YEKIKITHI AKINIU 22:2 - Sumi Naga CL (Re-edited) Bible (BSI)

² Ahaziah ye ampe muku kini shi akelono ayepelu, eno pa ye Jerusalem lono ampe lakhi ayepe. Pa za ye Athaliah, eno li ye Omri tilimi.

BAIBEL (BSI)

^2-3 Ahazia no ampe muku kini shi ake lono akukau shilu eno pano Jerusalem lo ampe lakhi ayeh pe. Ahazia ghi Akukau Ahab kibolomi kuxu pape wuve kughengu paza Athalia ye Akukau Ahab nga ke eno Israil lo Akukau Omri tinuli lakhi ke eno lino akukumsu pa tsu keuno alhoksa lo pa sailove.

YEKIKITHI AKINIU 22:2 Mawu Ofanana

KUKAMI ATUGHIU 16:28

Omri ye pa puasüqo gholo zühuve eno Samaria lo qhove. Pa nu Ahab no pa thisü luve.

KUKAMI AKINIU 8:18

Ahab kibolomi no shike toi pa ghi Israel kükami xine laghi pape, kughengu pa nipu ye Ahab nonga ke. Pa ye Ampeu zülo kiu no axine keno ti shike.

KUKAMI AKINIU 8:26

Ahaziah ye apunu mpe muku kini shi akelono ayepe thu, eno Jerusalem lono ampe lakhi kalu. Pa za ye Athaliah, eno li ye Israel kükau Omri tilimi.

YEKIKITHI AKINIU 21:6

Ahab kibolomi no shike toi pa ghi Israel kükami xine laghi papeuve, kughengu pa nipu ye Ahab nonga ke. Pa ye Ampeu zülo kiu no axine keno shike.

YEKIKITHI AKINIU 22:1

Jerusalem lo xüküami no pa nu anipau Ahaziah pelo pa thisü luvepe, kughengu timi amqo lakhi Arabmi gholono aghazü lo ighi keqo no pa nu anoghimi kümtsü pithive tsü kehu Jehoram nu Ahaziah no Judah lo kaluve.

YEKIKITHI AKINIU 22:3

Pa ghi Ahab kibolomi no cheche keu laghi lo chewu, kughengu paza no kixikila kümla shinike pa shikumtoe.