MATTHEW 3:1 - Sumi Naga CL (Re-edited) Bible (BSI)

¹ Tipa ghuloki lo Baptiz kishiu John no Judea lo timi küghünamo ke-a lo sheshu ighi,

BAIBEL (BSI)

¹ Tipa ghulokilo Johan Baptist no Judia lo timi kughunamokeu qhalo ighi eno asheshu ae.

Sümi Tiqhelimi Bible

¹ Tipau ghuloki lo John Baptiz kishiu ighino Judea lo küghünamokeu-a lo kütsüsü ighi

MATTHEW 3:1 Mawu Ofanana

KUKAMI ATUGHIU 2:34

Jehoiada nu Benaiah no ikuno pa heqhive, eno pa sükumo ye yenguyi ke-a lo pa kilo shiqhove.

MATTHEW 11:11

Kuchou no I no nongu vilo piani, totimi no punu keqo gholo timi khumu Baptiz kishiu John nguno akijeu ipeghi mphi. Tishimu kungugha yekipe loye khuu no kütami nguno akitilau keno pa no Baptiz kishiu John nguno akijeu ke.

MATTHEW 11:7

John khopemi no idewo chekelo, Jisü no aqokitikhi vilo John ghili pithuve: “Nongu ye yenguyi ke-a lo kiu juniye wu kea? Amülhü no ayeghü fukini keu keo?

MATTHEW 16:14

Panongu no pi, “Khami no Baptiz kishiu John ipi cheni, khami no Elijah ipi cheni, kütami khami no Jeremiah momu tungkupmi lakhi ipi cheni.”

MATTHEW 21:32

Kughengu Baptiz kishiu John no nongu lau ighi no amikucho laghi piye kemu nongu no pa pülümoe; ikemu asüqha küqhami eno kütüqhalimi no pa pülüe. Nongu no ti ithuluve kethiu ghi no mlo kili no pa pülü moke.

MATTHEW 3:8

Aküxü xaidelu keu michipu shi axathi pithilo.

Mark 1:15

“Ado ye kupuvae, eno Alhou yekipe ye kupunuvae, xaidelo eno atsakiviu pülü lulo.”

Mark 1:2

Tungkupu Isaiah no yepüake toi, “Julo, I ghinikishiu khuu o laghi kutotsü nani keno I no o züu no puwu ani.

Luke 1:76

Anu, no ye Shishe Akiqheuw tungkupu kepi ku nani; kughengu nono Ampeu züuno pa laghi kuto tsünike wunani,

Luke 7:24

Kughou John ghinimi no wuve keno, Jisü no aqokitikhi vilo John ghili pesü pi thuve: “Nongu ye yenguyi ke-a lo kiu juniye wu kea? Amülhü no ayeghü fukini keu keo?

Apostolmi 1:22

John no baptiz shitsü kelono ningu launo pa saikuve ke kutolo ni gholo chekeno, tipaqo dolo lakhi pesü ni gholo paw xüchilekulu thopimi shi masave.”

JOSHUA 14:10

Itehi julo, Ampeu no pike toi, Israelmi no asayeqha lo cheke lono Pa no Moses vilo hipa tsa pikeu ishi kutolo ampe lhobidi pungu shivae eno I pelo xü aghipe. Eno itehi ni ye ampe lhotache pungu shivae.

XAKUTHAMI 1:16

Moses pangu Kenimi kughukomi ghi Judah timiqo gholono, Amsabo phughi lono Negeb lo Arad phivilo, Judah sayeqha kutolo iqho eno tilau küghünauve.