YEKIKITHI AKINIU 14:7 - Sumi Naga CL (Re-edited) Bible (BSI)

⁷ Pa no Judah lo akemi vilo pi, “Ningu mishighüna hipaqo shiqheni ighilo, eno tipaqo homxape aliwo ngo qogheki eno khagho ngo akhaduqo mlanie. Aghakhu hi ye niw aphi, kughengu nino Ampeu ni Lhou phu kelo Pa no ako kümtsü lono iqüghai keu ningu tsüe.” Ikehu panongu no shiqhe eno ikoishelu.

BAIBEL (BSI)

⁷ Pano Juda lo akemiqo vilo pi, “Ninguno aphughiqo lo akupuwu ngo aghukheki eno khaghoqolo khalukepushi akhadu sulu puzu putukhape qhikeu shinie. Ninguno AMPEU niLhou pulou shike ghenguno ninguno ayeghi qhasulu anike. Pano ningu sushope ani eno aqha kumtsulo sushokulu ningu tsu anike.” Ike panongu no tipaqo shiqhilu eno kinikulu shilu.

YEKIKITHI AKINIU 14:7 Mawu Ofanana

KUKAMI ATUGHIU 15:23

Akükau Asa kümla kütau, pa kumto kümla eno pa no kiu shi keno kümtsü Judah Kükami Yekikithi Kaku lo yepüani ke kumo keshea? Ikemu pa teasü loye pa pukhu lo aküsü ikughive.

YEKIKITHI ATUGHIU 28:9

“I nu Solomon, amlo kümtsü süno puloniqhiyi keu kükümsü xapu o pu Lhou ithilo, kughengu Ampeu no timi mlo lheju no alolo kughu eno kümsüpu akeu kümtsü ithi achenie. Nono Pa phuju aye phulu nani, ikemu nono Pa qhive aye Pa ghi alhokupuju ghenguno o qhive nani.

YEKIKITHI AKINIU 14:4

Pa no Judahmi vilo Ampeu pano puasü Lhou pulou shilopi azah tsü, eno ayezah ngo azakütsü pape penike azah tsüe.

YEKIKITHI AKINIU 14:6

Pa no Judah lo aliwo kumto mishighünaqo shiqhe, kughengu aghakhu ye akulhoqhi ake. Tipa ghuloki lo pa ye aghü shimoe kughengu Ampeu no alokughuno pa tsüke.

YEKIKITHI AKINIU 15:15

Judahmi kümtsü no puloshoqhi ghenguno alovi, kughengu panongu no amlo kümtsü süno ashoqhi shi, eno pulopinyi Pa phu kelo phulue. Ikehu Ampeu no aqha kümtsü lono alokughuno panoqo tsüe.

YEKIKITHI AKINIU 17:13

Judah lo mishighünaqo lo pa no kuchukini pofushi qhive, eno Jerusalem lo ghüshimi, aghütomi qhive.

YEKIKITHI AKINIU 17:17

Benjamin lono: aghütou Eliada gholo azüto ngo asüzü kipemi lakh kini;

YEKIKITHI AKINIU 20:30

Jehoshaphat yekipeqha ye iqüghai lue, kughengu pa Lhou no aqha kümtsü lono pa kulhoqhi tsüke.

YEKIKITHI AKINIU 25:5

Amaziah no Judah ngo Benjamin lo kiptimi kümtsü pütüta li kiqi lono ghüshimi mqo kuto, timi qhethonhe mqo, aqhe mqo zatsümi qhie. Pa no kiptimi ampe muku nguno kunguu kumqo kelo aghü shikulumi eno angu ngo azüto pekithimi lakh küthü hekütsü lu.

YEKIKITHI AKINIU 26:13

Panongu qholo ghüshimi lakh küthü qhethonhe tsüni no aqhe pungu no aküka kumto lono aghümi launo akükau kuphuni kemi ae.

YEKIKITHI AKINIU 32:5

Pa no amlo mtotoi shino akümla huthuve eno aliwo ipove keqo shikithe, eno tipaqo shou qogheki shiqhe no tinguno khalau itaghi akupuwu mla, eno David phughi lo pa no aghukhe-aqo shikumto khave.

YEKIKITHI AKINIU 8:5

Pa no Beth-horon Lashou ngo Beth-horon Aqhou ghi mlae, ti ye aliwo kumto eno khagho ngo akhadu pe khathalu keu mishighüna ke,

John 9:4

Atsala küa lono ningu ye I puwu keu kümla shimasae; khunomu akümla shimlave kepu putho tsala wocheni.

Apostolmi 9:31

Judea, Galilee, eno Samaria qha kümtsü lo akukuhou ye iqüghai keu do sholu eno shikumtolu ae. Ampeu sükümsa lono chewu eno Aghungu Kimthe no shikumto keu vecheo ikowolu.

JOSHUA 23:1

Ampeu no Israelmi pano hokümxa lo aghümi launo akulho qhitsü keu ado kushuo thiu, Joshua ye ighono kitemi shive.

1 Peter 3:12

Kughengu Ampeu nhethi ye amikuchomi shou acheni, eno Pa kini kughope pano kighini initsü cheni. Ikemu Ampeu ye alhoksa shiche kemi mjochile cheni.”