MATTHEW 24:15 - Sumi Naga CL (Re-edited) Bible (BSI)

¹⁵ “Ikehu kughou Daniel tungkupu no pikeu aphikümqhüpu julho no akimthe-a lo puthugho aghikeu nongu no ithuluni keno (phikulumi no akiqi ithikuthu luvelo),

BAIBEL (BSI)

¹⁵ “Akuighupu kutsakungo keu khikhi Danel tungkupuno pipuani keno tipauno akimthe-alo puthugho aghikeu nonguno ithulu aye, (phi akeuno hipau kiqiye kiu keno ithi kututa shilulo),

Sümi Tiqhelimi Bible

¹⁵ “Ikehu kughou nongu no ‘aphikümqhüpu tipau küghüküghaleive pe chekeu,’ khikhi Daniel tungkupuu no pipüani keno, tipau no akimthe-a lo puthugho aghí keu ithulu aye (phi akemi no hi ithilo)

MATTHEW 24:15 Mawu Ofanana

JEREMIYA 44:29

Ampeu no sheshu ani, Hi no nongu lau amchipu shinani, I no hipa-a lono nongu ghime nani eno tishikeu lono I tsa ye mtsüqheino nongu ghüzani ke nongu shou ikughi nani:

EZEKEL 40:4

Pa no I vilo pi, “Timi nu, o nhethi tsükhope julo, o kini kughope inilo, eno I no o piyeni ye akeu kümtsü lo o mlo tsüqhiyi shilo, kughengu ni ye o piyeni ye hile o saighi ani. Nono ithulu keu kümtsü Israel kibolomi lau asheshu lo.”

DANIEL 1:6

Panongu dolo Judah shiayemi Daniel, Hananiah, Mishael, eno Azariah noqo ae.

DANIEL 11:31

Pa launo ghüshimi ipeghi nani eno achineki ngo aliwo shipüthave nani, eno akipti kümllagho ikhipe wuve nani. Panongu no aphikümqhüpu khipau no küghüküghaleive tsü keno tipau shiqhe nani.

DANIEL 12:11

Tsalakipe kümllagho ikhipe wuve kelono aphikümqhüpu julho no küghüküghaleive tsüni keu kutolo atsala 1,290 anani.

DANIEL 9:23

Nono kimiye tsü penike qhüiniju akeu ghenguno abothu lono atsa lakhi puwuve ke, eno tipau o vilo piniye ni ye ighivae, kughengu no ye ighono kimiye achenie. Tighenguno atsa kümsükutoju no kungunhetsü vethalulo.

DANIEL 9:25

Tighenguno ithi no vetha lulo, Jerusalem tsüchile eno shiqhe nike atsa ipeve keu lono nukisheve keu kükapuu ighike kutolo apinedo tsüni anani. Tishino alaghila eno aqokuchhu gholono tipau shiqhe kithe nike ghenguno apinedo lhotsügho kini anani, ikemu aküküpna do shi nani.

DANIEL 9:27

Apinedo lakhi ghenguno pa no kutomo sasü puloshoqhi kumto mla nani eno apinedo tüxa ghenguno pa no aghakishi ngo akümllagho lakhave nani. Eno aphikümqhüpu chishibo lono kütsakungo nikeu ighi nani, eno kishekhani keu za shi püakeu huno pa shou lepuku tsümoke kutolo pa ye tile anani.”

MATTHEW 24:16

khunono Judea lo ani keno naghuto lo povelo.

Mark 13:14

“Ikemu kughou kütsakungoni keu aphikümqhüpu julho no khile ngomo kepu alo puthugho aghi keu nongu no ithuluni keno (phikuluu no vethaluve lo), tile khunoqo no Judea lo aghini keno, ato yeghi lo povelo.

Luke 19:43

Kughengu o ghümi no o bothape aliwo shive no o khasüpe no ako kümtsü lono le iloghini keu tsala ighi nani.

Luke 21:20

“Kughou ghüshimi no Jerusalem boluve keu nongu no ithuluni keno, ti kütsaveni keu ye ighivae pi ithive lo.

John 11:48

Ningu no pa pelo hitoi shiauvepe aye, timi kümtsü no pa pülüveni cheni, eno Rommi no ighi no ni kimthe-a eno ni shiye leluve tsüni cheni.”

Apostolmi 21:28

ighamku pi, “Israelmi, ni kuphulo! Timi hipau no aqha kümtsü lo timi kümtsü vilo Israelmi ngo Ayezah eno a-a hipau lhoksa picheni. Tinguno alau pa no Greekmi achineki lo sailoghi no akimthe-a hipau kitiqevae.”

Apostolmi 6:13

Panongu no kichile thopimi saghi no ishi pipe, “Timi hipau ye khilemu akimthe-a hipau ngo Ayezah pipütha tave chemoe,

IBRIMI 2:1

Tighenguno ningu no kiu chiluve akeno tipau lo amlo tsüshe masae, tikumo aye ningu ye putosüve nosae.

Piyeküsü 1:3

Khuu no asütsa süqhe ghi tungkuptsa hipau phisüni keno akümghapu, khunono chiluni keno akümghapu, eno khunono tipau lo yepüakeu peluni keno akümghapue, kughengu ado ye kupunuvae.

Piyeküsü 3:22

Khuu no akini ani keno Aghungu no akukuhouqo lau piakeu chilulo.’”