Piyeküsü 11:1 - Sumi Naga CL (Re-edited) Bible (BSI)

¹ Tishino aqheküsü toike akimghipu süta lakhi pesü I tsüno I vilo pi, “Ithu no Alhou chineki eno akiptia ngo tile mlla chekemi mighi julo,

BAIBEL (BSI)

¹ Tileno akusu lakhi pesu itsu, tiye mighiju kepu kusu lakhi toi eno ivilo ishipi, “Ithuno Alhou chineki ngo agho-kiptia ngo tile mlla akeqo ngo ishi mighijulo.

Sümi Tiqhelimi Bible

¹ Akimighi sü toi keu aküsǘ lakhi pesü I tsü eno I vilo ishi pi, “Wu no Alhou chineki eno akümlá-khache mighiju lo eno tipau lo akümlámiqo kihiju lo.

Piyeküsü 11:1 Mawu Ofanana

ISAIAH 28:17

I no kuchou xakütha pesü akimghipu kighi shi nani, achipiu mikucho pesü akimghipu tu shi nani; akimki sükusho-a ye mürasü no jole sawuve no atshünazü no akicheqho-a yimive nani.”

DANIEL 7:27

Kükaqha ngo ayekipeqha eno atsütsü qholo kükaqhaqo kughushu ye Shishe Akiqheuw akimthemi shiayeqo tsüve nani; pa kükaqha ye lhokta kükaqha shi nani, eno ayekipeqha kümtsü no pa qe eno gholu nani.’

AKIKIHI 33:18

Hazeroth lono Rithmah.

2 Kor. 6:16

Alhou chineki ye ajulho sasü kiu lono pulokilelu kepu ani kea? Kughengu ningu ye aküxüpu Lhou chineki ke, ti ye Alhou no ishi pi ketoi, “I no panoqo gholo I kungoa shino pano gholo anani, I no panoqo Lhou shi nani, eno panongu no Iw timi shinani.

1 Peter 2:5

aküxüpu tuquqo toi nongu ampi pesü aghungulo chineki shiqhetsü, akimthe chine kümlapu shilupe, eno Jisü Khristo vecheo aghungulo ghakishi pesü Alhou lau ikhikulupu shi mllalu peke.

1 Peter 2:9

Ikemu nongu ye kishekiphe lagha, Akükau chine kümlami, akimthe shiye, Alhou no Pa kütsashi pükhalu keu timiqo ke, tishikeu lono Khuu no aküzü lono nongu kuphepe Paw akichiqhipu küvü lo sailo keno, nongu pelo Pa kighiche kümla sheshu peniye ke.

Piyeküsü 10:11

I vilo highi pi, “No ye itaghi ashiaye, shiye, atsa jeli eno kükami kutomo lau tungkuptsa pimasae.”

Piyeküsü 21:15

Kungumi I pütsa akeu no aphughi eno khagho ngo aliwo mighi niye ameshoyi kimghipu süta au lo pecheghi.