XAKUTHAMI 3:8 - Sumi Naga CL (Re-edited) Bible (BSI)

⁸ Tighenguno Ampeu no Israelmi lau axuideve no panoqo pesü Mesopotamia kükau Cushan-rishathaim u lo süvetsü. Tishino Israelmi ye ampe tache Cushan-rishathaim qeche.

BAIBEL (BSI)

⁸ Tileno AMPEU no Israilmi lau ighono amlo ideveno Mesopotamia lo akukau Kushan Rishathayim pelo panongu leluvepe. Panongu ye ampe tache kutolo paqholo acheuve.

XAKUTHAMI 3:8 Mawu Ofanana

BOTHUBO 24:10

Tishino aqeu huno pa mpeuw sayeshi chighi eno agho jeli akiviu ikhipe wuve; eno pa no ithu Mesopotamia lo Nahor phughi lo wuve.

LESHELE 106:41

Pa no shiyeqo u lo panoqo pephe tsüve, ikehu pano mithi chekemi no pano shou ayepeuve.

LESHELE 129:1

“I lhothe lono panongu no shishe I ghime ighivae”— Israel pelo itehi pi pelo—

LESHELE 44:12

Nono ame mlalei ningu jeve, panongu jeme kutomo khumoe.

LESHELE 6:1

O Ampeu, O mlo kighide lono I sakiyi kevilo, O loghu lono I sakiyi kevilo.

LESHELE 85:3

O loghu kümtsü süchileve; O mlo kighide külü lono Nono tsüghüve ke.

IPEKULU 22:24

I loghu no iqü ipeghive nani, eno I no azütakikihi pesü nongu pithive nani, nongu nipuqo ye chimemi shive eno nongu nuliqo ye mighimi shive nani.

ISAIAH 50:1

Ampeu no ishi piani: “O zaw aküghüxa shepe I no li u lo sütsü keu khile ani kea? Momu I pi kupumi dolo, khuu lau o jepuwuve keno pi julo. Julo, nongu xine ghenguno nongu jepuwuve; eno nongu kipimi ghenguno nongu paza hapuwuve ke.

ACHINE 26:17

I no nongu mjochile nani, no ghümi nongu theqhive nani. No jumithi kemi no nongu shou ayepe nani, eno khunomu hachemo keghi nongu ye kuhapo nani.

HABAKUK 3:7

Cushmi phiki aghime lo akeu I no ithulu; Midian yeghi lo nhaqhiphi no khokhoshi ke.

Rommi 7:14

Kughengu Ayezah ye anguagha küxü lo ghenguno kepi ningu no ithi ani, ikemu ni ye ashi lo timi axine qüaxe lo jesüve kemi.

ZAKINIU 29:20

Ampeu ye titoi kemi kipimi qhitsümo nani, Pa mlo kighide ngo anhekushu no pa shou ikughi nani, kaku hipau lo müsüini keu kümtsü pa shou pukutsü nani, eno atsütsü qholono pa je ikhivetsü nani.

ZAKINIU 32:30

Ampeu no panongu phevemo aye eno pano Tuqu no pano jepuwu moaye, kishino milakhi no qhethonhe halelu, eno mikini no qhethonhe chighi hale luni kea?

XAKUTHAMI 2:14

Ikehu Ampeu no Israelmi lau ighono axuideve no panongu pesü süxakuchumi tsüve no tipaqo no pano xüle puwuve pe. Pa no pano ghümi u lo panoqo jesüve, tishikeu lono Israelmi ye kiu nomu panongu süshokulupu shimlave.

XAKUTHAMI 2:20

Ikehu Ampeu mlo kighide no Israelmi shou ikuve no pi, “Timi hipaqo no Puloshoqhi khikhi I no pano puasü vilo shilo pi keno, ti hexave eno I gholu move kehu,

XAKUTHAMI 3:10

Ampeu Ghungu no pa shou ikughi eno pa no Israelmi shou xaküthau shive. Pa no aghüshi lo wukelo, Ampeu no Cushan-rishathaim, Mesopotamia kükau pesü pa u lo süvetsü. Pa no Cushan-rishathaim shou toluve.

XAKUTHAMI 3:7

Israelmi no Ampeu zülo küsakügha shiuve eno Ampeu Alhou kümsümave no Baal ngo Asheroth mllauve.

XAKUTHAMI 3:9

Ikemu kughou Israelmi no Ampeu lau ighamku keno, Ampeu no panongu xaphe nike Kenaz nu, Caleb thiküzüu Othniel puwu, eno pa no panoqo xalue.

XAKUTHAMI 4:9

Li no khochile, “Ni ye o sasü wuni pütsa, tishimu tokulu juaje ye ow shimoae, kughengu Ampeu no Sisera pesü totimi lakhi u lo süve tsüni cheni.” Tishino Deborah no Barak sasü Kedesh lo wu.

SAMUEL ATUGHIU 12:9

Ikemu panongu no pano Mpeu Alhou kümsümave. Ikehu Pa no Hazor ghüshimi zatsüu Sisera u lo, Philistiami u lo, eno Moab kükau u lo panoqo jesüve. Eno panongu no pano sasü aghüshi.