Rommi 16:18 - Sumi Naga CL (Re-edited) Bible (BSI)

¹⁸ Kughengu titoi keqo ye ni Mpeu Khristo huthu amoe, ikemu pano kive kiqe ghenguno ke, pano ye jumghai shino alatsa pesü kivi-küsa mtha kemi pishiqhi cheni.

BAIBEL (BSI)

¹⁸ Kughengu timi tishi chekemiqoye ningu Mpeu Khristo qe amoe, ikemu panongu kive likhi qe ani. Panonguno ghaghu tsa kuju pesu akukumsu ilaleikemiqo pishiqhi cheni.

Sümi Tiqhelimi Bible

¹⁸ Kughengu timi hitoi keqo ye ningu Mpeu Khristo qe anike kumoe, ikemu panongu ye pano likhi panow kuchu-kusho ghengu likhi kümsü cheni. Panongu ye atsa kümtsha eno akumou lono akishé tsü keu vechewo kumu mtha kemiqo kükümsü pishiqhive acheni.

Rommi 16:18 Mawu Ofanana

SAMUEL AKINIU 15:6

Titoi akükau launo xakütha luniye ighi kemi kümtsü lau Absalom no tishi che. Ikehu Absalom no Israelmi kümtsü mlo chuluve.

YEKIKITHI AKINIU 18:5

Israel kükau no tungkupmi 400 kutolo kukütsü no pi, “Ningu ye Ramoth-gilead lewu kepu kema?” Panongu no pi, “Lewu lo, kughengu Alhou no tokulu akükau tsü nani.”

LESHELE 119:130

O tsa hephopiye keu no aküvü tsü cheni; tipau no akümthami lau vethakulu süghi cheni.

LESHELE 12:2

Kümtsü no pa kisüghüu lau akimki tsa pie; amili shobapu eno amlo kini xapusü atsa picheni.

LESHELE 19:7

Ampeu yezah ye kupukülai, angulho püxü kithetsü cheni; Ampeuw thopi ye mtsüqhei, azükütütüi kemi pelo alotsü lupe cheni;

AHOLE 14:15

Itikütüpa kemi ye chikulu kümtsü pülü cheni ikemu kümsükulumi ye pa pukhune kümtsü chheju cheni.

AHOLE 22:3

Lotsü-loghümi ye akümsapu chekeu ithulu no itshüve cheni, ikemu itikütüpa kemi ye vejoi ilo imeve cheni.

AHOLE 8:5

O itikütüpa chekemi, mtsüqhei kiqikutolu keu shikalu lo; O mbomzümiqo, pütsüpuloyi keu shikalu lo.

JEREMIYA 23:17

Panongu no Ampeu tsa thaigha chekemi vilo tamono picheni: ‘O ghenguno akivipu ani’; eno kuthovi ghi amlo pape chekeu vilo picheni, ‘O shou amhekiqi ighimo nani.’”

EZEKEL 13:16

Israel lo tungkupmi khunoqo no Jerusalem ghenguno tungkuptsa pi eno tipau lo külakishi küha keghi külakishi kungunhetsü ithulu keno panongu ye kühave nani ipi Ampeu Alhou no asheshu.

EZEKEL 13:19

Nongu ye ashothi anau au kichhi lakhi eno asho kughupo kititiqo ghenguno Iw timiqo zülono I shikitiqevae, Iw timiqo lau akimki tsa pi eno akimki tsa ini kemi no pithimo kepu timiqo pithive eno püxümo kepu timiqo püxüve ke.

DANIEL 11:34

Kughou panongu no veqhiveni keno, panongu ye akukuphu kitila likhi ithulu nani. Amikucho kumomi kutomo no panongu gholo küqha nani,

MICAH 3:5

Ampeu no tungkupmi ghenguno ishi pi, panoqo no Iw timi sabidevae, kughou chukepu thime ani keno, panoqo no “Aloino” ipi igha ikemu khuu no panoqo kichi lo kiumu sütsü moni keno pa shou aghükishi sheshue.

MALAKI 1:10

O nongu gholo timi lakhi ahukikhaqo khave peni kemi aghi ke aye I kümlla khache-a lo akulu adou lono küiqü pemoni cheke! Ni ye nongu lau alokiqipu kühae, aqokitikhi Mpeu no pi, eno nongu u lo akümllagho ye I no ikhilu tsümo nani.

MATTHEW 24:11

Kichile tungkupmi kutomo ipeghi no timi kutomo saküghüzü nani.

MATTHEW 24:24

Kughengu kichile Messiah ngo kichile tungkupmi ipeghi no kishekiphemiu ghi saküghüzüve nike amchipu ngo akümzapu kümla kije shi nani.

MATTHEW 6:24

“Khunomu ampeu kini qeküqha mlae, kughengu pa ye lakhi mithive no lakhiu kimiye nani, momu lakhi qhoqhü no lakhiu thogha nani. Nongu ye Alhou ngo küakini qeküqha mlae.

MATTHEW 7:15

“Kichile tungkupmi khunoqo ashou ye ambe yiko xapu ikemu alou ye tüngtügha yiküsa toi ighi cheni keno, nongu ye tipaqo jukutolo.

John 12:26

Khuu no I qeni keno pa ye I pape masae; I no khile ani keno I qemi ghi tile anani. Khuu no I qeni keno I pu no pa gihu nani.”

Rommi 14:18

Ikehu khunono hitoi Khristo qeni keno Alhou zülo ikhikulupu eno timi mlokiqipu shilu ani.

Rommi 16:19

Nongu no aghokulu shiche keu ye kümtsü kighithi kehu ni ghi nongu shou amloqi cheni, ikemu ni ye nongu pelo kiu no akivi keno tipau lo alotsü kithelu eno alhoksa loye kiumu mthamithe keu shive penishie.

2 Kor. 11:3

Ikemu apighi no mqümgha shino Eve pishiqhive ketoi nongu kükümsü ghi mtsümishei eno tsaqütsalei Khristo lau amlotsü chekeu lono saküghüzüve nosake ni ye msa ani.

2 Kor. 2:17

Kughengu ningu ye timi kutomo no shiche ketoi, Alhou tsa jekuchumi kumoe, ikemu Alhou zülo amlo tsüqhiyi kemi, Alhou no puwu kemi kehu ningu ye Khristo pulou lono picheni.

2 Kor. 4:2

Ikemu ningu ye tuqho-tugho eno akukujopu kümla qhikhavae. Ningu ye mqümgha momu Alhou tsa süchighive chemo, ikemu pekiphe shi kuchou ghili pikeu vecheo ningu ye Alhou zülo ningu ampi pesü timiqo kiviküsa lokütsü zülo ikhiphetsü acheni.

Galatiami 1:10

Ishi pi kelo ni ye timi momu Alhou launo akishekütsü laju ani keshea? Momu timi mlokiqi shinike pükapütsa ani keshea? Itehi kutolo I no timi mlokiqipu shinishi aghi aye ni ye Khristo qeu kumovae.

FILIPIAMI 2:21

Kughengu kümtsü no Jisü Khristo lopu kumono pütüta pulou phucheni.

FILIPIAMI 3:19

Panongu ye kütsakungo keu no asheho nani, panongu kive huno pano lhou, eno ayeghi lo thime shou kümsü puku anipi panongu ye akukujopu pesü akijivile cheni.

Kolosiami 2:4

I no hi pi akeu ye khuu pelomu kighekithi tsa pesü nongu pishiqhive pemonie.

Kolosiami 3:24

Ampeu launo amheghi shi o saxü ithulu nani kepi ithilo. No ye Ampeu Khristo qe anie.

2 Thes. 2:10

eno kixikila pishikiqhi jeli pesü pühave niye akemi pishiqhi nani, kughengu panongu no kuchou kimiye no xaluve peni keu milive ke.

1 Tim. 6:5

eno küqha kümla no timi dolo auve cheni. Timi hipaqo kükümsü ye alau shipüsa kithe eno kuchou huno pano launo küsüve kehu, Alhou sükümsa küxü vecheo kinimi shilu nani küghashi cheni.

James 1:1

Jisü Khristo qeu James no khunoqo apanagha hakiphive akeno, ashiaye chighikini lau ye ani. Petha tsü ani:

2 Peter 2:3

Eno pano lakimne lono akimki tsa pesü nongu launo ala shinike mqüqhi nani. Khaghi nomu panongu kipimi ye xüthilei püatsü aphi, eno pano kütsave kepu ye kike püaphie.

Jude 1:1

Jisü Khristo qeu eno James thiküzüu Jude, Alhou no kuluve kemi, Apu Alhouw kikimiye lo akemi, eno Jisü Khristo ghenguno süsho püakemi lau yelu ani:

Jude 1:12

Hipaqo no ighümo no nongu gholo kuposhu kelo nonguw kikimiye ghulhu tichetighepu shivetsü ani, ambekhemi no panongu ampi loji aketoi; tsütsüghu küha keu khüngküsü amülhü no fupe chekeshi; tixi lo axathi pithimo keu sübo, akuhu lono nhüve no thi kitheve ketoi;

Jude 1:16

Hipaqo ye nhenheshi eno aghaqimla chekemi, pano xine pulou pape chekemi; aqheküza tsa zale eno pano lapu shiniye akumou lono kütami sheqhe chekemi ke.

Piyeküsü 1:1

Hi ye asheazü lo kiu shiniye ani keno Alhou no Pa qemi piye penike Jisü Khristo tsükeu piyeküsü ke. Khristo no Paw kungumi vecheo tipau pesü Pa qeu John lau kilethitsü,

SAMUEL ATUGHIU 2:29

Tishiaye kushiye I ghakishi eno I kümllagho khipaqo I no I chineki ghenguno azah tsü keno tipau thaigha eno Iw timi Israelmi no mlla keu lono ashi leqhi akiviu pe nongu ampi no atha pubeyi luve no I nguno alau o nuliqo gihuve kea?’