Rommi 3:2 - Sumi Naga CL (Re-edited) Bible (BSI)

² Kuchou no pithuni keloye ala kümtsü lono thono, Alhou tsape ye Jewmi lau tsü paghie.

BAIBEL (BSI)

² Ala thwokha lono heshekulu ani. Atughiu no, Alhou no pa sutsa pesu Judamiqo lau pichetsue.

Sümi Tiqhelimi Bible

² Alaghi jeli thowkha lo ameküapu kutomo ani! Kümtsü nguno atüghiu shi, Alhou no akükütsü sütsa pesü Jewmiqo pelo qhipüalu penike pichebetsü ke.

Rommi 3:2 Mawu Ofanana

LESHELE 119:140

O shoqhi puju-peju luvae, eno O qeu no tipau kimiye cheni.

ISAIAH 8:20

Ampeuw shiküka eno ashepe lulo! Panongu no hipau kiqi lono pimo aye, panongu ye alolo aküvü küha kemie.

DANIEL 10:21

Ikemu kuchou kaku lo kiu yepüani keno I no o vilo pini: Michael, ow kükapuu likhino kumo aye hipaqo gholo I kuphuni kemi lakhimu kühae.”

John 5:39

Nongu no Kuchoyesü phuju cheni, kughengu nongu no tipau lono lhokta küxü ani kepi kümsü cheni. Kuchoyesü tino Iw thopi shicheni,

Apostolmi 7:38

Pa ye asayeqha lo aqoaho gholo ae, Sinai Toghi lo kungumi sasü küptsa eno ni puasüqo pütsa keu huye pa ke. Pa no ni tsüniye aküxüpu tsape ikhilue.

Rommi 1:2

Atsape ti ye Pa no khaghi no Paw tungkupmi vecheo Kuchoyesü lono piqhi püakeu,

Rommi 2:18

eno Ayezah lono o qophe püaghi kehu no ye Pa pulou ithi no kiu kiumu akighicheu shichenie pi aghi aye;

Rommi 3:1

Tishi aye, Jewmi pavibei keu kiu ani kea? Momu aphighüyiko kügha lo ame kiu ania?

Rommi 3:3

Imaye ti pülü move kemi khami yeo? Panow pükhükümla huno Alhouw pükhübekulu kümsa shivetsü nanio?

Rommi 9:4

Panongu ye Israelmi, eno hi kümtsü panoqo saje shitsüe: Alhou nuli shi saluve keu; ajuküvüpu; puloshoqhi; Ayezah; akümlla; eno pikiqhitsa.

1 Kor. 9:17

Tsala I no I pulou lono hi shiaghi aye, I sala ajume anani, ikemu I pulou lono shiaghimo aye, ni ye I pichebe kümla shiani.

2 Kor. 5:19

ti ye, Alhou no timi xine kihitsü mono Khristo küdau no ayeghiqha pesü Pa lau külashi ae, eno ningu shou alupekikili kümlapu piche tsüke.

Galatiami 2:7

Tike kumono Peter pesü aphighü yiko ghave kemi lau atsakiviu pikülha penike pichetsü ketoi I pelo aphighü yiko ghamo kemi lau atsakiviu pikülha penike pichetsü keu panongu no ithulue.

1 Tim. 6:20

O Timothy, o pelo jukuto peniye tsüpüa keu, khekuto lo. Alhou sümokeu tsapi eno kumomu “akighithi” ipi no kighekile chekeu launo putosülo.

IBRIMI 5:12

Kughengu itehi nongu ye shikükami shiuve aghi kepu kelaye itaghi kütamiu no Alhou no tsükeu boqha tsape pesü nongu shika kepushi aphi kena. Nongu ye akümka chuqupu züqhulo akichhizü avehupu shiaphie.

1 Peter 4:11

khuu no asheshu cheni keno Alhou Tsape pesü asheshulo; khuu no huthu cheni keno Alhou no tsü chekeu kumto pesü huthulo, tishianguno thokha lo Jisü Khristo vecheo Alhou jekipipu shilu penie. Alholo eno pülhapuju ajuküvü ngo aküka ye Paw ke, Amen.

Piyeküsü 19:10

Ikehu I no pa mllani ke pa pukhu philo itsaqi, ikemu pa no pi, “Tishi kevilo! Kughengu no eno o thiküzümi khunoqo Jisü no kuchou shepe shikeu pecheni keno, nongu gholo nighi aqemi lakhike. Alhou mllalo!” Kughengu Jisü no kuchou shepe shikeu pelu kemi no tungkuptsa pikulupu ghungu achenie.

Piyeküsü 22:6

Tileno kungumi huno I vilo pi, “Atsa hipaqo ye pükhükulupu eno kuchou ke. Ampeu Alhou Khuu Ghungu no tungkupmi peitha cheni keno Pa no ke-i kiu shiniye ani keno Pa qemiqo piye penike Paw kungumi puwuvae.”