Luke 22:37 - Sumi Naga CL (Re-edited) Bible (BSI)

³⁷ Kughengu I no nongu vilo pi anike Kuchoyesü ye I lau no shikupu masae: ‘Pa ye axinemi gholo kihisüve.’ Kughengu I ghili kiu yepüani keno, ti ye shikupu niye ani.”

BAIBEL (BSI)

³⁷ Kughengu ino nongu vilo hi pini: Kucho yesulo, ‘Paye lhokusa kughami gholo kihisuve’ ipi puakeu hu ilauno shikupuve masavae. Kughengu khikhi ighenguno yehpe qhikeno ighini putsae.”

Sümi Tiqhelimi Bible

³⁷ Ishi yèpüani, ‘Pa ye ayeza hekibidemiqo gholo kihisüve’; eno I no nongu vilo piakeu toi hiye I lau no shikupuve moayesae. Iyei, I ghenguno kiu yèpeqhi keno shikupuveni cheae.”

Luke 22:37 Mawu Ofanana

ISAIAH 53:12

Ikehu I no kiqhe-kighemi gholo asaje kothape Pa tsü nani, eno pa ye akumtomi gholo asaje anani, ti ye pa no pa ngulho ikhiphe pesü akithi lo tsüve kehu eno axine shive kemi gholo Pa kihisüve kehue; pa no timi kutomo xine puluve tsüke, eno panoqo xine pevetsü penike inikhu ke.

Mark 15:27

Jisü gholo panongu no küpkami kini, lakhino pa u ajeu eno lakhiu no pa u piyiu yedave.

Mark 15:28

(Tishikeu lono Kuchoyesü lo yepüa keu shikupuve, “Pa ye alhoksami gholono pithive.”)

Luke 18:31

Jisü no chighikini kusawo pa gholo qhino pi, “Ningu ye Jerusalem lo iqho chea kehu ithilo, eno Tungkupmi no Timi Nu vehu yekeu qhoi shikupuve niye ani.

Luke 22:22

Kughengu Timi Nu ye kughu püake toi wuve nani, ikemu khuu vecheo pa thechu keno, timi tipau ye ahasapue!”

Luke 22:36

Pa no pi, “Ikemu itehi ye pisabo aghi keu ye peluve lo, eno titoi süqhu pelo. Eno khuu no azütakikihi küha keno, paw hebephi mu jepe qhüluve lo.

Luke 22:52

Tishino Jisü no achinetomi, achineki lo yepemi, eno layemi khunoqo pa kügha niye ighi keno, tipaqo vilo pi, “Nongu ye küsakügha küpkami küghani ketoi azütakikihi ngo asüthalu pesü ighi ani kea?

Luke 23:32

Tile küsaküghami kini pa gholono pithiveni ke sawuve.

Luke 24:27

Pa no Kuchoyesü lo Khristo vehu kümtsü aboake shi Moses kaku lono huthusü Tungkupmi no yekeqo kutolo pama lau hepho piye.

John 10:35

Khunoqo lau Alhou tsa ighi keno tipaqo pesü alhouqo kepi ku püaghi aye—eno Kuchoyesü ye pevemla ke—

John 17:4

Nono I pelo mla peniye pichebe keu kümtsü shikhave no I no ayeghi lo O juküvüpu shive tsüae.

2 Kor. 5:21

Khristo ye axine kühae, ikemu ni ghenguno Pa pesü axine kughulhove tsü, tishianguno Pa küdau no ningu pelo Alhou chipiu mikuchomi shilu peniye ke.

Galatiami 3:13

Khristo no ni ghenguno angusüu shive no Ayezah lo müsüini keu lono ningu qhüchile luve—kughengu ishi yepüani, “Khuu no asübo lono tshüqhi pithiveni keno pa ye müsüinivae”—