Piyeküsü 18:2 - Sumi Naga CL (Re-edited) Bible (BSI)

² Pa no asütsa kuloghi lono ighamku pi, “Ikiqivae, Babylon akijeu huye ikiqivae! Li ye tüghami kungo-a, mithekumo ghawu, mithekumo ghau, mithekumo eno aphikümqhüpu tüghashi jeli kümtsü kicheqho-a shivae.

BAIBEL (BSI)

² Pano asutsa kuloghi lakhi lono ighamuku pi, “Ikiqivae! Babilon akijeu huye ikiqivae! Hiye aghahwu eno tughakusano mithekumo jelino tile acheuvae.

Sümi Tiqhelimi Bible

² Asütsa kuloghi lakhi lono pa no ishi igha: “ ‘Babylon ajekipiu ye ikiqivae! Ikiqivae!’ Li ye tüghamiqo ghenguno akùngó-a lakhi shivae eno mithekumo ghungu kümtsü, mithekumo ghau kümtsü, mithekumo eno junishimo keu lhoxü kümtsü küghütshü-a lakhi shivae.

Piyeküsü 18:2 Mawu Ofanana

ISAIAH 14:23

“I no Babylon pesü achequ sala shivetsü nani, eno ayizükucho kughulhove no kütsakungo keu chhophe pesü khule nani,” ipi Aqokitikhi MPEU no shuphevae.

JEREMIYA 25:30

“Tighenguno no ye atsa hipaqo pesü panongu lau tungkuptsa pi masae, panongu vilo pilo: “‘Ampeu no ato lono igha nani, Pa kimthe-a lono mqhu ani; Pa no Pa lojimi shou mghachhoi mqhu nani, eno atsaizü kütsüghümi no ighamku ake toi, ayeghi lo xüküami shou mqhu nani.

JEREMIYA 51:37

Babylon ye atachu shi kütsaleve nani, tüngtügha kungo-a shinani, akümsapu eno thoküghapu-a shino timi küghüna move nani.

JEREMIYA 51:8

Babylon ye züleno ikiqive no kütsalevae, li kümsü qalo! Li küsü ghenguno nukümtshau lulo, tinomu li shipivi luvie.

JOYIL 3:16

Ampeu no Zion lono igha, eno Jerusalem lono sheshu ani; eno atsütsü ngo ayeghi no ithae. Ikemu Ampeu ye Paw timi ghenguno sükusho-a, Israelmi qoghe kumto ke.

ZEFANIA 2:14

Pichepighi eno tüghashi kümtsü no aphughi mta lo iqi ihozü nani; aqhaqho eno achequ thotsü liw qhemghaike chebo lo ngo nani; alashe lono igha nani; kütsakungo keu no ahukikha lo ngove nani; kughengu cedar sü no mlakeu ye muhumaive nani.

Piyeküsü 1:15

Pa pukhu no alazayi ghukimthepe phuphushi aketoi, eno Pa sütsa no aghoki kuloghi ghügha toike.

Piyeküsü 10:3

eno abongshuu ghügha toi asütsa kuloghi lono asheshu. Pa no asheshu kelo tsütsüküsü tsüni huno igha.

Piyeküsü 11:8

eno pama sükumo ye aphughi khileno pano Mpeu yeda pithive keno, akiqipu tsa shi ghi Sodom eno Egypt ipi chekeu phughi laghi lo qhinani.

Piyeküsü 14:15

Tile kungugha chineki lono kungumi kütau lakhi ipeghi, eno asütsa vekipighi khuu khüngküsü shou iqa akeno pa vilo pi: “O yevü pesü ghothulo, kughengu aghibo kugho ghuloki ye ighivae, eno ayeghi shou ghile hukepu do ghi tovae.”

Piyeküsü 14:8

Kungumi akiniu no küpape ghi hitoi sheshu ighi, “Ikiqivae, Babylon akijeu, khuu no pitipüza ashupu asalha xine jukhu pesü shiye kümtsü shokümzü chekeno, li ye ikiqivae.”

Piyeküsü 16:13

Tileno mithekumo ghawu küthü, achuyi toi püzü dragon kichi lono lakhi, tüghashi kichi lono lakhi, eno kichileu tungkupu kichi lono lakhi ishi ipe cheghi keu I no ithulu.

Piyeküsü 16:19

Aphughi akijeu ye amqo küthüshi itave, titoi ayeghiqha lo aphughi kümtsü ikiqi kütsa khave. Tithiu Alhou no Babylon akijeu pelo Pa loghu jukhu lo akeu kümtsü yeve peni keu kümsülu.

Piyeküsü 17:18

Eno atotiu nono ithulu keu ye ayeghi lo kükami kümtsü shou qhasüpe achekeu mishighüna akijeu huke.”

Piyeküsü 17:5

Eno li kishe lo ithikümla tuqhou je lakhi yepüa: “Babylon akijeu, kütüqhalimi eno ayeghi shikipiximi paza.”

Piyeküsü 18:10

Panongu no li ghime jumsa kelauno putou puthugho ngo no pi nani, “Oishe! Babylon, no akiqheu mishighüna, no akumtou phughi, anguküsapu ghi lae! Kughengu asüchedo lakhi lono ow küghakütha ighivae!”

Piyeküsü 18:21

Tileno kungumi kumto lakhi no atuqu kuloghi lakhi athi kütsüghü tuqu toike ikhipe azüghi lo vesüve no pi, “Akiqheu mishighüna Babylon ghi hitoi ngukangugha shi kütsakungove no khilemu ithulu kithe move nani;

Piyeküsü 5:2

Kungumi kumto lakhi no asütsa kuloghi lono ishi asheshu aghi keu I no ithulu, “Khuu no michida lhave no liküküzü kaku xükho küzü kea?”