Rommi 11:33 - Sumi Naga CL (Re-edited) Bible (BSI)

³³ O, Alhouw küakini eno Pa lokütsü ngo akighithi ye kishi kuthoküzü kela! Paw xaküthaqo eno Pa kümlaqo ye kiu toi lheilo tokümlapu kelae!

BAIBEL (BSI)

³³ Alhou wu kuakiniye kiutoi akumzapu kela! Pa lokutsu eno pa kighithiye kiutoi kuthokuzu kela! Pano kughathakeu khuno lhekide kudailu kepu eno pano khile kishi cheni kela khuno ithikuthu kulupu kya?

Sümi Tiqhelimi Bible

³³ Alhou lokütsü eno kighithi kiní ye kiutoi kuthoküzü kea! Paw küghakütha ye phukulupu kumoe, eno pa laghi ye apashe kulupu kumoe!

Rommi 11:33 Mawu Ofanana

ESTHER 2:22

Mordecai no hipau vehu ithive no Kükaliu Esther vilo pive, eno Esther no Mordecai jelono akükau vilo pivetsü.

JOB 10:13

Ikeghi Nono thime hipaqo pesü O mlo lo küsüve kehu hi no O kimji shi akenapi I no ithivae.

JOB 15:8

Alhouw tuqhou hoho lo küptsa keu no ye chilu kea? Ikeo, alokütsü botha süpe o sala likhi shiniye kea?

JOB 23:14

Pa no I ghenguno kiu kughu püani keno shikupu nani, eno hitoi keu thime kutomo Pa mlo lo anie.

JOB 26:14

Ikemu hipaqo ye Pa küka amihi likhi aphie, ningu ye kiutoi Pa ghili uyeu likhino chilu aphi kelae! Ikemu Pa küka tsütsüküsü toikeu khuu no vethaluni kea?

JOB 33:13

Kushiye, ‘Pa ye timi tsa kiumu khochile tsümo nani’ ipi no ye Pa sasü kighe ani kea?

JOB 37:19

Pa vilo kiu pini keno ni shikalo; kughengu ningu ye aküzü no mhoqhipe kiumu pilu amoe.

JOB 37:23

Ningu ye Akughushuu phumlae; Pa küka ye ighono kije; Pa ye kuchou xakütha eno kupukuno mikucho hexavemo nani.

JOB 5:9

Pa ye lheilo tomlakeu akümzapu kümla kihikhakümla shicheni:

JOB 9:10

Pa no akümzapu kije mlakeu ye phuphe eno kihi khamlae.

LESHELE 139:6

Titoi keu kighithi ye I ghenguno shishe akümzapu ke; ti ye qhemghai ke, ni ye tipau iku tomlae.

LESHELE 145:3

Ampeu ye kije, eno akiqheu lono Pa sheqhe kepue; Pa kughushu ye phukümlapue.

LESHELE 36:6

O mikucho ye Alhouw naghutoqo toike; Ow küghakütha ye azüghi kutho toike; O Ampeu, Nono timi eno tüghashi xalue.

LESHELE 40:5

O Ampeu I Lhou, Nono ni lau Ow akümzapu kümla eno O kükümsü kutho kutomo shitsü; khunomu O sasü kimghi mlae! I no asheshuni eno tipaqo pini, ikemu ti ye pikhaluni chemoe.

LESHELE 77:19

O laghi no azüghi katha wue, O laghi no azüghi kije kathae; ikeghi O pukhu nepa ithumlae.

LESHELE 92:5

O Ampeu, O kümla ye kiutoi kije kea! O kükümsü ye shishe thonhei ke!

LESHELE 97:2

Khüngküsü eno aküzü kutho no Pa vehomxape ani; amikucho eno kuchou xakütha no Pa yekipe boqhae.

AHOLE 25:2

Alhou no küsü püakeu thimeqo ye Pa juküvüpu ghengunoe, ikemu tipaqo phuju keu no kükami jekipipue.

AHOLE 25:3

Atsütsü kuchuqu eno azüghi kutho toi akükau mlo ye lhemlae.

YETSAPIU 3:11

Pa no thokha kümtsü pütüta ghuloki lo jukivishi mlavae. Pa no timi mlo lo lhokta sütsüe, tishi keghi Alhou no abothu lono ashekha kutolo kiu mla keno timi pelo ithi pemoe.

YETSAPIU 7:24

Kiu acheghi keno ti ye putosüu ani eno shishe thonheike khuu no phuphe luni kea?

YETSAPIU 8:17

tileno I no Alhou kümla kümtsü ithulue, ti ye kiu kishi ani keno timi ye khilemu ithi khamlae. Timi no kishi pükapütsa anamu phuphe luni chemoe. Alokütsümi no ithivae pi aghi namu, pau ghi phuphe mlae.

ISAIAH 28:29

Hi ghi aqokitikhi MPEU launo ighi, Pa lokütsü ye akighiche eno Paw mijekütsü ye akümzapue.

ISAIAH 40:28

Nongu ye mtha eno chimla keo? Ampeu ye lhokta Lhou, ayeghiqha Pulhoküsüu ke. Pa ye qeinaive momu akulho shive chemo, Paw vethakulu lotsü ye lheilo tomlae.

DANIEL 4:35

ayeghi lo küxümi ye kiumu kumo keu shi kihi acheni, Pa no Pa pulou kiqi lono kungugha lo aqokitikhi gholo eno ayeghi lo küxümi gholo mla cheni; eno khumu Pa u lakhave mla momu Pa vilo, “No ye kiu shive akea? ipive mlae.”

Rommi 2:4

Ikeo no ye Paw ivüilai keu, kutuukulu eno kheakulu kupukuno shi akeu huye xaidekulu lalo o sawu nike ghengunoe pi mthano küthathai ani kea?

Rommi 9:23

Pa no hitoi shikeu ye Pa juküvü kinikülüshi akeu pesü khunoqo Pa no azünatha ghi ajuküvü küsajeni ke kuto püani keno, ti kimiyekini liqo, pelo ithi peniye ke,

1 Kor. 2:10

thime hipaqo Alhou no Aghungu vecheo ni lau pephe piyevae. Kughengu Aghungu no Alhouw kuthoküzü kutolo thokha lheju cheni.

Ephesiami 1:7

Khristo ji vecheo ningu ye pa lau no xachilekulu eno axine qhikütsü ithulu. Paw küpükini ililai akeu kiqi lono

Ephesiami 2:7

Alhou no kimiyeqhiyi keu lono Paw küpükini kimghi kümlapu shi akeu pesü Khristo Jisü küdau no ningu tsükeu ye hithiu tiqheli kutolo pephe piye niye ke.

Ephesiami 3:10

tishianguno akukuhou vecheo Alhou lokütsü, thokha kümtsü lo aghola kütüta lono pephe chekeu, pesü itehi ye kungulo yepemi eno aküka kumtomi lau kilethi tsüniye ke.

Ephesiami 3:16

Pa juküvüpu kinikülü shi akeu kiqi lono Pa Ghungu pesü nongu lolo akeu mpi shikumto tsü peni,

Ephesiami 3:18

küpülümi kümtsü gholono Khristo kikimiye akijelau akushulau eno akiqhelau akutholau kiu keno vethalu kepu küka apeni,

Ephesiami 3:8

Niu no küpülümi kümtsü dolo akimkheu keghi, Khristow kihikhakümla kini pesü Jewkumomi lau pikülha peniye küpükini hipau I tsü,

Kolosiami 1:27

Alhou no panongu kishelu no Jewkumomi gholo ajuküvüpu kini kije pephe tsüke, ajuküvü lajupu huye Khristo nongu lolo akeu ke.