SAMUEL ATUGHIU 24:11 - Sumi Naga CL (Re-edited) Bible (BSI)

¹¹ Julo, I pu, ow chijeboike phishe I u lo ani. I no mtsüqhei o phishe gholuve tsüno o heqhi move keu ye I lolo akipimi momu pishikiqhi kühae pi o pelo ithi eno ithulu peniye ke. Nono I küxü luve tsüniye phucheni kemu ni ye o lau axine shi püamoe.

BAIBEL (BSI)

¹¹ Julepi, ipu, ophi kukuzu she iulo hi ghotha pesu pecheni! Niye oheqhi luvekepu shiae, ikemu tishinike zuqhu aphishe likhi ghothaluvetsue. Tighenguno hileno nono ithimasake niye omujochileni keu kukumsu mu kuha momu oghimeveni keu niye khilemu alolo kuhae. Nono iheqhiveniye ihacheni, niye olau kiu lhoksa kumla kumu mla puamoe.

SAMUEL ATUGHIU 24:11 Mawu Ofanana

SAMUEL AKINIU 1:14

David no pa vilo pi, “Kushiye no ye Ampeu no nukisheve keu shou o u beni keu msa move kea?”

KUKAMI AKINIU 5:13

Ikemu pa qemi no pa vilo pi, “I pu, tungkupu no o vilo kushokütsü tsa pinamu no ye shiveni cheke kumo? Pa ye o vilo, ‘Qhuve no mithe luve lo,’ ipike kumo keshea?”

JOB 10:16

I kütsü peqhe ithuche aye Nono abongshuu toi I haqhi eno I ghüza niye akümzapu kümlaqo I shou mlae.

LESHELE 119:161

Kükapumi no kütsazü lono I pishipuju ke, ikemu I mlo ye O tsa msaqhiyi acheni.

LESHELE 140:11

Akimkimi pelo ayeghi lo apaqa luvepe kevilo; alhoksa pelo mtazü nguka-ngughami kütsave pelo!

LESHELE 35:7

Kughengu kütsazü shi panongu no I ghenguno alichhe shipeqhi; I ghenguno panongu no kütsazü shi aqo chhue.

LESHELE 59:3

Kughengu julo, panongu ye I küxü miqe ani; mkamihi kemi no I shou aküküpna xukutho ani. O Ampeu, I kipimi momu axine kiumu küha keghi,

LESHELE 7:5

I ghümi pelo hasü ighi no küghaluve pelo, pa pelo I küxü ayeghi lo neda qodave pelo eno I jekipi pesü ayeghimkhu lo qhivetsü pelo.

AHOLE 15:1

Mtshaminhei khochile keu no aloghu ikhive tsücheni, ikemu atsa kümka no amlo kighide xukutho cheni.

AKUMLO 4:18

Ni pukhune sükiqhe kümtsü timiqo no miqe kehu ni laghila lomu chewu mlae; ni tsala ye kihithavae; ni shekuho ye kupunuvae, kughengu niw kishekha ye ighivae.

EZEKEL 13:18

Ampeu no ishi piani: Topumi khunoqo no küdüu u kükha tsüghupe au kümtsü lo tsüghapu, eno timi jeli ghenguno agi künhaphi mlano timiqo kitime luve niye shi keno ahasapue! Nongu ye Iw timiqo ngulho pithive no nongu ngulho püxüpe qhilu nani keshea?

MICAH 7:2

Alhou pape chekemi ye ayeghi lono kühavae, eno timi gholo akümzümi ye khumu kühavae; panongu kümtsü no aji peleni ye ngokhe ani eno akhame pesü lakhino lakhi hakuqo ani.

John 15:25

Ikemu panongu Yezah lo yepüakeu tsa ye shikupu masae: ‘Jekujeli kühamu panongu no I mithike.’

SAMUEL ATUGHIU 12:3

Ni ye hile ani; Ampeu zülo eno Paw nukikishe zülo I lachile kepu aghi aye thopi shijulo. Khuu mishitsü momu khurha I no luvetsü kea? I no khuu pishiqhi chuve momu khuu qhasüve kea? Momu khuu u lono I no külügho luve no tino I nhethi miyi luve kea? I lachile ghi thopi shijulo eno I no tipaqo nongu lochileveni.”

SAMUEL ATUGHIU 18:27

David no pa gholo timiqo sasü wuno Philistiami aqhe kini pithive. Eno akükau makishiu shiniye panoqo phighüyiko akikihi kiqi lono kupukülai akükau lau süghitsü. Saul no pa nga Michal pesü pa nipu shi penike tsüve.

SAMUEL ATUGHIU 23:14

David ye Ziph sayeqha lo atoghi sükusho-a lo ngove, Saul no tsala kipetsü pa phuche, ikemu Alhou no pa pesü pa u lo süvetsü moe.

SAMUEL ATUGHIU 23:23

Tighenguno aküghütshü-a khipaqo pa no peitha cheni keno kümtsü phuju no thebei keu sütsa pewo I tsülo. Tileno I no nongu gholo wuni. Pa no aghakhu lo aghi aye, I no Judah lagha qhethonhe gholo pa phujuni.”

SAMUEL ATUGHIU 25:28

Kimiyeno o qeu no alughi vecheve keu kipimi qhive tsülo. Ampeu ye mtsüqheino I mpeu küka shiqhetsü nani, kughengu I mpeu ye Ampeu ghüshi shicheni, eno nono xüake tivilo alhoksa ye o lolo ithulumo nani.

SAMUEL ATUGHIU 26:18

Pa no pi, “Kushiye I mpeu ye pa qeu hacheni kea? Ni ye kiu shive kea? I u lo alhoksa kiu ani kea?

SAMUEL ATUGHIU 26:20

Ikehu Ampeu launo putosüu akelono I ji ayeghi lo kighiji tsü kevilo, kughengu Israel kükau ye timi no naghutoqo lo akhi ghau hache keshi axü-ahi lakhi phuniye ighi ani.”

SAMUEL ATUGHIU 26:23

Milakhi mikucho eno pükhükulu ghenguno Ampeu no asaxü tsü cheni, kughengu Ampeu no ishi o pesü I u lo sütsüe, ikemu I no Ampeuw nukikishe shou I u süqhe move.