Rommi 7:14 - Sumi Naga CL (Re-edited) Bible (BSI)

¹⁴ Kughengu Ayezah ye anguagha küxü lo ghenguno kepi ningu no ithi ani, ikemu ni ye ashi lo timi axine qüaxe lo jesüve kemi.

BAIBEL (BSI)

¹⁴ Ayezah ye alokutsu kepi ninguno ithi ani, ikemu niye thive nikuau timike eno axine quaxemi shipeniye jesuvekemi.

Sümi Tiqhelimi Bible

¹⁴ Ningu no ithi akeu no ayeza ye Alhou lau no ke; ikemu ni ye ashilomi eno aqüaxemi shi axiné lau jesüve kemi ke.

Rommi 7:14 Mawu Ofanana

BOTHUBO 37:27

Ighilo, ningu Ishmaelmi vilo pa jepuwuveni, ningu u pa shou bemoni, kughengu pa ye ni thiküzüu eno ni shi ni ji ke.” Eno pa thiküzümi no pa tsa inive.

BOTHUBO 37:36

Tishi akelo Midianmi no Egypt lo Pharaohw hiyampemi Potiphar, ghukhemi shou kepten lau Joseph jesüve.

BOTHUBO 40:15

Kughengu kuchou no ni ye Hebrewmi yeghi lono sünhe sawuve kemi, eno hilau ghi aqokutho lo I vesüve pekepu kümla ni ye kiumu shi püamoe.”

KUKAMI ATUGHIU 21:20

Ahab no Elijah vilo pi, “I ghümi, no ye I phuluve akea?” Elijah no khochile, “Iyei, I no o phuluvae kughengu no ye Ampeu zülo kiu no achipi kumo keno shinike o jesüvae.

KUKAMI ATUGHIU 21:25

(Khunomu Ahab toi anipu no kipe no Ampeu zülo alhoksa shinike pa ampi jesüve keu kühae.

KUKAMI AKINIU 17:17

Panongu no pano tianuli pesü aghashi shive, asakiqhi ngo atumu lono pano pesü axine lo jesüve, tishikeu lono Ampeu mlo shikighide tsüe.

JOB 42:6

tighenguno I no ni ampi ju aghaide ani eno ayevu amkhu shi xaideghi anie.”

LESHELE 119:25

I ngulho no ayeghimkhu lo ihozü ani, O tsa kiqi lono I püxü tsülo.

LESHELE 51:6

Julo, No ye I mlo alou akikhi akeu lo azüvü cheni, eno Nono amlo tuqhou lono alokütsü I shika cheni.

IPEKULU 22:3

ikemu khetsünhe ipeghive kethiuno tishive aye, aji peleve keu ghenguno akipimi anani. Pa ye mtsüqheino lochile nani. Tsala pa no kiumu aghimo aye, pa küpka ghenguno pa pesü jeveni.

AHOLE 30:2

Mtsüqheino ni ye anikhami kehu timie pinike aküzüpu kumoe. Ni ye timi toi vethakulu kühae.

AHOLE 30:5

Alhou tsa ye kümtsü achipi kepi phuphelu cheni; Pa sükusho phuighi kemi kümtsü lau Pa ye azüto lakhike.

ISAIAH 50:1

Ampeu no ishi piani: “O zaw aküghüxa shepe I no li u lo sütsü keu khile ani kea? Momu I pi kupumi dolo, khuu lau o jepuwuve keno pi julo. Julo, nongu xine ghenguno nongu jepuwuve; eno nongu kipimi ghenguno nongu paza hapuwuve ke.

ISAIAH 52:3

Kughengu Ampeu no ishi piani: “Nongu ye kümsa no jepuwu püani eno nongu ye pisa sümono qhüchile nani.”

ISAIAH 6:5

Tileno I no pi, “I hasapuae! Ni ye pühavae; kughengu ni ye akichi mithemo kemi, eno mithekumomi gholo xüacheni; ikeghi I nhethi no aqokitikhi MPEU, Akükau ithuluvae!”

ACHINE 13:12

Ikemu apügha kimihi ayiko küsü no akütsü lono apukhu kutolo qhawove aye,

ACHINE 13:16

Ikemu apiyi vive no metsüghoi kitheve aye, pa ye achineu lau ighini,

ACHINE 19:18

No ye amkhülu moni momu now timi mithi moni, ikemu o likhi o toi o kisüghüu kimiyelo: Ni ye Ampeu ke.

AMUS 2:6

Ampeu no ishi piani, “Israel xine küthü ghenguno eno bidi ghenguno, Ni ye aghime süchilemo nani; kughengu pano no ghükayi ghenguno amikuchomi jechuve, eno apukhuqho ghenguno kumlhomi jechuve.

MATTHEW 16:23

Ikemu Jisü no tsüghüwo Peter vilo pi, “I launo wuvelo, Satan! No ye I püxa ani, kughengu no ye Alhou kükümsü kumono timi kükümsü ghola lo ani.”

MATTHEW 18:25

Ikemu pa no api lochile mla kepu shive kehu, ampeu ye aqeu hu jeve penike azah tsü, eno pa gholono anipu, atianuli eno pa no kiu ache keno, qhoi süküqha püzü love penikeu shi.

MATTHEW 5:22

Ikemu I no nongu vilo piakeu ye khukhumu pa thiküzümi shou amloide keu ye küghaküthapu lo ilo nani; eno pa thiküzümi thaigha keu ye hoho lau khochile masa nani; eno itaghi khukhumu kütami vilo ‘No aghüzüu’ ipikeu ye aghimepu mi pesü küghatha nani.

MATTHEW 5:28

Ikemu I no nongu vilo pi akeu ye khuu no mineqhiyi kütami nipu juni keno pa mlo lou no li sasü kütüqhavae.

Luke 5:8

Kughou Simon Peter no ti ithulu keno, pa no Jisü pukhu philo ikiqi no pi, “I launo wuvelo, O Ampeu, kughengu ni ye axinemi ke.”

Luke 7:6

Jisü no panoqo gholono wuche, eno kughou aki kupunuve keno, zatsüu no Jisü vilo pi penike pa küsami puwu, “Ampeu, I ki kicheqho lo o sasüni keu ni ye aküzüpu kumo keke o püna akevilo.

Rommi 3:9

Tishi aye kiu pini kea? Ningu Jewmiu pavi anio? Moe, kiu lonomu kumoe. Kughengu ningu no pi ighive ketoi Jewmi ngo Jewkumomi kümtsü axine qholo ani,

Rommi 6:6

Ningu no ithi anino ni lhoaye aqau ye Khristo gholo no yedavae, tishianguno axine phimpi ye kütsave no tithiu ye axine qüaxemi shikithe pemo niye ke.

Rommi 7:18

I no ithi anike ashi lhoaye lo ni ye I lolo akivi kiumu kühae. Kughengu, kiu no achipi keno I no shinipi kümsü anamu ni ye shikulupu küka kühave cheni.

Galatiami 4:3

Tipaphi lono ningu ghi kughou nino itimi shiche keno ayeghi lo kükütsü jeli no qhasüpe acheke.

Ephesiami 3:8

Niu no küpülümi kümtsü dolo akimkheu keghi, Khristow kihikhakümla kini pesü Jewkumomi lau pikülha peniye küpükini hipau I tsü,

ZAKINIU 6:5

O mlo kuchopu, o ngulho kuchopu, eno o kumto kuchopu pesü Ampeu o Lhou kimiye lo.

IBRIMI 4:12

Kughengu Alhou tsa ye aküxüküa eno aküka ani, putoputo zütakikihi nguno akütsüghau, angulho eno anguagha, aqüki anhüki kikije-a kutolo ghitha ilo chekeu, eno amlo akükümsü lo akeu kutolo jupililu chekeu ke.