MICAH 5:1 - Sumi Naga CL (Re-edited) Bible (BSI)

¹ Itehi now ghüshimi hekütsülo, O ghüshimiw ayiliu; ningu lenike khasüpe ngovae; panongu no aqheküsü pesü Israel xaküthau gilo ghapuku ani.

BAIBEL (BSI)

¹ Jerusalem lo akemiqo, no-ghukishipu jeli hekutsulo! Ninguye suholuvae! Panonguye ayikusu pesu Israil lo ayehkipeu shou ghapuku anike!

MICAH 5:1 Mawu Ofanana

BOTHUBO 35:19

Eno Rachel ye thive, li ye Ephrath (ti ye Bethlehem) kuwula lo shiqhove,

BOTHUBO 49:10

Sükusho süqha Judah lau süghi moke kutolo kükaküsü ye Judah phevemo, momu yepeu küsü ye pa pukhu dolono kühave monani; eno ashiayeqo no pa lau aghokulu shi nani.

KUKAMI ATUGHIU 22:24

Tileno Chenaanah nu Zedekiah no Micaiah lau ighi no pa gilo ghatsü no pi, “Ampeu Ghungu ye kishi I pheve no o pütsa ighi kea?”

KUKAMI AKINIU 24:2

Ampeu no Pa qemi tungkupmi vecheo pipüa ketoi Jehoiakim sasü aghüshi no Judah kütsakungove penike Ampeu no Chaldea, Syria, Moab eno Ammon ghüshimi puwu.

JOB 16:10

Timi no pano baxa mkupe I ju; I phimo ghi I gimuchu lo ghatsü, eno hekütsüpe I mjochile anie.

AHOLE 8:23

Mulhou ayeghi lhophe mphilo, abothu lono ni ghüpe qhike.

ISAIAH 10:6

Alhou kümthami shiye, I loghu shikighide kemi lau wuno alaghila lo aniba qoda keshi püka, eno hakholu penike I no azah pa tsüno puwu ani.

ISAIAH 33:22

Kughengu Pa ye niw Xaküthau, Azakütsüu; Akükau ke; Pa no ni xalu nani.

ISAIAH 8:9

Nongu ashiayeqo, ipoveni ake kutolulo; nongu aghache ghakhuqo, inilo; ipoveni ake aghünanu pepululo; iyei, ipoveni ake aghünanu pepululo.

ISAIAH 9:5

Leighi kemi pukhukuqho ngo aji hepho pinyive keu phimini kümtsü ami lono pitivetsü nani.

JEREMIYA 25:9

julo, I no ahuu shiayeqo eno Babylon kükau I qeu Nebuchadnezzar kunani, ipi Ampeu no sheshu, I no panoqo sawo ayeghi hipau lo küxümi eno tipau hokümxa lo shiye akeqo mjochile nani. I no qhoi panoqo kütsaleve no panongu pesü aküighüpu, atichepu, eno pülhapuju ghenguno pighive tsü nani.

JEREMIYA 4:7

Abongshuu, shiye kükütsau ye pa kungoa ghasa lono ipevae; pa ye no yeghi pighive tsüni ke pa a lono ipevae; now mishighüna ye ixapinyi küghüna move nani.

AKUMLO 3:30

ghimeqhi akeu lau agimuchu kugho tsüno thokügha xapulo.

EZEKEL 21:32

Nongu ye ami lo süküghüpusü shive nani. Nongu ji no ayeghi lo pele nani. Nongu kümsüchilelu move nani, kughengu Ni Ampeu no piqhivae.”

EZEKEL 24:2

“Timi nu, hipa tsala je yesüpe qhilo. Hipa tsala lono Babylon kükau no Jerusalem khasü luveke.

DANIEL 9:25

Tighenguno ithi no vetha lulo, Jerusalem tsüchile eno shiqhe nike atsa ipeve keu lono nukisheve keu kükapuu ighike kutolo apinedo tsüni anani. Tishino alaghila eno aqokuchhu gholono tipau shiqhe kithe nike ghenguno apinedo lhotsügho kini anani, ikemu aküküpna do shi nani.

JOYIL 3:9

Shiyeqo lau hi sheshu lo: Aghüshi ghenguno kuto lo; aghükivimiqo xukutho lo. Ghüshimi pelo kupunu ighi pelo; panoqo pelo ighi pelo.

AMUS 2:3

I no pa launo yepeu ikhivetsü, eno paw kükapumi kümtsü pa gholono pithive nani,” ipi Ampeu no piani.

HABAKUK 1:6

Kughengu julo, hu kukhukimji eno ngosükümla shiye Chaldeami I no puthu ani, panongu ye panow kumomu süxa luveni ye ayeghiqha xü cheni.

HABAKUK 3:16

I no chilu no I phimpi sükidi; aghügha huno I mütsü thüthüshi; tsümave keu no I ghi lo iloghive; I pukhu no khokho shiuve. Ikeghi ni ye inaqhoi shino ni leighi kemi shou aküpüna tsala ighini keu ngokhe anani.

MATTHEW 26:67

Tishino panongu no pa gilo müsü puku eno pa chishiqhi. Khami no pa ghaqhi ghi pi,

MATTHEW 27:30

Panongu no pa müsüte eno ayeghü küsü pesü pa kütsü lo ghatsüe.

MATTHEW 5:39

Ikemu I no nongu vilo piani, alhoksami mjochile kevilo. Ikemu khuana no o gimuchu ajeu ghatsü aye, tüxau ghi pa lau kugho puwo tsülo.

John 18:22

Kughou Jisü no hi pi keno, tile puthugho akemi kijemi lakhi no pa u pesü Jisü gha püzü pi, “No ye hipa gholau no achinetou khochile nani keshea?”

John 19:3

panongu no pa phivilo ighi no pi, “Jewmi Kükau, axü pushulo!” eno pa gilo ghatsü.

Apostolmi 23:2

Achinetou Ananias no Paul phivilo puthugho akeqo vilo pa kichi lo ghatsü lopi azah tsü.

2 Kor. 11:20

Kughengu khuana no nongu pesü aqüaxemi shive, nongu qhasü, nongu shou adokivi luve, nongu jukünatha, momu nongu gilo ghatsü namu, nongu ye kutuulu cheni.

ZAKINIU 28:49

Alhuqu no yeiqighi keshi, ayeghi shekhau no Ampeu no shiye lakhi nongu shou saghi nani, nongu ye pano shiye tsa vethamla nani.

ZAKINIU 33:27

Lhokta Lhou no o kungo-a ke, Paw pülhapuju u no o puqhe acheni. Pa no o zülono o ghümi haphe no picheni, ‘Kütsave lo.’

XAKUTHAMI 17:7

Levimi lhothemi lakhi Judah lo Bethlehem phughi lo ache eno pa ye Judah laghami gholo xüche.