Piyeküsü 19:6 - Sumi Naga CL (Re-edited) Bible (BSI)

⁶ Tile I no aqokitikhi sütsa toike lakhi chilu, ti ye azüghi kuloghi ghügha toi eno tsütsüküsü ghügha toi igha pi, “Hallelujah! Kughengu Ampeu ni Lhou Akughushuu huno ayepe anie.

BAIBEL (BSI)

⁶ Tileno timi aqokitikhi ghugha hutoikeu, azuphapha kuloghino igha akeu ghugha toikeu, tsutsukusu toikeu sutsano ishi pikeu ino chilu: “Alhou sheqhelo! Kughengu Ampeu, niLhou Akumtouye Akukau ke!

Sümi Tiqhelimi Bible

⁶ Tipathiu timi aqokitikhi kijè no azü qowu akeu ghügha eno tsütsü-küsü kuloghi toi keu ghügha lono ishi ighamuku keu I no chilu: “Hallelujah! Kughengu ningu Mpeu Alhou Akughushuu no ayè pe anie.

Piyeküsü 19:6 Mawu Ofanana

JOB 40:9

No ye Alhou u kumto toikeu ani keo, eno Pa sütsa toi mghachhoi ighalu nani keshea?

LESHELE 47:2

Kughengu Ampeu, Shishe Akiqheu, ayeghi kümtsü shou akükau kije huye sümsa kepue.

LESHELE 47:7

Kughengu Alhou no ayeghi kümtsü shou Akükau ke; leshele pesü shikipili le phelo!

LESHELE 77:18

Ow tsütsüküsü no fukichighi mülhü lo ae; Ow tsütsüpha kukulo no ayeghiqha yepüvüe; ayeghiqha no khokhoshi ithae.

LESHELE 93:1

Ampeu no ayepe ani; Pa ye kükanguagha phi pepu ani; Ampeu ye chijeboike phi pepu ani; Pa ye akumto pesü Pa pokha shiluvae. Iyei, ayeghiqha ye iqhikumto püani; ti ye khilemu ithamoe.

LESHELE 97:1

Ampeu no ayepe ani, ayeghiqha pelo alovi pelo; züdoyeghi kutomo akeqo pelo alokivishi pelo.

LESHELE 97:12

O nongu amikuchomi, Ampeu lono alovilo, shikimthi keu pesü Pa je kimthe tsülo!

LESHELE 99:1

Ampeu no ayepe ani; timi kümtsü no khokhoshilo! Pa ye cherubim shou iqa ani; ayeghi pelo itha pelo!

ISAIAH 52:7

Naghutoqo kathasü asütsa kivi pesü ighikeu pukhu ye kiutoi juvi kelae, pa no alakishi peighi ke, eno alokivi sütsa peighi ke, pa no Zion vilo ishi pi, “O Lhou no ayepe ani.”

JEREMIYA 51:48

Tileno atsütsü ayeghi eno tile xüküami kümtsü no Babylon ghenguno alovi ale phe nani, kughengu pano kütsaleni kemi ye ahuu no ighi nani, ipi Ampeu no sheshu.

EZEKEL 1:24

Kughou tipaqo no wuni keno, tipaqo chishibo kukulo no azüghi zü qowu akeshi, Akughushuu ghügha toi, ghüshimi no iqhaighu akeshi ighae.

EZEKEL 43:2

Eno julo, Israel Lhou juküvü no kipelau no cheghi. Pa no ighikeu sütsa ye azüghi ghügha toi eno ayeghi ye Pa juküvü no yevüqaive.

MATTHEW 6:13

Eno ghukuju lo ningu sailotsü kevilo, ikemu alhoksau launo ni xaphe tsülo.”

Piyeküsü 1:15

Pa pukhu no alazayi ghukimthepe phuphushi aketoi, eno Pa sütsa no aghoki kuloghi ghügha toike.

Piyeküsü 1:8

“Ni ye Alpha eno Omega, Khuu acheghi, Khuu acheni eno Khuu ighi nani keno, Akughushuu huke” ipi Ampeu Alhou no pi.

Piyeküsü 12:10

Eno kungugha lono asütsa kuloghi lakhi I no chilu, “Itehi ni Lhou kükaqha, xakulupu, aküka, eno Paw Messiah kükagha ye ighivae, kughengu khuu no ni Lhou zülono putho pucho ni thiküzü chelimi nguku chekeno, akipimi kütsüu ye hape vepiqivae.

Piyeküsü 14:2

Tile kungugha lono azüghizü eno tsütsüküsü ghügha kuloghi toike sütsa lakhi I no chilu. Asütsa ti ye küghaküsü lebo kipemi no pano lebo küigha akeshi chilue,

Piyeküsü 19:1

Hipa thiu kungugha lo aqokitikhi no igha akeshi asütsa kuloghi lakhi I no ishi chilu, “Hallelujah! Xakulupu, ajekipi eno aküka ye ni Lhouw ke,

Piyeküsü 19:4

Layemi muku bidi eno aküxüküa lhoxü bidi huno itsaqi no Alhou, Khuu kükalakhü lo iqa akeno, mlla ghi pi, “Amen. Hallelujah!”

Piyeküsü 21:22

Ni ye aphughi lo achineki ithumlae, kughengu aphughi chineki ye Ampeu Alhou Akughushuu eno Ambeti huke.

Piyeküsü 4:5

Kükalakhü lono tsütsüpha küvü ipeghi, tsütsüküsü ghügha no vekipighi igha, eno kükalakhü tipau zülo akulu tsüni, khikhi Alhou Ghungu tsüni keno tipaqo lono ami iqüae,

Piyeküsü 6:1

Tithiu Ambeti no liküküzü kaku tsüni dolo lakhi xükho keu I no ju akelo aküxüküa lhoxü bidi dolo lakhi no asütsa vekipighi tsütsüküsü toi “Ighilo!” ipikeu I no chilu.

Piyeküsü 8:5

Tileno kungumi huno akiptia lono ami hipe akiptibo lo süno ayeghi shou vepuku kelo tsütsüküsü ghügha no vekipighi eno tsütsüpha kulo püzü ayeghi ilü thuve.