XAKUTHAMI 9:57 - Sumi Naga CL (Re-edited) Bible (BSI)

⁵⁷ Shechem timiqo ghi Alhou no pano xine pesü pano kütsü lo ikughipe, eno Jerubbaal nu Jotham no ghusho püake toi pano shou ikughie.

BAIBEL (BSI)

⁵⁷ Alhou no Shekem timiqo pelono ghi panongu kumla lhoksa ghenguno aloqhi imevepeke, Gideon nu Jotham no panongu ghusho puaketoi imeveke.

XAKUTHAMI 9:57 Mawu Ofanana

SAMUEL AKINIU 3:39

Eno akükau lakhi shi nukishe püaghimu ishi tsala lo ni ye aghüthi süvae. Zeruiah nuli, timi hipaqo ye I nguno alau mkamihi ke. Ampeu no küsakügha kümlami lau paw küsakügha kiqi lono tsüchile peniu!”

KUKAMI ATUGHIU 16:34

Pa küka ghuloki lono Bethelmi Hiel no Jericho shiqhe kithe. Ampeu no Nun nu Joshua vecheo pipüa ketoi Hiel no aboqha mla akelono pa nu anoghiu Abiram küxü kühave, eno pa no khagho mla akelono pa nu anipau Segub thive.

KUKAMI ATUGHIU 2:32

Pa no aji peleve keu Ampeu no pa kütsü lo pukutsü nani, kughengu I pu vilo pimono pa no timi kini, Ner nu Abner Israel ghüshimi zatsüu ngo Jether nu Amasa Judah ghüshimi zatsüu, pa nguno amikuchou eno akiviu pithive tsüe.

LESHELE 7:17

Ampeu mikucho ghenguno I no shikimthi tsüni, eno I no Shishe Akiqheu Mpeu lau shekiqhe le pheni.

LESHELE 94:23

Pa no panoqo xine pesü pano shou pechile ighi nani eno panow küsakügha ghenguno pano joleve nani; Ampeu ningu Lhou no panoqo joleve nani.

AHOLE 5:22

Kixikilami ye pa xine no meluve cheni, eno pa xine kighi no tsatsai pa tsüghave cheni.

ISAIAH 3:11

Kixikilami hasapue! Pa sala aghime anani, kughengu pa no shike toi pa lau shitsü nani.

JOSHUA 6:26

Tile Joshua no ashoqhi lakhi shi, “Khuu no Jericho phughi hipau shiqhe kithe nike ithughini keno, Ampeu no angusü pa shou apeniu. “Aboqha tu ye pa nu anoghiu küxü shouno shosü peni, khaghoqo ye pa nu anipau küxü shouno süqhe peni.”

XAKUTHAMI 1:7

Tileno Adoni-bezek no pi, “Kükami pano 70 auloqu ngo apukhuloqu ghithave kemi no I no ilhu cheke-a lo ikiqive keqo kiche chuche. I no panongu lau mlake toi itehi ye Alhou no I lau mlavae.” Eno panongu no pa sasü Jerusalem lo ighi no pa ye tilauno thive.

XAKUTHAMI 10:1

Abimelek thiu Issacharmi Dodo nu, Puah nu Tola no Israelmi xaluni ke ipeghi. Pa ye Ephraim tokukujo lo Shamir lo xüache.

XAKUTHAMI 9:20

Ikemu tishimo aye, Abimelek phi lono ami iqü ipeghi keu no Shechem ngo Beth-millo lo sakiphemi pitiqhive peni; eno Shechem ngo Beth-millo lo sakiphemi phi lono ami iqü ipeghi keu no Abimelek pitiqhive peniu.”

XAKUTHAMI 9:24

tishikeu lono Jerubbaal nuli 70 lau akümla lhoksa shikeu ipeghive peniye ke, eno panongu ji ye pano thiküzüu Abimelek khuu panongu pithive keno pa shou, eno Shechemmi khunono Abimelek shikumto keno, tipaqo shou ghi ikughi peniye ke.

XAKUTHAMI 9:45

Abimelek no tipa tsala kupuju aphughi lo akeqo sasü aghü shino tile küghüna akeqo heqhi pithive; pa no aphughi tipau kütsave tsüno amti pesü jonhave tsü.

XAKUTHAMI 9:56

Abimelek no pa thiküzümi 70 pithive keu lono papu shou küsakügha shive keu lo Alhou no hitoi pa tsüchileve.