Mark 10:52 - Sumi Naga CL (Re-edited) Bible (BSI)

⁵² Jisü no pa vilo pi, “Wolo; o küpülü no o shipivivae.” Paikhavi no pa ye anhetsü alove no ithulu kitheve püzü pa pape wuve.

BAIBEL (BSI)

⁵² Jisu no pi, “Noye wolu nani, okupulu no oshipivivae.” Paikhavino paye ithuluve eno alalo Jisu papesu wuve.

Sümi Tiqhelimi Bible

⁵² Jisü no pi, “Wovelo, O küpülü no O shipivivae.” Ikelo paikhavi pa ye ithulu kitheluve no alaghi zü Jisü papesü wuve.

Mark 10:52 Mawu Ofanana

LESHELE 146:8

Ampeu no anhechemi nhethi khaqhi tsücheni; khunono qhoqhü itsaqi cheni keno Ampeu no xaqhe cheni; Ampeu no amikuchomi kimiye cheni.

LESHELE 33:9

Kughengu Pa no atsa pi kelo shikupuve; pa no azah tsükelo ti ye akumtoshi puthughove.

ISAIAH 35:5

Tileno anhethi kighichemi nhethi xükhove tsü nani, eno akini kughupomi kini khaqhive tsü nani;

MATTHEW 11:5

anhechemi no ithulu ani eno apukhu kighichemi no ala chelu ani, apüghami shikimthelu ani, akini kughupomi no chilu ani, kithimi xüputhu ani, eno atsakiviu pesü sheshu kelo kumlhomi no ikhilu ani.

MATTHEW 12:22

Tile anhechemi eno atsa piphe kümlami khuu tüghami no ghime ache keno, timi hu Jisü lau saghi, eno Jisü no pa shipivitsü kelo pa no atsa piluve eno ithuluve.

MATTHEW 15:28

Tileno Jisü no li vilo pi, “O totimi, o küpülü ye kije kena! Nono pulo aketoi o ghenguno shitsü peniu.” Eno li nga ye tipamtsa viluve.

MATTHEW 21:14

Anhechemi eno aphiau kinitave kemi no achineki lo pa lau ighi, eno pa no panoqo shipivi tsüe.

MATTHEW 8:3

Tileno Jisü no pa u chhope pa buno pi, “Ni ye pulo ani; mithelu lo.” Paikhavi no pa pügha ye shikimthe luve.

MATTHEW 9:22

Jisü no tsüghü ighi no li ithulu kelo ishi pi, “O ghüthi püxülu lo anga, o küpülü no o shipivivae.” Eno tipa mtsa totimi huye viluve.

Mark 1:31

Ikehu pa no ighi no li u tsüqüpe sünhe puthu kelo paikhavi aghakimki no li launo wuve, eno li ye timiqo loji thuve.

Mark 5:34

Jisü no li vilo pi, “Angao, o küpülü no o shipivivae; aloinoqhiyi wolo, eno o küsü lono vilulo.”

Mark 8:25

Jisü no itaghi pa u pesü timi nhethi lo butsü; eno pa ye anhethi tsükho luve, pa nhetsü alove no thime kümtsü mtsümishei ithuluve.

Luke 7:50

Itaghi pa no atotiu vilo pi, “O küpülü no o xaluvae; aloino wolo.”

Luke 9:48

eno panongu vilo pi, “Khukhumu I je lono itimi hitoi kemi ikhilu keu ye ni ikhilu ani, eno ni ikhilu keu ye khuu I puwu keno, Pa ikhilu ani. Kughengu nongu gholo khuu no aghulou keno, pa no akijeue.”

John 9:32

Ayeghiqha lhoke khunomu apunu lono anhethi iche kemi nhethi tsükho luvepe keu chimla aphie.

John 9:39

Jisü no pi, “Küghakütha ghenguno ni ye hipa yeghi lo ighi, tishianguno ithumla no akemi pelo ithulupe eno ithulu akemi pelo anhethi icheve peniye ke.”

Apostolmi 26:18

panongu nhethi xükho tsüno no aküzü lono aküvü lo ipeghilu, eno Satan küka lono Alhou lau tsüghü ighilu, tishino panongu pelo axine qhikütsü ithulu no I lau aküpülü akeu vecheo shikimtheve kemi gholo a-a ithulu peni.’