RUTH 1:16 - Sumi Naga CL (Re-edited) Bible (BSI)

¹⁶ Ikemu Ruth no khochile, “I vilo o qhive lopi kevi momu o papemo no idewove lopi kevilo. Kughengu nono khile wuni keno ni ghi wuni eno nono khile ngoni keno ni ghi ngoni. Ow timi no Iw timi shiveni eno o Lhou no I Lhou shiveni.

BAIBEL (BSI)

¹⁶ Ikemu Rut no pi, “Ivilo oqhivelo pikevilo eno opapenikeu ihachile tsukevilo, kughengu nono khile wunikeno nighi wuni eno nono khile ngoni keno nighi tile ngoni; owu timi pe iwu timi shini eno oLhou pesu iLhou shini.

RUTH 1:16 Mawu Ofanana

SAMUEL AKINIU 15:21

Ikemu Ittai no akükau khochile, “Ampeu xü ani eno akükau I mpeu xü anike, khile khilemu I mpeu akükau no wukeu lo xümu thimu o qeu ghi wunie.”

LESHELE 45:10

O ayiliu, inilo eno kümsü julo, eno o kini kugho puwolo: ow timiqo eno o pu kibolomi kümsümave lo,

AHOLE 17:17

Shompami ye ado kümtsü lo kimiye kile cheni eno athiküzümi ye aveküsa tüqhüdo ghenguno punu püani.

ISAIAH 14:1

Ampeu no Jacob lagha kimiyeve no itaghi Israel kisheluve nani, eno pano yeghi lo sawo qhive nani, inaghami no Jacob laghami gholo xüküqhauve nani.

DANIEL 2:47

Akükau no khochile Daniel vilo pi, “Kuchou no o Lhou ye alhouqo Lhou, kükami shou Ampeu, eno tuqhou küsü püakeu pekipheu, kughengu no ye tuqhou küsü püakeu phepe piyelue.”

DANIEL 3:29

Tighenguno I no xaküthaza lakhi mla ani: ashiaye, shiye, momu atsa jeli khunono Shadrach, Meshach, eno Abednego noqo Lhou lachile keu tsa pini keno, timi tipau phiau sütha pinyive tsüni, eno pano kiqo kütsave tsüni, kughengu hitoi xaluni keu lhou kütau ye kühae.”

DANIEL 4:37

Itehi ni, Nebuchadnezzar no kungugha Kükau sheqhe eno agigihu tsü ani, kughengu Pa kümla kümtsü kuchou eno Pa laghi ye achipi; khunono no aqheküza lono checheni keno Pa no kuchunive cheni.

HOSIYA 13:4

Ikemu Egypt yeghi lou no Ni ye Ampeu o Lhou ke; no ye I likhi thono Alhou kütau ithimoe, eno I nguno alau ye xakuluu kütau kühae.

ZEKHARIA 8:23

Aqokitikhi Mpeu no ishi piani: Tipa ghuloki lo shiye eno ashiaye kütüta lono timi chighi no Jewmi lakhi kuuphi tsüqü luve no pi nani, ‘Ni pelo o gholo wu pelo, kughengu Alhou ye o gholo anie pi nino chiluvae.’”

MATTHEW 8:19

Tile Ayezah shikükami lakhi no pa lau ighi no pi, “Shikükau, nono khile khile wumu I no o papeni.”

John 13:37

Peter no pa vilo pi, “Ampeu, kushiye ni ye itehi no o pape mlani kea? I no o ghenguno I küxü pephe tsüve nani.”

Apostolmi 21:13

Paul no khochile, “Nongu ye kushiye mloqa no I mlo shikighime tsü ani kea? Kughengu ni ye Ampeu Jisü je ghenguno akughu shinike likhi kumono Jerusalem lono thiveni keu ghi kutope anie.”

1 Thes. 1:9

Kughengu nino nongu lau ighi kelo kishi nongu no ningu ikhilu, ajulho launo tsüghüsü aküxüpu eno kuchou Lhou qenike ighi,

JOSHUA 24:18

Eno ni nhethe lono Ampeu no ayeghi hipa qhalo xüche kemi, Amorimi kümtsü hapheve tsü. Tighenguno ningu ye Ampeu qeni, kughengu Pa no ni Lhou ke.”

Piyeküsü 14:4

Timi hipaqo ye totimi sasü kikivi püamo kemi, kughengu panongu ye athathe aphie. Ambeti no khile khile wumu papeche keqo ye hipaqo ke. Hipaqo ye timi kümtsü gholono Alhou eno Ambeti lau amsüu xathi shi xachile luve keqoe,

RUTH 1:15

Naomi no pi, “Julo, o nipa ye linow timi eno alhou lau idewovae; o nipa pape idewove lo.”

RUTH 1:17

Nono khileno thini keno ni ghi tileno thini eno tileno I shiqho peni. Akithi nguno kütauno nikujo dolo kütüta shivepe aye Ampeu no alaushi I ghime peni.”

RUTH 2:6

Aqeu khuu ghile kuhumi jukütsü akeno pa no khochile, “Li ye Moab noghalimi, Moab lono Naomi sasü ideighi keu ke.

RUTH 4:15

Pa no o lau aküxü kithe süghi nani, o teasü lo o tuchomjo nani, kughengu o mukishiu khuu o kimiye cheni keno, khuu anu tsüni nguno akughupu keno, li no pa punulu ke.”