YEKIKITHI AKINIU 14:10 - Sumi Naga CL (Re-edited) Bible (BSI)

¹⁰ Asa no pa mjonike wuno Mareshah lo Zephathah Khila lo kithepe ngoluve.

BAIBEL (BSI)

¹⁰ Asa ye pa sasu kumjoni ke wuve eno amqo kinikujo Maresha kupunulo Zefatha Khila lo a-a kutoluve.

YEKIKITHI AKINIU 14:10 Mawu Ofanana

YEKIKITHI AKINIU 13:18

Judahmi no Israelmi mhoqhive, kughengu panongu no Ampeu pano puasü Lhou shou pükhübe ke.

YEKIKITHI AKINIU 14:11

Asa no Ampeu pa Lhou lau ighamku inikhu, “O Ampeu, akumtomi ngo miqemlei kemi dolo kuphu tsüni keu O toike khumu kühae. Ni kuphu tsülo, kughengu ningu ye O shou pükhü ani, eno O je lono ningu ye aqokitikhi sasü kumjoni ke ighi ani. O Ampeu, No ye ni Lhou ke, khuu pelomu ni theqhivepe kevilo.”

YEKIKITHI AKINIU 14:9

Ethiopiami Zerah no pa mjonike paw ghüshimi qhethonhe chighi eno khurkulu 300 sasü Mareshah kutolo ighive.

YEKIKITHI AKINIU 26:7

Alhou no pa kuphu no Philistiami, Gurbaal lo Arabmi akeqo, eno Meunimi shou tolupe.

YEKIKITHI AKINIU 32:20

Tithiu Hezekiah ngo Amoz nu tungkupu Isaiah pama no hipa ghenguno kungugha lau ighamku inikhu.

YEKIKITHI AKINIU 32:8

Pa gholo ye timi küka ani, ikemu ni gholou ye ni kuphu no ni ghenguno aghü shitsüni keu Ampeu ni Lhou ani.” Akükau Hezekiah tsa hipaqo no timiqo shikumto luve.

LESHELE 20:8

Tipaqo ye veqhive eno ikiqive, ikemu ningu ye ithughi no mtotoi puthugho luve nani.

LESHELE 31:15

I do-ghuloki ye O u lo ani; I ghümi eno I pishipuju kemi u lono I xalu tsülo!

LESHELE 9:20

Aküighüpu lo panoqo süvelo, O Ampeu! Shiyeqo pelo panongu ye timi kepi ithi pelo!

ZAKINIU 20:1

“Nongu no aghü küpüghü wukelo, now khurshi ngo khurkulu eno ghüshimi nguno alau ithulu namu msa kevilo, kughengu Ampeu khuu Egypt lono nongu xaphelu keno nongu Lhou no nongu gholo anani.

JOSHUA 19:4

Eltolad, Bethul, Hormah,

XAKUTHAMI 1:17

Judah no pa thiküzüu Simeon sasü wuno Zephath lo Canaanmi küghüna akemi theqhive eno aphughi tipau kütsave tsü. Ikehu aphughi tipau pesü Hormah kuvetsü.

SAMUEL ATUGHIU 14:6

Jonathan no apumi pa ghünanu kupuu vilo pi, “Ighilo, nikujo aphighüyiko ghamo kemi lau ikuni. Ampeu no nikujo ghenguno akümla shitsü peni, kughengu Ampeu no xaluni keu ye kutomo vecheo shi aghina aghulo vecheo shi aghi namu lakha chile mlae.”

SAMUEL ATUGHIU 17:45

Tile David no pa vilo pi, “No ye azütakikihi, angupa eno ayi ghasü pesü I lau ighi ani, ikemu ni ye aqokitikhi Mpeu, Israel ghüshimi Lhou, khuu nono khü ani keno Pa je lono o lau ighi ani.