Titus 1:10 - Sumi Naga CL (Re-edited) Bible (BSI)

¹⁰ Kughengu hekibidemi kutomo ani, ameküküha tsa kipimi eno pishikiqhimi, akhoto no aphighüyiko kügha mqo ani.

BAIBEL (BSI)

¹⁰ Kughengu hekibidemi kutomo ani eno adoutsa pipesu kutami pishiqhi acheni, tiye akhotono Judami chineyeh lukemiqoke.

Sümi Tiqhelimi Bible

¹⁰ Kughengu hebide chekemi kutomo ani, ameküha keu küküpütsa eno pishikiqhi no chhitoi akemi, tiye akhotoshi aphighüyiko-küghá mqo lo akemiqo ke.

Titus 1:10 Mawu Ofanana

MATTHEW 23:14

Nongu Ayezah shikükami ngo Phariseemi hasapue, keghilishi chekeqo! Nongu no chimemi kilo pükawu cheni, eno akighini kushuo shipe piye cheni. Ikehu nongu ye alau aghime ithulu nani.

Apostolmi 11:2

Ikehu kughou Peter no Jerusalem lo ighi keno, aphighüyiko ghave kemi loji no pa pipüsa ghi pi,

Apostolmi 15:1

Ikemu Judea lono timi khami Antioch lo ighi no ishi athiküzümi kütsü, “Moses khuaye kiqi lono nongu no aphighüyiko ghamo aye, nongu ye xamlae.”

Apostolmi 15:24

Ningu gholo khami no nino azah tsümo keghi wuno atsa hami pesü nongu pünaqhi eno kütakihi anie pi nino chilue.

Apostolmi 20:29

I no ithi anike I no cheve kethiu tüngtügha yiküsa no nongu gholo ighi no küpülümi lojiqo püxümo nani,

Galatiami 2:4

Kughengu kichile thiküzümi no tuqhou no nino Khristo lau ililai xüakeu lo puju iloghi, tishikeu lono ni sasü akütsügha lo saghini ye shike.

Galatiami 3:1

O Galatiami mbomzümiqo, khuu no nongu shiküghüzüve kea? Jisü Khristo ye nongu nhethe lono pekipheshi yedave ke.

Ephesiami 4:14

tishianguno ningu ye itikütüpa ghi pishikiqhi külü, amqükini, mqümgha kukughu jeli hipaqo mülhü no ningu fusasü izüichoi azüu huju eno athiu woju monani.

1 Tim. 1:4

eno küghakiche tsa ngo ashekuho küha keu laghaphi ghili lakha peniye ke, kughengu tipaqo ye aküpülü vecheo Alhou launo ighi keu jukükütsü kümlapu pekho ke kumono, avehu küghüzüpu xukutho cheni.

1 Tim. 1:6

Timi khami ye hipaqo lono ala vepimive no adou tsa küghakile keu küdau wuve ani.

1 Tim. 1:9

Hi vethalu no ayezah ye timi süchomi ghenguno mla püamoe ikemu ayezah heküxami eno hekibidemi, Alhou kümthami eno axine shiche kemi, mithemo kemi eno achineye thaigha chekemi, apuaza heqhi kemi, timi heqhi-buqhi kemi,

2 Tim. 3:13

ikemu alhoksami ngo keghilishi kemi ye kütami pishikiqhi eno pano ampi ghi pishiqhi keu lono alhoksa shikithe nani.

2 Tim. 4:4

eno kuchou tsa inini keu lono tsüghuve no küghakiche tsa lo amlo tsüuve nani.

Titus 1:6

Kichimi lakhi ye tukutiye küha kemi, anipu lakhi akemi, pa tianuli ye küpülümi shimasae, eno ghasü kümla momu aghokulu kumo shimoni.

James 1:26

Khuana no pa ye achineye lo amlokütsümie pi kümsü cheni mu pa mili ghasümo aye, pa ye pa ampi pishiqhi ani, eno pa chineye ye ame kühae.

1 John 2:18

Atianuliqo, hi ye ashekhau tüqhüdo ke, eno kichileu Khristo ighini keu nongu no chiluve akehu itehi ye kichileu Khristo kutomo ipeghivae. Tighenguno hi ye ashekhau tüqhüdo kepi nino vethalu ani.

1 John 2:4

Khuu no “Ni ye Pa ithitoi ani” ipi ani kemu Pa zakütsü pemoni keno pa ye kimkimi, eno pa lolo kuchou kühae,

1 John 4:1

Kimiye chekemiqo, aghungu jeli kümtsü pülü kevilo, ikemu tipaqo ye Alhou launo kemo keno ithini ke chhejulo, kughengu ayeghiqha lo kichile tungkupmi kutomo ipeghivae

Piyeküsü 2:14

Ikemu Ni ye thime hami pesü o shou xube kepu ani: timi khami khunono Balaam kükütsü pape cheni keno tilau o gholo ani. Balaam no Israelmi zülo apukhu küpsüpu qhitsüni ye Balak kipe, tishianguno panongu pelo asüatu julho mllave keu chuqupu chuno shupu salhauve peniye ke.

Piyeküsü 2:6

Tishimu no ye hipau aphie: no ye Nicolaitmi kümla mithi cheni, Ni ghi ti mithi chenie.