YEKIKITHI AKINIU 14:6 - Sumi Naga CL (Re-edited) Bible (BSI)

⁶ Pa no Judah lo aliwo kumto mishighünaqo shiqhe, kughengu aghakhu ye akulhoqhi ake. Tipa ghuloki lo pa ye aghü shimoe kughengu Ampeu no alokughuno pa tsüke.

BAIBEL (BSI)

⁶ Hipa ghuloki lono pano Juda lo aphughiqo putukhasu luve eno ampe kini kuthu kutolo aghukishi kiumu kuhae kughengu AMPEU no iquighai keu pa tsu ke.

YEKIKITHI AKINIU 14:6 Mawu Ofanana

KUKAMI ATUGHIU 5:4

Ikemu Ampeu I Lhou no I sükümxa kuchopu lo iqüghai tsüno aghümi na amhekiqi namu kühavae.

YEKIKITHI ATUGHIU 22:13

Tsala Ampeu no Moses vecheo Israelmi tsükeu khuaye eno pimheyeqo nono tsaqütsalei pelu aye, no ye ikoishelu nani. Akumto shino amlo kuloghi shilo. Msa kevi; alomtshüve kevilo.

YEKIKITHI ATUGHIU 22:9

Julo, anu lakhi khuu vecheo iqüghai keu yekipe süghi nani keno, o lau punutsü nani. Pa hokümxa lo aghümi akemi kümtsü launo I no pa lokughunotsü nani. Kughengu pa je ye Solomon ipi ku nani, eno pa ghuloki lono I no Israel lo külakishi ngo iqüghai keu süghitsü nani.

YEKIKITHI AKINIU 15:15

Judahmi kümtsü no puloshoqhi ghenguno alovi, kughengu panongu no amlo kümtsü süno ashoqhi shi, eno pulopinyi Pa phu kelo phulue. Ikehu Ampeu no aqha kümtsü lono alokughuno panoqo tsüe.

YEKIKITHI AKINIU 17:4

ikemu pa puasüqo Lhou phuke, eno Israelmi khuaye kumono Alhou zakütsüqo pape.

YEKIKITHI AKINIU 20:30

Jehoshaphat yekipeqha ye iqüghai lue, kughengu pa Lhou no aqha kümtsü lono pa kulhoqhi tsüke.

YEKIKITHI AKINIU 26:5

Zechariah no xüake lo Ampeu sükümsa lono pa kütsü che, eno pa no Alhou pülü ake tivilo Alhou no pa pelo ikoishe lupe.

YEKIKITHI AKINIU 31:21

Eno Alhou ki ghenguno pa no ayezah lo akeu kiqi lono, pa Lhou phuno akümla shikeu kümtsü, pa mlo kuchopu pesü shino ikoishe lue.

YEKIKITHI AKINIU 34:3

Kughengu pa yepe mpe akütacheu lo, ti ye apulhothe shi aphi lono, pa ye pa sü David Lhou mllauve, eno ampe chighiakiniu loye pa no Jerusalem ngo Judah lo qhemghaike-a, Asherim, küxütha keu julho, eno ayi julhoqo kütsave tsü.

JOB 34:29

Pa no iqünheive namu khuu no akipimi Pa tsüluni kea? Pa no Pa gi küsüluve kelo shiye na lüthü namu khuu no Pa ithuluni kea?

LESHELE 46:9

Ayeghi shekha kutolo Pa no aghükishi kishekhave tsüe; Pa no shexilika ngo angupa hechheve tsü; Pa no khurkulu ami lono pitive tsüe.

JOSHUA 23:1

Ampeu no Israelmi pano hokümxa lo aghümi launo akulho qhitsü keu ado kushuo thiu, Joshua ye ighono kitemi shive.

XAKUTHAMI 3:11

Tishino tipa ghakhu lo ampe lhobidi kutolo alokughuno shive. Tithiu Kenaz nu Othniel ye thive.

XAKUTHAMI 3:30

Ikehu tipa tsalani Israelmi no Moabmi qhasüve, eno tipa ghakhu lo ampe lhotache kutolo alokughuno shive.

XAKUTHAMI 5:31

“Hitoi o ghümi kümtsü thive pelo, O Ampeu! Ikemu o küsami ye khetsünhe no ipeche ketoi vülu pelo.” Eno aghakhu ye ampe lhobidi alokughuno shi akulho qhilue.