Rommi 14:19 - Sumi Naga CL (Re-edited) Bible (BSI)

¹⁹ Tishi aye kiu lono külashilu eno shiqhe kilelu cheni keno ningu no hajuni nolo.

BAIBEL (BSI)

¹⁹ Tishiaye, kiu lono kulashilu eno lakhino lakhi shikumtolu cheni keno tipaqo hajuni nolo.

Sümi Tiqhelimi Bible

¹⁹ Tighenguno ningu ye kiu no alokiqi eno shikumto kilé keu süghi cheni keno tipau shini ke ghenguno thowkha lo pükapütsa mülà ani nolo.

Rommi 14:19 Mawu Ofanana

LESHELE 133:1

Julo, kughou athiküzümi no küqhakulu lono xüni keno, ti ye kiutoi jukighilepu eno akivi kelae!

LESHELE 34:14

Alhoksa lono tsüghüve no akivi mlalo; aloinokeu phulo eno ti papelo.

MATTHEW 5:9

“Külakishimi kümghapue, kughengu panongu ye Alhou tianuli ipi ku nani.

Mark 9:50

Amti ye aloe, ikemu amti no aküqhü kühave aye, nongu ye kishino tipau qhümzai kithelu nani kea? Nongu lolo amti küqhü alo, eno lakhino lakhi sasü aloino alo.

Rommi 12:18

Toluke thaqhü, o müzülou ye timi kümtsü sasü külakishi lono xülo.

Rommi 15:2

Ningu pütüta kisüghümi shiqhe kumtoni ke pa kivipu shi tsüni.

1 Kor. 10:23

“Thokha ayezah lono shilu nani,” ikemu kümtsü ala shilu chemo. “Thokha ayezah lono shilu nani,” ikemu kümtsü shiqhe pukulu chemoe.

1 Kor. 10:33

ni ghi I no mlakeu thokha lo kümtsü pulou shinike pükapütsa cheni, ni ye I kivipu phumo no kutomo kivipu phu acheni, tishikeu lono panongu xalu niye ke.

1 Kor. 14:26

Athiküzümiqo, tishiaye kiu pini kea? Kughou nongu kuhoni keno, nongu khami no ale pheluvi, khami no akükütsü, piyeküsü, amili kithe, momu pekidetsü luvi. Thokha kümtsü akukuhou xaqheni keu ghenguno shimasae.

1 Kor. 14:3

Ikemu khuu no tungkuptsa piani keno, pa ye timi xaqhe, shikumto eno alokughuno tsünike picheni.

1 Kor. 14:4

Amilikithe lono pi akeu no pa ampi shiqhe puku ani, ikemu tungkuptsa pi akeu ye akukuhou shiqhe puku cheni.

1 Kor. 14:5

Ni ye nongu kümtsü amilikithe lono pi penishi ani, ikemu tinguno alau tungkuptsau pi penishie. Akukuhou xaqhe nike khuana no pekide tsümo aye, amili lono pi akeu ye tungkuptsa pi akeu no pa nguno akiqheu ke.

1 Kor. 7:15

Tishimu aküpülü kumou no ixani shive aye, tishive pelo. Titoi keu loye athiküzümi momu achelimi huye kuqho phevae. Alhou ye aloino keu küxü lo nongu kuluvae.

1 Kor. 8:1

Itehi ye ajulho mllavekeu chuqupu vehulo: “ningu kümtsü no akighithi ani” ipi ningu no ithi ani. Hitoi keu kighithi ye timi pelo qhezauve chenipe, ikemu kikimiye no shiqhe pukulu cheni.

2 Kor. 12:19

Ningu ye itehimu nongu zülo ningu ampi shokha anie pi nongu ye kümsü ani keshea? Kimiye chekeqo, ningu ye Alhou nhethe lo Khristo pulou lono picheni, eno ti kümtsü nongu shiqhe puku niye ke.

2 Kor. 13:11

Ashekhashi, athiküzü achelimiqo, alovilo. Kupukülai luni keu mijilo, lakhino lakhi lokughuno tsülo, lakhino lakhi sasü pulo küqhalo, külakishi lono xülo; kikimiye ngo aloino keu Lhou no nongu gholo anani.

Ephesiami 4:12

ti ye Alhou kümla ghenguno hukuthumi qophepe kutokughoi shino Khristo phimpi shiqhe niye ke.

Ephesiami 4:29

Shiküpsapu tsa ye nongu kichi lono piphe kevilo, ikemu atüqhüdo kiqi lono shiqhe kilelu kepu tsa akivi likhi pilo, tishianguno chikulumi no kümgha keu shilu nani.

1 Tim. 1:4

eno küghakiche tsa ngo ashekuho küha keu laghaphi ghili lakha peniye ke, kughengu tipaqo ye aküpülü vecheo Alhou launo ighi keu jukükütsü kümlapu pekho ke kumono, avehu küghüzüpu xukutho cheni.

2 Tim. 2:22

Ikehu alhothe lo minemighei keu launo putosü lo eno amlo kimthe lono Ampeu kuche kemi gholono amikucho, aküpülü, kikimiye, eno aloinokeu phulo.

IBRIMI 12:14

Timi kümtsü sasü külashi eno akimtheshi ani keu pükapütsa lo, kughengu ti kühake loye khunomu Ampeu ithumla nani.

1 Peter 3:11

pa ye alhoksa lono tsüghüwo akivi mla eno aloino keu phuno ti püzüsü wulo.