MALAKI 4:1 - Sumi Naga CL (Re-edited) Bible (BSI)

¹ “Kughengu julo, atsala ye cheni, amiphoki lo toi iqü ani, akuchhomami eno küsaküghami kümtsü aghijini toi pitive nani. Atsala tipau chekeu huno panoqo pitive nani, aqokitikhi Mpeu no pi, tishianguno tino panoqo ghenguno akuhu momu aloka mu qhimono pitive nani.

BAIBEL (BSI)

¹ Aqokitikhi MPEU no pi, “Aqhekuzami ngo alhoksa kumlami kumtsu aghijini toi pitinikeu tsala cheni. Tipa tsalalo panonguye pititha pinyive nani eno panoqo pitikeu kiumu kuhave nani.

MALAKI 4:1 Mawu Ofanana

JOB 18:16

Pa kuhu no alouno qhaive eno aloka no kunguu no thive cheni.

LESHELE 119:119

Ayeghi lo kixikilami kümtsü Nono tübatüzü toi milive cheni, ikehu O kükütsüqo I no kimiye cheni.

LESHELE 37:9

Kughengu kixikila kümlami ye ikhive nani, ikemu Ampeu pükhü kemi no ashoqhi yeghi ighilu nani.

IPEKULU 15:7

O kükanguagha kije lono Nono O ghümi sünheqhi; Nono O loghu puwu; tino aghijini toi panoqo pitile ke.

ISAIAH 40:24

Panongu no shosü aphi lono, abo lho aphi lono, akuhu qüilo aphi lono kughou Pa no amülhü puwuni keno, tipaqo ye ighüive no ateni toi sawuve cheni.

ISAIAH 41:2

‘Kipelau no aghütou saighikeu hiye khuu no kea? Pa nepa kümtsü lo tokulu no pape keu huye khuu kea? Pa no shiyeqo kütsakungovepe, tishikeu lono kükamiqo nedaqoda ke; pa zütakikihi no panoqo pesü ayeghimkhu toi shivetsü, eno paw shexilika no panoqo aghijini toi shivetsü ke.

ISAIAH 47:14

Julo, panongu ye amihi toike; ami no panongu pitive nani; panongu ye amiküqü küka lono pano likhi pano xamla nani. Hi ye püghalu chekeu mi momu tipau zülo ngolu chekeu kumoe.

ISAIAH 5:24

Tighenguno, ami mili no aghijini eno atsaneghu kithi piti pühavetsü keshi, pano kuhu aghü ye tsümave ketoi nani eno pano kupu ye ayeghimkhu toi hauve nani; kughengu panongu no Aqokitikhi MPEU Yezah milive, eno Israelmiw Akimthe Lhou tsa jukünathave ke.

ISAIAH 9:18

Kughengu kixikila ye ami toi iqü cheni, tino aghüsahubo qhoi pitive cheni, tino aghasüli mühasü kunguu phochighi ikuve cheni.

ISAIAH 9:19

Aqokitikhi MPEU loghu no ayeghi pitivae, süküghüpu sü toi timiqo piti ani, eno khumu khuu püxülu amovae.

EZEKEL 20:38

Nongu dolo hekibidemi eno I mjochile ghi axine shi chekemi ye I no ikhive nani. Ayeghi khile panongu no kachena shicheni keno tile no I no panoqo saipeghive nani, ikemu panongu ye Israel yeghi lo ilolumo nani. Tileno nongu no Ni ye Ampeu kepi ithi nani.

EZEKEL 21:32

Nongu ye ami lo süküghüpusü shive nani. Nongu ji no ayeghi lo pele nani. Nongu kümsüchilelu move nani, kughengu Ni Ampeu no piqhivae.”

EZEKEL 24:11

Ali kümsa amibalu shou ghope qhilo, tishino tipau pelo akülü shive pelo, aküsayi li shipiti lo, tishino tipau mithekumo tileno pitidave pelo, tipau pitidave keu ye kühave pelo.

EZEKEL 34:17

“I mbelojiqo, nongu ghengu ye, Ampeu Alhou no ishi piani: Julo, I no ambe ngo ambe, eno ambetsü ngo anetsü dolo küghatha nani.

EZEKEL 7:10

“Atsala hu julo! Julo, ti ye ighivae! Nongu kütsakungo keu tsala ighivae; aqheküsü ye puipeghivae; aqheküza ye mini ipeghivae.

JOYIL 2:1

Zion lo afuko küighalo; I kimthe toghi lo kütüghülo! Aghakhu lo küami kümtsü no khokhoshi pelo, kughengu Ampeu tsala chenie, ti ye kupunuvae,

JOYIL 2:31

Ampeu tsala kije eno akümzapu ighi mphilo khetsünhe no zümoive nani eno aqhi no aji toive nani.

AMUS 2:9

“Ikeghi panoqo zülono Amorimi kütsave keu ye I no ke, panongu ye akiqhelau Cedarbo toi chuqumghai eno aphisü toi choshiyike; kunguu no pa xathi eno aqhou no pa kuhu aghü I no kütsave tsü.

Obadiah 1:18

Jacob laghami ye ami toi nani, Joseph limi no amiküqü toi nani, eno Esau kibolomi no aghijini; panongu no tipaqo piti pühave nani, eno Esau kibolomi ye ghükulumi kühave nani, kughengu Ampeu no piqhivae.

NAHUM 1:10

Kughengu panongu ye asahu küptshüpe ake toi, shokümzümi no shopusü ake toi; aghijini qhaive keu pitive ketoi nani.

ZEFANIA 1:14

Ampeu tsala kije ye kupunuvae, punukhoi eno pai cheae; Ampeu tsala sütsa ye kukhukimji ke; tile akumtomi huno igha qae.

ZEFANIA 1:18

Ampeu loghu tsalani panow ghükayi momu ameshoyi nomu panongu xalu kepu shimo nani. Pa nhekushu mi lono ayeghiqha kümtsü pitileve nani; ayeghi lo küami ghenguno Pa no züleno thokha kishekhave tsü nani.

ZEKHARIA 14:1

Julo, nongu launo xuleluve keu pesü nongu küa lono kijeluve kepu, Ampeu ghenguno atsala cheni.

MALAKI 3:15

Ikemu itehi ye ningu no akuchhomami vilo müghae pi ani. Küsaküghami ye kinikülü shiluke likhi kumono Alhou peju no pokaluve cheni.’”

MALAKI 3:18

Tishino achipiu mikuchou ngo küsaküghau dolo, eno I qe chekeu ngo qe chemo keu dolo kiyeqü akeu nongu no ithulu nani.

MALAKI 3:2

Ikemu khuu no pa ikighi tsala lo kutuu luni, eno khuu no pa no ipeghi kelo puthugho luni kea? Kughengu pa ye ghukimthe chekeu mi toi eno aphi kighishimiw asalu toi ke.

MALAKI 3:3

Pa no ghükayi ghukimthe eno thakimthe chekemi toi iqa nani, eno pa no Levi nuliqo shikimthe no ghükayi ngo ameshoyi toi panoqo ghukimthe nani, eno panongu no achipiu mikucho lono Ampeu lau akümllagho süghi nani.

MALAKI 4:5

“Julo, atsala kije eno aküighüpu ighikumo züu I no Elijah tungkupu nongu lau puwu nani.

MATTHEW 3:12

Pa ye athi gholono amuu kütashi fuleve no pa niqa shikimtheve nike pa u lo aphighi pe ani, eno pa no pa thi pekütsüpe ale lo süve nani, ikemu amuu ye pa no ghapinhe kümlapu mi lono pitive nani.”

Luke 19:43

Kughengu o ghümi no o bothape aliwo shive no o khasüpe no ako kümtsü lono le iloghini keu tsala ighi nani.

Luke 21:20

“Kughou ghüshimi no Jerusalem boluve keu nongu no ithuluni keno, ti kütsaveni keu ye ighivae pi ithive lo.

Luke 6:23

Tipa tsala lo alovi eno alokivi shi ilhelo, kughengu kungugha lo nongu jume ye kije ani. Pano puasüqo no titoi tungkupmi peitha püsa cheke.

2 Thes. 1:8

Pa no amiküqü pesü Alhou mtha kemi eno ni Mpeu Jisü tsakiviu gholumo kemi shou amkhülu nani.

2 Peter 3:7

Ikemu Alhou tsa atho hipau no itehi akeu tsütsü yeghi ami lono pitiveni ke ghüpe püani, ti ye küghakütha tsala eno Alhou kümthami kütsani ke ghenguno qhipüani.