Rommi 10:18 - Sumi Naga CL (Re-edited) Bible (BSI)

¹⁸ Ikemu I no hi ighiju ani, panongu ye chilu mphi kea? Itsa, chiluva thono, kughengu “Panongu sütsa ye ayeghiqha kümtsü lo külhavae, pano tsa ye ayeghi shekha tovae.”

BAIBEL (BSI)

¹⁸ Ikemu ino hi iniju ani, panonguye kuchouno asutsa chimlave kesha? Panonguye chiluvea thono, kughengu kuchoyesulo ishi pivae. “Panongu ghughaye ayeghi kumtsu shou wuvae, eno panongu tsaye ayeghi shekha kutolo tovae.”

Sümi Tiqhelimi Bible

¹⁸ Ikemu I no hi iniju ani: Israelmiqo ye kuchou no akükütsü sütsa chilumo keshea? Panongu ye chilu thono: “Panongu sütsa ye ayeghiqha kümtsü lo wuvae, panongu tsaqo ye ayeghi shekha kutólo wuvae.”

Rommi 10:18 Mawu Ofanana

KUKAMI ATUGHIU 18:10

Ampeu o Lhou xü anike shiye eno kükaqha lakhi lomu I mpeu no I pelo o phuwu pemo keu kühae. Panongu no, ‘Pa ye hilau kühae,’ ipi aye, pa no kükaqha momu shiye tipaqo pelo no ithumla kepi ashoqhi shipe.

LESHELE 19:4

Pano sütsa no ayeghi kümtsü vekipighi, ayeghi shekichi kutolo wu cheni. Pa no khetsünhe ghenguno atsütsü lo aphiki shipüani,

LESHELE 22:27

Ashiaye kümtsü no kümsülu eno Ampeu lau xaidelo, shiye jeli kümtsü no O zülono O mlla nani.

LESHELE 98:3

Pa no Israel kibolomi shou Paw iqemokeu kikimiye eno pükhükulu kümsüchilelue. Ayeghiqha shekichi kümtsü lono ni Lhouw xakulu ithuluvae.

ISAIAH 24:16

Ayeghi shekhau no Amikuchou lau agigihupu eno shekiqhe le phekeu nino chilu ani. Ikemu I no pi, “Ni ye kimghoi eno miqemleivae, I hasapuae! Thekuchumi no thechuvae, pano mqümgha no timi mlaqhivae.”

ISAIAH 49:6

Pa no pi: “I no O pelo Jacob shiaye xaqhe eno Israelmi püxü püakeqo sachile saghi peniye I qeu shipekeu ye mthülo ke; ikehu I no o pelo shiyeqo lau aküvü ghi shipeni, tishikeu lono Iw xakulupu no ayeghi shekha tolu peni.”

ISAIAH 52:10

Ampeu no shiyeqo zülono Pa u kimthe xachhovae, eno ayeghi shekha kümtsü lono Alhouw xakulupu ithulu nani.

JEREMIYA 16:19

O Ampeu, I kumto eno I liwo, I veküsa tsala lo I kicheqho, ayeghi shekhau no shiyeqo no O lau ighi no pi nani: “Ni puasüqo ye akimki, ala küha keu ameküküha thimeqo kumo aye kiumu ighilu moe.

MATTHEW 24:14

Eno kungugha yekipe tsakiviu hipau pesü ayeghiqha kümtsü lo sheshu nani, tino shiye kümtsü lau thopi shi nani, tishino ashekha tsala ighi nani.

MATTHEW 26:13

Kuchou no I no nongu vilo piani, ayeghiqha kümtsü lo khile khilemu hipa tsakiviu pikülha wu kelo, li kümsüchile lughi li no kiu shive akeno tighi piche nani.”

MATTHEW 28:19

Tighenguno wulo eno shiye kümtsü pesü I khopemi shitsülo, Apu jeku, Anu jeku, eno Aghungu Kimthe jeku panongu baptiz shitsülo,

MATTHEW 4:8

Itaghi, tüghami no pa sasü ighono chuqumghai keu naghuto lo wuno ayeghi lo kükaqha eno tipaqo jekipi kümtsü pa piye.

Mark 16:15

Pa no panongu vilo pi, “Ayeghiqha kümtsü lo wulo eno atsakiviu pesü pulhoküsü kümtsü lau sheshu lo.

Mark 16:20

Tithiu akhopemi no ashou akuaqha kümtsü lo sheshu wu, eno Ampeu no panoqo gholo mla eno amchipuqo vecheo atsape ye kuchoue pi alau iqhikumto tsüe.]]

Apostolmi 1:8

Ikemu kughou nongu shou Aghungu Kimthe ighini keno, nongu no akumto ithulu nani, eno Jerusalem, Judea kümtsü, Samaria, eno ayeghi shekha kutolo nongu no I shepemi shi nani.”

Apostolmi 26:20

Ikemu Damascus lo paghi sheshu, tishino Jerusalem, Judea cheaxü kümtsü lo, eno Jewkumomi lau ghi Alhou lau xaide, eno tipau kiqi lono akümla lono piye lopi sheshue.

Apostolmi 28:23

Kughou pa sasü kushoni ke kihikütha tsala tove keno, panongu kutomo shesü pa kungo-a lo ighi. Inaqhe no avelau kutolo, pa no apasü shi Alhou yekipe shepe shitsü eno Moses Yezah ngo Tungkupmi kaku lono Jisü ghili pesü panongu züiza nike pükapütsa.

Rommi 1:8

Atüghüshi, nongu kümtsü ghenguno I no Jisü Khristo vecheo I Pu Alhou shikimthi ani, kughengu ayeghiqha kümtsü lo nongu küpülü ghili kügha anike.

Rommi 15:19

amchipu eno akümzapu küka, eno Alhou Ghungu küka lono ke—tishi kehu ni ye Jerusalem lono Illyricum qha kutolo homxasü Khristo tsakiviu kümla shikupu luvae,

Kolosiami 1:23

ikemu nongu ye thebei aküpülü lono puthugholu, ithamo no mtotoilu, lajupu tsakiviu nongu no chiluve keu lono iqeve mono amasae. Atsakiviu hi ye atsütsü qholo pulhoküsü kümtsü lau sheshuve keu, ni Paul ye tipau shepemi lakhi ke.

Kolosiami 1:6

Atsakiviu khikhi nongu lau ighive akeno, nongu no ti chilu no kuchou lono Alhouw küpükini vethalu keu tsala lono athi pithi eno ikowo aketoi ayeghiqha kümtsü lo tishi ani.

1 Thes. 1:8

Nongu launo Macedonia ngo Achaia lo Ampeu tsa külha woke likhi kumoe, ikemu Alhou lau nongu küpülü akeu ye aqha kümtsü lo wuvae, ikehu ningu ye kiumu pi akepu kühavae.