MICAH 7:6 - Sumi Naga CL (Re-edited) Bible (BSI)

⁶ kughengu anu no küthakügha shi apu peitha, anga no paza lachile ithughi, amukishiu no ani hebide ani; milakhi ghümi ye pa ampi kilo akemiqo ke.

BAIBEL (BSI)

⁶ Hipa ghulokiloye anunoqono apuaza pesu kughuzumi toi peitha ani, anganoqono azanoqo mujochile ani eno topu lhothemino anilimi sasu muto ani; timi lakhi ghumi ye pano kibolomi qonoke.

MICAH 7:6 Mawu Ofanana

BOTHUBO 49:4

Azükuqo toi a-a shimoe, no ye akighiche shimo nani, kughengu nono o pu lüpa lo iku; tishino nono ti shikitiqeve—pa no I lüpa lo ikue!

SAMUEL AKINIU 16:11

David no Abishai eno pa qemi kümtsü vilo pi, “Julo, I nu thotsü I küxü phucheni aye itehi Benjaminmi hipau ye tinguno alau shinani thono! Pa lokutove lo, pa pelo ghusho apelo, kughengu Ampeu no pa vilo tishilo pike.

LESHELE 41:9

I küsau I punukhoi akeu khuu I no pükhübe eno I shopa chucheni keno pa no I shou pa pukhu süqhe ani.

AHOLE 30:11

Timi khami ye papu ghusho eno eno paza akishe tsü chemoe.

AHOLE 30:17

Apu jukünatha eno aza thaigha chekeu nhethi ye akhila lo aghaqo no mighijo pewuve tsünani eno küzüva lhuquqo no chuve nani.

ISAIAH 3:5

Aküsami, akitomi, lakhino lakhi dolo nedaqoda kile nani, lhothemi no layemi phi-gihumo, eno kiumu kumo kemi no gihuküzümi thaigha nani.

ISAIAH 9:19

Aqokitikhi MPEU loghu no ayeghi pitivae, süküghüpu sü toi timiqo piti ani, eno khumu khuu püxülu amovae.

JEREMIYA 12:6

O thiküzümi eno o pu kibolomiu ghi o jechue; eno ighamku o hakuqo ke, panongu no ashou toi o pütsa namu panongu pülü kevilo.”

JEREMIYA 20:10

Kughengu I no chhuchhushi keu sütsa chilu ani. Akümsapu no ako kümtsü lo ani! “Pa pipüthave lo, ningu pa pipüthani!” ipi I poshumi kümtsü no pi ani, I pelo ikiqive penike khe ani. “Pa pishiqhive luve aye nino pa shou toluve nani eno pa shou ningu mkhülu nani.”

JEREMIYA 9:4

Kümtsü no pa kisüghümi launo kutokupui lo, eno athiküzümi khuu shoumu pükhübe kevilo, kughengu athiküzümi kümtsü pishikiqhimi ke, eno akisüghümi kümtsü no pishikiqhi shi itsüwu ke.

EZEKEL 22:7

Apu ngo aza noqo ye nongu no küthaküghapu shi peitha ani; kichiqhi süxachu keu lono kupokichemi no ime ani; eno nongu gholo mighimi ngo chimemi peitha püsa ani.

Obadiah 1:7

O ngulami kümtsü no o lughi kutolo o haphe puwuvae; o sasü külashi ache kemi no o pishiqhivae; panongu no o mhoqhivae; o sho chuche kemi no o zülo alichhe kuto püanie— no ye vethakulu kühavae.

MATTHEW 10:21

Athiküzü achelimi dolo lakhino lakhi pithive penike tsüve nani, apu ngo atianuli dolo, eno atianuli ngo apuaza dolo ighü mono pithive penike ikhiphe tsü nani,

MATTHEW 26:23

Jisü no khochile “Khuu no pa u pesü I gholo akhu lakhi lono asho pütsü chu ani keno pa no I thechu nani.

Luke 12:53

Panongu dolo kijethave nani: apu no anu kotha eno anu no apu kotha, aza no anga kotha eno anga no aza kotha, ani no amukishiu kotha eno amukishiu no ani kotha nani.”

Luke 21:16

Nongu puaza, athiküzü cheli, abolomi, eno aküsamiu ghi nongu küghape kütami u lo süvetsü nani, eno nongu gholo khami ye panoqo no pithive nani.

John 13:18

Ni ye nongu kümtsü ghenguno piamoe; I no khuno kisheluve akeno ithi ani. Ikemu hi ye Kuchoyesü shikupu niyeke, ‘Khuu no I sho chu keno, pa no I shou chhophisüe.’