Rommi 2:27 - Sumi Naga CL (Re-edited) Bible (BSI)

²⁷ Ikehu khukhumu aphighüyiko ghamo namu Ayezah pelu cheghi keu huno, no aye papelu no ayiko ghi ghave akemu Ayezah hexa chekeu kileve nani.

BAIBEL (BSI)

²⁷ Tishiaye, nonguno aphighu yiko ghave aghi namu Ayezah hephoveaye, khunoqono aphighu yiko ghamo namu Ayezah peluni keno tipaqono nongu kileqhivae.

Sümi Tiqhelimi Bible

²⁷ Nongu no akiyé yeza aghí eno aphighüyiko ghave aghí namu ayeza hekibidemi lakhi ke ghenguno Jewkumomi aphighüyiko ghamo namu ayeza gholu chekemi no nongu kiléqhive nani.

Rommi 2:27 Mawu Ofanana

MATTHEW 3:15

Ikemu Jisü no pa khochile, “Itehi ye tishive aghilo, kughengu Alhou lopu shiluni keu mikucho kümtsü shikupu tsükeu ye ningu ghenguno achipi ke.” Tileno John no pulove tsü.

Apostolmi 13:22

Pa no Saul ikhive kethiu David pesü akükau shipenike süqhe, eno ishi pa shepe shitsü, ‘I pulou kümtsü shitsüni keu, I mlo kuchuu I no Jesse nu David phuluvae.’

Rommi 13:10

Kikimiye ye akisüghümi lau alhoksa mla chemoe; tighenguno kikimiye ye Ayezah shikupukulu ke.

Rommi 2:15

Panow kivi-küsa lotsü no thopi shino Ayezah lo akeu ye pano mlo lo yepüanie pi panongu no piye cheni, eno küqüve kelo akipimi tsü, momu achipiu loye süsholu kepu shicheni,

Rommi 2:20

eno mbomzümi qokipheu, itimi shikükau, Ayezah lo akighithi ngo kuchou ghili akeqo ye o lolo anie pi aghi aye—

Rommi 2:25

Kughengu nono Ayezah gholu cheghi aye aphighüyiko kügha ye ame ani, ikemu nono Ayezah hexa aye o phighüyiko kügha ye ghamoke paphiae.

Rommi 2:26

Tishi aye, khuana aphighüyiko ghamo keu no Ayezah lo azah tsü püakeu pelu cheghi aye, pa no ghapüaghi monamu ghaveke paphishi pa kihi nani ke kumo?

Rommi 2:29

Ikemu Jewmi kuchou ye alou noe, eno aphighüyiko kügha ye Aghungu vecheo amlo lo shikeu thono pimheye lono kumoe. Hitoi kemi ye timi launo kumono Alhou launo shekiqhe ithulu cheni.

Rommi 3:30

kughengu Alhou ye lakhi likhi keke—Pa no aphighüyiko ghave kemi lau pano küpülü pesü achipiu shitsü nani, eno aphighüyiko ghamo kemi no aküpülü vecheo achipiu shitsü nani.

Rommi 8:4

tishikeu lono Ayezah lo achipiu-mikucho avehupu shi akeu ye ningu ashi lhoaye kiqi lono kumo püzü Aghungu lono cheche kemi launo shikupu tsüniye ke.

1 Kor. 7:19

Kughengu aphighüyiko ghana monamu kihi amoe, ikemu Alhou zakütsü pelukeu no akhotou ke.

2 Kor. 3:6

Pa no ni pelo puloshoqhi akitheu qemi shilupe, ti ye akiye lono kumoe ikemu Aghungu lono ke. Kughengu akiye huye akithi ke ikemu Aghungu no aküxüpu tsü cheni.

Galatiami 5:14

Kughengu Ayezah kuchopu atsathi lakhi lono shikupuvae: “O likhi o toi o kisüghümi kimiyelo.”

Ephesiami 2:11

Tighenguno nongu aji lono Jewkumomiqo, ghuthu lakhi loye au pesü aphimpi lo amchipu mla no aphighüyiko ghave kemi ipiche keqo no nongu vilo “aphighüyiko ghamo kemi” ipi kuche keu kümsülu lo,

2 Tim. 3:15

nono iti küxü lono kishi Kuchoyesü ithiche keno, tino Khristo Jisü lau aküpülü akeu vecheo xakulupu küdau o sawu kepu lokütsü tsünani.

IBRIMI 11:3

Atsütsü ayeghi ye Alhou tsa vecheo lhophe kepi ningu no aküpülü lono vethalu cheni, tishikeu lono kiu ithulu ani keno ti ye ithukulu thime lono lhoke kumoe piniye ke.