SAMUEL ATUGHIU 2:2 - Sumi Naga CL (Re-edited) Bible (BSI)

² “Khumu Ampeu toi akimthe kühae: kughengu O nguno alau kütami kühae; ningu Lhou toi atuqu khumu kühae.

BAIBEL (BSI)

² ‘Khunomu AMPEU toi akimthe kuhae; khumu pa toikeu kuhae, ningu Lhou toi sushokuluu kuhae.’

SAMUEL ATUGHIU 2:2 Mawu Ofanana

SAMUEL AKINIU 22:3

I Lhou, I tuqu, I no Pa launo sükusho luchenie, I züto, eno I xakulu kibo, I sükusho-a eno I küghütshü-a, I xakuluu; kütsakungo keu lono Nono I xalue.

SAMUEL AKINIU 22:32

“Ampeu no kumo aye Khuu no Alhou kea? Eno ni Lhou likhino kumo aye Khuu no atuqu kea?

SAMUEL AKINIU 7:22

Tighenguno No ye kije ke, O Ampeu Alhou. Ni kini lono chilu keu kiqilo O toi keu khumu kühae, eno O nguno alau ye Alhou kütau kühae.

KUKAMI ATUGHIU 8:23

eno pi, “O, Ampeu Israel Lhou, atsütsü qholo eno ayeghi shou khumu O toike kühae, Nono O qemi no amlo kuchopu ikhiphepe aghokulu shi ake thaqhü lo Ow timiqo sasü puloshoqhi shikeu pape eno O kikimiye panongu lau pephe piye ke.

LESHELE 111:9

Pa no Paw timiqo lau qhüchilekulu tsüke; Paw puloshoqhi ye alholo ache penike Pa no azah tsüe. Pa je ye akimthe eno akümzapu ke!

LESHELE 18:2

Ampeu ye I tuqu eno I liwo, eno I xaphekuluu, I Lhou, I tuqu, I no O launo sükusho lucheni, I züto, I xakulu kibo, eno Iw sükusho-a.

LESHELE 18:31

Ikemu Ampeu no kumo aye khuu no Alhou kea? Ni Lhou likhi no kumo aye, khuu no atuqu kea?—

LESHELE 71:19

O Alhou, O chipiu mikucho ye kungugha kutolo to ani. No khuu thime kije mlave akeno, O Alhou, O toike khuu ania?

LESHELE 71:3

I ghenguno sükusho tuqu shitsü lo, tipau lau I no alhokuthu ighini, Nono I xalu peniye azah tsüvae, kughengu No ye I tuqu eno I sükusho liwo ke.

LESHELE 73:25

Ikemu No kumo aye kungugha lo ni ye khuu ani kea? Eno O nguno alau ni ye ayeghi lo mine kepu kühae.

LESHELE 86:8

O Ampeu, O toikeu lhou kütau khumu kühae, O kümla toike kiumu kühae.

LESHELE 89:6

Kughengu atsütsü qholo khuu no O sasü kimhe luni kea? Kungughami khuu no O toike ani kea?

LESHELE 89:8

O Ampeu aqokitikhi Lhou, O Ampeu, O pükhükulu no O vehope aketoi khuu no O toi akughushu kea?

LESHELE 99:3

Panoqo pelo O je kije eno akughushu sheqhe pelo! Pa ye akimthe ke!

LESHELE 99:5

Ampeu ni Lhou süqhelo; Pa pukhu kinepu lono mllalo! Pa ye akimthe ke!

LESHELE 99:9

Ampeu ni Lhou sheqhelo, eno Pa kimthe toghi lono mllalo; kughengu Ampeu ningu Lhou ye akimthe ke!

IPEKULU 15:11

“O Ampeu, alhouqo dolo khuu no O toi kea? Aküka kughushu, ajuküvüpu kümla lo sheqheküzü, akümzapu mla chekeu, Khuu no O toi kea?

ISAIAH 40:18

Imaye nongu ye khuu momu kiu pesü Alhou kimhe tsüni kea?

ISAIAH 44:6

Ampeu, Israel kükau eno pa Xachilekuluu, aqokitikhi Mpeu no ishi piani: “Ni ye atüghüu eno ashekhau; I nguno alhou kütau kühae.

ISAIAH 44:8

Msa kevilo, Ni ye khaghino nongu vilo pive ake kumo? Nongu ye Iw thopimi ke! I nguno alhou kütau ani keshea? Atuqu kütau kühae: Ni ye lakhimu mthae.”

ISAIAH 57:15

Kughengu akiqheu eno süqhepe püakeu, khuu shekhaha acheni eno Pa je Akimtheu keno, Pa no ishi piani: “Ni ye akiqheu eno akimthe-a lo acheni, ikemu Ni ye mloqa kemi ngo aqhokighemi gholo ghi ani, Ni ye aqhokighemi ghüthi püxü kithetsü, eno mloqa akemi mlo püxü kithe tsüniye ke.

ISAIAH 6:3

Panongu dolono ighamku pi: “Aqokitikhi MPEU ye akimthe, akimthe, akimthe ke; ayeghiqha ye Pa jekipi küka no chhitoi ani!”

JEREMIYA 10:6

O Ampeu, O toike kühae; No ye kije, O je ye aküka kije ke.

ACHINE 11:44

Ni ye Ampeu nongu Lhou ke. Tighenguno nongu kishekimthe pe akimthe shilo, kughengu Ni ye akimthe ke. Ayeghi lo itikiche eno lülüshi keu lhoxü jeli pesü nongu ampi shikuchhube moni.

ACHINE 11:45

Ni ye khuu Egypt yeghi lono nongu saipeghi keno, Ampeu nongu Lhou huke. Tighenguno nongu ye akimthe shilo, kughengu Ni ye akimthe ke.”

ACHINE 19:2

“Israelmi qoaho vilo pilo, Akimthe shilo, kughengu Ni Ampeu, nongu Lhou ye akimthe ke.

Rommi 15:4

Khaghi ghuloki lono kiu yepe qhive keno ti ye ishi ningu qoputhu niye ke, tishianguno Kuchoyesü lo kheakulu eno shikumtokütsü vecheo ningu pelo lajupu apeniye ke.

Rommi 4:8

Ampeu no khuno xine kihi tsümoni keno akümghapue.”

ZAKINIU 3:24

‘O Ampeu Alhou, No ye itehi no O kighiche eno akumto pesü O qeu piyethu aphie. Kughengu Ow akümzapu kümla Nono shi aketoi kungugha lo eno ayeghi lo alhou khuu no shikulupu kea?

ZAKINIU 32:20

Pa no pi, “I no panongu launo I gi küsüveni; pano shekuho I no jutsüni, kughengu panongu ye hekibide tiqhelimi ke, pano lolo pükhübekulu kühae.

ZAKINIU 32:39

“‘Itehimu Ni ye Pa huke julo, I nguno alau kütau lhou kühae; I no pithive eno püxüve cheni; I no ghüzave no shipivi cheni; khunomu I u lono xaphe mlae.

ZAKINIU 32:4

“Pa ye Atuqu, Pa kümla ye kupukülai, Pa kümla kümtsü achipiu ke. Pükhübekulu eno akipimi kühakeu Lhou ke, achipiu eno amikucho ye Pa ke.

ZAKINIU 4:35

Nongu lau hi piye keu ye, nongu pelo Ampeu ye Alhou kepi ithi peniye ke; Pa nguno kütami ye khumu kühae.

ZAKINIU 4:39

Tighenguno ishi tsala lo hi ithi no nongu mlo lo qhilulo, Ampeu ye kungugha lo eno ayeghi lo Alhou ke; kütami khumu kühae.

1 Peter 1:16

kughengu ishi yepüani: “Nongu ye akimthe shilo, kughengu Ni ye akimthe ke”