SAMUEL ATUGHIU 29:6 - Sumi Naga CL (Re-edited) Bible (BSI)

⁶ Tileno Achish no David kuno pi, “Ampeu xü anike no ye amikucho shi acheni, eno I gholo aghüla wuni keu ye achipie pi ni ye kümsü ani. Kughengu nono I lau ighike tsala lono ishi kutolo ni ye akumou kiumu ithulu mphi. Ikeghi ampemi no o pulo movae.

BAIBEL (BSI)

⁶ Tile Akis no David kuno pi, “Ino xukuau Israil Lhou jelono tushoqhi pi anike noye ilau ighono aghokulu shi acheni; tighenguno nono hipau ghushilo igholo wuno aghushitsu aye niye ighono imlo kiqi shi nani. Kughengu nono igholo auveke tsala lono ishi kutolo niye kumu okipimi ithumla aphi. Ikemu kukami kutamiye opulu bemlano ani.

SAMUEL ATUGHIU 29:6 Mawu Ofanana

BOTHUBO 16:6

Ikemu Abram no Sarai vilo pi, “Julo, o qeliu ye o küka qholo anie; o pulou kiqi lono li lau shilo.” Tileno Sarai no mghachhoi li peitha, eno li ye li launo pove.

SAMUEL AKINIU 3:25

Nono ithi anike Ner nu Abner ye o pishiqhi niye, ow ikipe ikulo ithini ye eno nono mla akeu kümtsü ithi niye ighie.”

KUKAMI AKINIU 19:27

“Ikemu nono iqa eno ipeilo akeu, eno I shou mqhumza akeu kümtsü I no ithi ani.

LESHELE 121:8

Itehi no huthusü pülhapuju lo Ampeu no ow ikipe ikulo kümtsü lo o süsho nani.

ISAIAH 37:28

“Nono iqa-ithu keu, ipe-ilo keu, eno I lau axuide keu I no ithi ani.

ISAIAH 65:16

tishikeu lono aghakhu lo timi khuu no pa likhi pa kümghatsü keno, pa ye kuchou Lhou no kumghatsü nani, eno aghakhu lo timi khuu no ashoqhi shini keno, pa ye kuchou Lhou vecheo ashoqhi shi nani; kughengu wove keu küküpna ye kümsümavae, eno tipaqo ye I launo küsüvae.

JEREMIYA 12:16

Ti ye shikupu nani, panongu no amlo tsüqhiyi Iw timiqo laghi shikalu, eno Iw timiqo pelo Baal lau tushoqhi peke toi, I je lono tushoqhi, ‘Ampeu xü anike,’ ipi aye, panongu ye Iw timiqo gholono shiqhe pukutsü nani.

AKIKIHI 27:17

pa no timiqo züu shi ipeilo eno saphe pelo, tishianguno AMPEUw timiqo ye akheu kühakeu mbeloji toi pemonie.”

MATTHEW 5:16

Tipaphi lono, kütami zülo nongu kulu vüqailu pelo, tishikeu lono panoqo no nongu kümla kivi ithulu no ajuküvü pesü nongu Papu kungugha lo akeu tsü nani.

ZAKINIU 10:20

Ampeu nongu Lhou sümsa lo. Pa huthu eno mtulu lo, eno Pa je lono tushoqhi lo.

JOSHUA 22:30

Kughou achineu Phinehas ngo pa gholo Israelmi akütsüqo no Reuben, Gad eno Manasseh shiaye tüxa no atsa hipaqo pikeu chilu keno, panongu nhethe lo achipishi ithuluve.

1 Peter 2:12

Alhou mtha kemi gholo nonguw süqesüli ye gihuküzüpu shilo, tishianguno panoqo no nongu ye küsakügha kümlami kepi jeku anamu itaghi nongu kümla kivi ithulupe Alhou no ighike Tsala lo akishe tsülu nani.

1 Peter 3:16

nonguw kiviküsa lokütsü huno akipimi tsüpemo kepushi mtsümishei keu mlo xapulo, tishianguno kughou nongu pipüthani keno, nongu no Khristo laumi kehu nonguw süqesüli kivi pipütha kemi pelo kujove peniye ke.

SAMUEL ATUGHIU 20:3

Ikemu David no itaghi tushoqhi, “Nono I kimiye chekeu o pu no ithi ani, eno pa ye ishi kümsü ani, ‘Jonathan pelo hi ithi pemoni, tikumo aye pa ye amlo ijuve nani.’ Ikemu kuchou no Ampeu xü anike eno no hi xü anike, ni eno akithi dolo küpka lakhi likhi ani.”

SAMUEL ATUGHIU 28:10

Ikemu Saul no Ampeu je lono li lau ashoqhi shi, “Ampeu xü anike hi ghenguno kiu ghimemu o shou ikughimo nani.”

SAMUEL ATUGHIU 29:3

Philistiami zatsümi no pi, “Hebrewmi hipaqo ye hile kiu shi ani kea?” Achish no zatsümi vilo pi, “Hi ye Israel lo akükau Saul qeu David ke kumo keshea, pa ye aqhi ampe I gholo ngo ighivae eno pa no I lau ighive ke ghuloki lono ishi kutolo ni ye pa lolo akipimi ithumla aphi.”

SAMUEL ATUGHIU 29:7

Ikehu itehi aloino idewove lo; tishianguno no ye Philistiami ampemi loshipüsü monani.”

SAMUEL ATUGHIU 5:8

Tighenguno panongu no Philistiami ampemi kümtsü ghakütsü kumqope no pi, “Ningu ye Israel Lhouw Puloshoqhi Bohu pe kiu shiveni kea?” Panongu no khochile, “Israel Lhouw Puloshoqhi Bohu ye Gath lo peighi pelo.” Tighenguno panongu no Israel Lhouw Puloshoqhi Bohu tilau pewuve.