MICAH 4:4 - Sumi Naga CL (Re-edited) Bible (BSI)

⁴ ikemu kümtsü no pütüta tsaibo eno mububo qholo nani, eno khunomu panongu shikümsa monani, kughengu aqokitikhi Mpeu kichi lono piqhivae.

BAIBEL (BSI)

⁴ Pututa shelo kumtsuno alokughunoshi pawu atsayili eno khughuthibo qholo xucheuve nani eno khunomu pa shikumsamo nani. Aqokitikhi AMPEU no hipau piqhiveake.

MICAH 4:4 Mawu Ofanana

KUKAMI ATUGHIU 4:25

Pa no xüake tivilo Judah ngo Israel yeghi Dan lono Beersheba kutolo sükusho lo ache eno timi kümtsü no pütüta tsailu eno mububo pighilue.

KUKAMI ATUGHIU 5:5

Ikehu Ampeu no I pu David vilo, ‘O nu khuu I no kükalakhü lo o thisülu peni keno, pa no I je ghenguno achineki shi nani,’ ipi püake toi ni ye Ampeu I Lhou chineki shinike kuto ani.

JOB 11:19

Khumu o shikümsa mono no ye zühulu nani eno kutomo no o kukuphu laju ighi nani.

LESHELE 72:3

Timiqo ghenguno naghuto pelo kinikülü shi ipeghi pelo, eno atoghi pelo achipiu mikucho xathi pithi pelo

AHOLE 3:25

Züleno shithüghüi keu momu kixikilami no kütsakungo ighi kelo khilemu msa kevilo,

ISAIAH 1:20

ikemu nongu no milive no hebide aye, nongu ye ghüyi lono wove nani; kughengu Ampeu kichi lono piqhivae.”

ISAIAH 17:2

Aroer phughiqo ye pighive no achu kümza-a shive nani eno khunomu tipaqo hapupo monani.

ISAIAH 22:25

Aqokitikhi MPEU no shuphe ani, tipa ghuloki lo ayishu mtotoi yesü püakeu ye puleve no ghithape ikiqive nani, eno tipau lo akimshi pufu püakeqo ye ghithape ikiqive nani, kughengu Ampeu no pivae.”

ISAIAH 26:16

O Ampeu, Ow timiqo ye aveküsa lono O phucheni, kughou Nono pano sakiyi keno panoqo no itamjui O lau inikhu.

ISAIAH 32:17

Achipiu mikucho huno aloino keu, iqüghai keu eno alholo pükhükibe mlaphetsü nani.

ISAIAH 36:16

Hezekiah tsa ini kevilo. Kughengu Assyria kükau no ishi piani: Nongu u peqhepe ipeghi no I sasü visho shivelo. Tishiaye nongu no pütüta tsaibo eno mububo lono xochulu nani eno pütüta zükikhe lono yelu nani,

ISAIAH 40:5

Tileno Ampeu juküvü piye nani, eno timi kümtsü no tipau ithulu nani, kughengu Ampeu kichi no pivae.”

ISAIAH 54:14

Achipiu pesü no ye mtotoi lupe nani; No ye qhaküsü lono putosü nani kughengu no ye msamo nani.

ISAIAH 58:14

nongu ye Ampeu lau azüküvü shi nani, eno I no nongu pelo ayeghi lo akiqheu shou ikulupe nani, eno Jacob kinikülü mheghi pesü, I no nongu loji nani, kughengu hi ye Ampeu no piqhive keu tsake.

JEREMIYA 23:4

I no panongu tucho mjoni kemi akhemi qhinani, panongu ye msa kithemo nani, shithüghüive, momu lakhimu pühavemo nani, ipi Ampeu no sheshu.

JEREMIYA 30:10

“Ikehu msa kevilo, I qeu Jacob, Ampeu no sheshu, aghüthisü kevilo, O Israel; kughengu julo, I no aghacheu no o xalu nani, eno o tikughuko akughushi akeu yeghi lono xalu nani. Jacob ye iqüghai alokughuno shi ideighi nani, khumu pa shikümsa mo nani

EZEKEL 34:25

“I no panoqo sasü külakishi puloshoqhi shi nani eno pano yeghi lono tüghashi hapupove nani, tishikeu lono panongu ye asayeqha lo sükushopu shi küghünalu eno aghasüqo lo zühulu nani.

EZEKEL 34:28

Panongu ye shiyeqo no ghime keu shimo nani momu tüghashiqo no tsüqhimo nani. Panongu ye sükusho lono küghünalu nani eno khunomu panoqo shikümsa mla nani.

EZEKEL 38:11

eno ishi pi nani, ‘I no aliwo kühakeu yeghi lo wuno aphuqo lewuni. Timi khunoqo aliwo kühakeu lo küghüna cheni, eno akhadu momu khagho kiumu kühakeu lo iqüghai sükusho qholo acheni keno, tipaqo leni,’

EZEKEL 39:26

Panongu no pano kukujo eno I pishiqhi ighikeu kümtsü kümsümave nani, panongu ye khunomu pano shikümsa mlano pano yeghi lo sükusho qholono xülu nani,

ACHINE 26:6

I no aghakhu lo iqüghai keu tsü nani, eno kiumu nongu shikümsa mono nongu no zühulu nani. I no aghakhu lono tüghashiqo haleve tsü nani, eno tile aghükishi küha nani.

MICAH 5:3

Tighenguno apunu küsü lo akeu huno punu moke kutolo Pa no panongu qhive nani; Tithiuno pa thiküzümi no Israelmi lau ideighi nani.

ZEFANIA 3:13

Israel lo ghülu keqo ye achipikumo xakütha shimo nani eno akimki tsa pimo nani, momu pano kichi lo pishikiqhi mili ithulumo nani. Panongu no chuno ihozü nani eno khunomu pano kichimo nani.”

ZEKHARIA 3:10

Tipa tsalani, aqokitikhi Mpeu no asheshu, nongu kümtsü no pa kisüghüu kusü no pa tsaibo eno mububo qholo ighipe nani.”