MATTHEW 23:26 - Sumi Naga CL (Re-edited) Bible (BSI)

²⁶ Nongu Phariseemi anhechemi! Akhu ajukhu alou küsüve paghilo, tishianguno ashou ghi mithelu nani.

BAIBEL (BSI)

²⁶ Nongu Farisimi anhethi kighichemiqo! Atughushi akhu ngo ajukhu alou paghi kusuvelo, tishianguno ashou ghi mitheluve nani!

Sümi Tiqhelimi Bible

²⁶ Phariseemiqou! Atüghishi akhu ajikhu alou paghi küsüve lo, tishianguno ashou ghí mithe ananie.

MATTHEW 23:26 Mawu Ofanana

ISAIAH 55:7

Kixikilami pelo pa küxü ghola pheve pelo, eno achipi kumomi pelo pa kükümsü kilive pelo; pa pelo Ampeu lau ideighive pelo tishianguno Ampeu no pa shou kimiyekini apenike, eno ni Lhou lau ideighi pelo kughengu Pa ye akipimi qhivetsü nani.

JEREMIYA 13:27

I no ow kuchhube kümla, o shupu asalha eno akimine, atoghi lo nono kütüqha keu ithuluvae. O Jerusalem, o hasapue! Khitohi no ye mithe mono anani kea?”

JEREMIYA 4:14

O Jerusalem, o xalu pekepu shi o mlo lono alhoksa qhuvelo. Khitohi o lolo kixikila kükümsü pekütsü püani kea?

EZEKEL 18:31

Nongu no axine shive keu kümtsü nongu launo pevelo, eno nongu ampi no amlo kithe eno aghungu kithe shilu lo! O Israel laghami, nongu ye kushiye thiveni kea?

MATTHEW 12:33

“Asübo lakhi ye pa xathi lono ithi cheni kehu akivishi asübo mlaphe no axathi kivi pithilu pelo, tikumo aye asübo alomo keu huno axathi ghi lhoksa pithi nani.

MATTHEW 14:8

Aza no kite ketoi li no pi, “Baptiz kishiu John kütsü akhu lono pewo hileno I tsülo.”

Mark 7:4

kughou panongu no alhikishia lono ideighini keno, panongu ye mitheve paghimo kelo chuchemoe. Hinguno alau ghi kütau ajukhu, ana-kulholi, azübohu, eno aghulhu lakhüqo qhukimthe keu khuaye, kutomo panoqo no pape chekeu ani.)

Luke 11:39

Ikemu Ampeu no pa vilo pi, “Nongu Phariseemi no akhu ajukhu ashou ye shikimthe cheni, ikemu nongu lolou ye akughuvu ngo küsakügha no chhitoi acheni.

Luke 6:45

Akivimi lakhi ye alolo akivi kike püakeu lono akivi mlaphe cheni, titoi alhoksami ghi alolo alhoksa kike püakeu lono alhoksa mlaphe cheni, kughengu alou amlo lo kupukuno shi akeu akichi lono piphe cheni.

2 Kor. 7:1

Kimiye chekemiqo, ningu lau pikiqhitsa hipaqo anike ghenguno ni phimpi eno aghungu shipixi chekeu kümtsü shikimtheve no Alhou sükümsa lono akimtheshi kupukülai luni nolo.

IBRIMI 10:22

ningu kuchou mlo xapu tsaqüi keu küpülü qhini, alhoksa lotsü lono ningu mlo shikimtheve no azü kütsüghü pesü ni phimpi qhuve püzü Alhou kupunu wuni nolo.

James 4:8

Alhou lau kupunu ighilo eno Pa no nongu kupunu ighi nani. Nongu axinemiqo, nongu u qhukimtheve lo, nongu amlo kini kupumiqo, nongu mlo shikütsüghüve lo.