Piyeküsü 11:17 - Sumi Naga CL (Re-edited) Bible (BSI)

¹⁷ pi, “Ampeu Alhou akughushuu, Khuu acheni eno acheghi keno, Nino O shikimthi ani, kughengu Nono O küka kije ikhiluve no ayepe thuvae.

BAIBEL (BSI)

¹⁷ “Ampeu Alhou akumtou, itehi achekeu eno puzuuno acheghikeu! Ninguno oshikimthi ani, nono okuka kije ikhiluveno ayehpethuvae!

Sümi Tiqhelimi Bible

¹⁷ ghi ishi pi: “Ampeu Alhou Akughushuu, khuu acheghi eno acheni keno, ningu no shikimthi keu pesü O tsü ani, kughengu nono O küká kijè peluvea eno aye pethuvae.

Piyeküsü 11:17 Mawu Ofanana

BOTHUBO 17:1

Kughou Abram no ampe lhotoku toku shi akeno Ampeu no Abram lau ipeghi no pa vilo pi, “Ni ye Akughushu Lhou; I zülo chechelo, eno tukutiye shikevilo,

LESHELE 21:13

O Ampeu, O kumto lono O süqhelo! Nino O küka shipili eno sheqheni.

LESHELE 57:11

O Alhou, kungugha shou O je süqhe lo! Ayeghiqha kümtsü lo O juküvü alupe lo!

ISAIAH 52:10

Ampeu no shiyeqo zülono Pa u kimthe xachhovae, eno ayeghi shekha kümtsü lono Alhouw xakulupu ithulu nani.

DANIEL 2:23

O ni puasü Lhou, shikimthi eno shekiqhe I no O tsü ani, kughengu Nono alokütsü ngo akumto I tsüke, eno itehi nino O vilo kiu iniju keno Nono I pelo ithipe ke, kughengu Nono akükau vehu ni pelo ithive apeke.”

DANIEL 6:10

Kughou Daniel no kiyepa lo jemchi süvae pi ithive keno, pa ye pa ki kunguu chebo lo alasheqo Jerusalem küdau khaqhipe qhi chekeu lo ikuve. Pa no azüu shiche ketoi, atsala lo ghuthu küthü qhoqhünhe no akighini shi eno pa Lhou zülo shikimthi tsüe.

MATTHEW 11:25

Tipa tüqhüdo lo Jisü no pi, “Apuo, kungugha eno ayeghi Mpeu, I no O shikimthi ani, kughengu nono thime hipaqo pesü ayeghi lo lokütsümi ngo ithikuthu kemi launo küsüve no hi itimi kititiqo lau pephe tsüke;

Luke 10:21

Tipa süchedo lo Jisü no Aghungu Kimthe lono alovilu no pi, “Atsütsü ayeghi Mpeu, Apuo, I no O sheqhe akeu ye Nono alokütsümi ngo kighithimi launo thime hipaqo küsüve no itimi kititiqo lau pephetsü ke; iyei Apuo, kughengu hitoi shikeu no O mlokiqipu ke.

John 11:41

Ikehu panongu no atuqu ikhive. Eno Jisü no kunguu jupuku no pi, “Apu, Nono I tsa chilu tsüke ghenguno I no O shikimthi ani.

2 Kor. 2:14

Ikemu Alhou shikimthi, Pa no Khristo gholono alhokuthu ningu sasü aghü tolu no shekujo woche keshi cheni eno ningu vecheo Khristo kighithi xokütsüngü aqha kümtsü lo veküpha cheni.

2 Kor. 9:15

Alhouw pikha kümlapu gho ghenguno Pa shikimthilo!

1 Tim. 1:12

Akümla hipau shipenike akumto I tsükeu, ni Mpeu Khristo Jisü shikimthi ani, kughengu pa no ni ye pükhükulupu kepi xatha no I pesü pa kümla lo süsüe,

Piyeküsü 1:4

John no Asia bocho lo akukuhou tsüni lau: Küpükini eno aloino keu tsülu ani, ti ye Alhou Khuu acheghi, Khuu acheni eno Khuu ighi nani keno Pa launo ighikeu, Pa kükalakhü zülo akimthe ghungu tsüni akeqo launo,

Piyeküsü 1:8

“Ni ye Alpha eno Omega, Khuu acheghi, Khuu acheni eno Khuu ighi nani keno, Akughushuu huke” ipi Ampeu Alhou no pi.

Piyeküsü 11:15

Tileno kungumi akütsüniu no pa fuko küigha kelo kungugha lono asütsa vekipighi pi, “Ayeghiqha yekipe ye ni Mpeu eno Paw Khristo yekipe shivae, eno Pa no alholo eno pülhapuju ayepe nani.”

Piyeküsü 15:3

Panongu no Alhou qeu Moses ngo Ambeti shikipili le ishi phe, “O kümla ye kije eno akümzapue, O Ampeu Alhou Akughushuu! O laghi ye achipi eno kuchoue, O shiyeqo shou Akükau!

Piyeküsü 16:14

Kughengu hipaqo ye tüghaküsa ghawu, amchipu kümla ghi shiche keqoe, hipaqo no Alhou Akughushuu tsala kije lo aghü küpüghüni ke ghenguno akuaqha kümtsü lo kükami akeqo hekütsü süghi niye wuve.

Piyeküsü 16:5

Tileno azüghi jukütsü akeu kungumi no ishi pikeu I no chilu, “O Akimtheu, Khuu acheni eno acheghi keno, Nono achipiu kehu küghakütha hipaqo süghie.

Piyeküsü 16:7

Akiptia lono pikeu tsa I no chilu, “Iyei, Ampeu Alhou Akughushuu, Ow küghaküthaqo ye kuchou eno achipi ke!”

Piyeküsü 18:8

Hi ghenguno li tsüni keu püsa akithi, akumlo eno püqümiye, kümtsü ghulo lakhi lono ighive nani, eno li ye ami pesü pitiqhive nani; kughengu Ampeu Alhou Khuu li shou küghathabeve akeno, Pa ye Akughushu ke.”

Piyeküsü 19:11

Tithiu kungugha khaqhi keu I no ithulu, eno julo, khurshi kimiye lakhi cheghi! Tipau shou iqa cheghi keu je ye Pükhükulu eno Kuchou, eno pa ye achipiu-mikucho lono küghathabe eno aghüshi chekemi.

Piyeküsü 19:6

Tile I no aqokitikhi sütsa toike lakhi chilu, ti ye azüghi kuloghi ghügha toi eno tsütsüküsü ghügha toi igha pi, “Hallelujah! Kughengu Ampeu ni Lhou Akughushuu huno ayepe anie.