu Ampeu sasü khilemu kümsümave moni keu lhokta puloshoqhi shini.’

2 Kor. 8:5

ike hi ye nino kümsümo mithekeu, ikemu panongu no pano ampi pesü Ampeu tsüve paghi ke, tishino Alhou pulou lono ningu lau tsüe.

JOSHUA 7:26

Panongu no pa shou atu kümzapu gheqhepe qhive eno ti ye ishi kutolo acheni. Tithiu no Ampeu no pa xukighide iqüve. Tighenguno ishi kutolo a-a tipau pesü Achor khila ipi cheni.