Rommi 8:25 - Sumi Naga CL (Re-edited) Bible (BSI)

²⁵ Ikemu ningu no ithumla no akeu lajuqhiyi cheghi aye, ningu ye kheakulu shi tipau huqhe acheni.

BAIBEL (BSI)

²⁵ Ikemu ninguno kiu ithumla aphikeno tipau laju ani aye, theqhi kulushi ninguno ti khe acheni.

Sümi Tiqhelimi Bible

²⁵ Ikemu ningu no ithumla no akeu shou lajupu qhi aye, ningu ye kutuukulu shi tipau ngokhe acheni.

Rommi 8:25 Mawu Ofanana

BOTHUBO 49:18

Ow xakulupu I no ngokhe anie, O Ampeu.

LESHELE 27:14

Ampeu ngokhe lo; akumto shilo, eno o mlo mtotoi lo; Ampeu ngo khelo!

LESHELE 62:1

I ngulho no iqüghai Alhou likhi ngokhe acheni; Pa launo Iw xakulu ighi cheni.

ISAIAH 25:9

Tipa tsala lo ishi pi nani, “Julo, hi no ni Lhou; ni xalu peniye nino Pa khe cheke. Nino khe chekeu MPEU ye hike; Ningu amlokiqi shini eno Paw xakulupu lo alovini nolo.”

ISAIAH 26:8

O Ampeu, Ow küghakütha laghi lono nino O laju khe ani; O je eno O kümsüchilelu keu no ni ngulho no mine chekeu ke.

Luke 21:19

Nongu no kutuu puqhelu keu lono nongu ye aküxü achili shilu nani.

Luke 8:15

Ikemu khikhi ayeghi kivi lo ilolu keno, tipaqo ye Atsa chilu püzü panow kuchou eno akivi mlo lo tsatsai qhiluve chekemi, ikehu pano ye kheakulu shikeu lono axathi pithilu cheni.

Rommi 12:12

Lajupu küdau juno alovilo, aghime lo kheakulu shilo, akighini lo pükhükulupu shilo.

Rommi 2:7

khunono kheakulu shi akivi kümla shikeu lono shekiqhe, agigihu, eno thimoni keu küxü phucheni keno, Alhou no lhokta küxü pesü panongu tsü nani;

Rommi 8:23

Pulhoküsü likhi kumoe, ikemu ningu khunoqo Aghungu lo amsüu xathi ani keno, ningu pesü atianuli shi saluve no ni phimpi xachilelu tsü penike khekulhoshi huqhe akelo, ninguu ghi aghime pulho kelau no alouno iju igha acheni.

Kolosiami 1:11

Pa juküvü kumto lono aküka kümtsü pesü nongu shikumto luno alokivi shi thokha puqhelu eno kutuulu peni;

1 Thes. 1:3

ningu Papu Alhou zülo nongu küpülü kümla, kikimiye ghime, eno ni Mpeu Jisü Khristo lau iqemokeu lajupu akeu nino kümsülu cheni.

2 Thes. 3:5

Alhouw kikimiye eno Khristow kutuukulu lo Ampeu no nongu mlo kiche sawu peniu.

IBRIMI 10:36

Nongu ye kheakulu shimasa ani, tishianguno kughou nongu no Alhou pulou shiluni keno Pa no piqhi püakeu ithulu nani.

IBRIMI 6:12

tishianguno nongu ye qeinaive mono khunono aküpülü eno kheakulu vecheo pikiqhitsa ighilu keno tipaqo kimihi shilu peniye ke.

IBRIMI 6:15

Ikehu kheakulu shikeu lono Abraham ye pikiqhitsa ithulu ke.

Piyeküsü 1:9

Jisü laumi shino aghime kitikhi shi Alhou kükaqha ghenguno kutuokutuu puqhe chekeu nongu küsau eno athiküzüu, ni John, ye Alhou tsape eno Jisü shepekishi ghenguno Patmos ipikeu züdoyeghi lo ake.

Piyeküsü 13:10

Khuana küghaluve penike kughuve aghi aye, pa ye akughu lo wuve cheni; khuana azütakikihi no ghiqhive penike kughuve aghi aye, azütakikihi no pa ghiqhive masae. Hi ye küpülümi pelo kutuokutuu eno aküpülü apeniye ku anie.

Piyeküsü 14:12

Hi ye küpülümi khunono Alhou zakütsü pelu no Jisü lau aküpülü acheni keno tipaqo pelo kutuokutuu peniye kukeu ke.