Luke 18:1 - Sumi Naga CL (Re-edited) Bible (BSI)

¹ Jisü no pa khopemi pelo alomtshü mono alhokuthu inikhu peniye panongu vilo kimghikipiye hipau pi.

BAIBEL (BSI)

¹ Tileno Jisu no hipau holetsa panongu vilo pi, tiye panongu pelo pulhapuju akighini shi eno khilemu aghuthisu pemonikepu panongu shikani kehue.

Sümi Tiqhelimi Bible

¹ Tisheno Jisü no akhopemiqo pelo aghüthi sǜvemo püzü tamo no inikhu ape niye aholetsa lakhi pitsüe.

Luke 18:1 Mawu Ofanana

LESHELE 102:17

Pa no thokha-thoghami kighini ikhilu tsü cheni eno panoqo kighini pevetsü chemoe.

LESHELE 27:13

I no pülü ani, ni ye küxümi yeghi lo Ampeu kivi ithulu nani!

LESHELE 65:2

O No khuu akighini chilutsü cheni keno, O lau timi kümtsü no ighi nani.

LESHELE 86:3

O Ampeu, I küpüqhiyi tsülo, kughengu ni ye O lau atsala kupuju qa ani.

ISAIAH 40:31

ikemu khunono Ampeu lajukhe cheni keno aküka kithe ithulu nani; panongu no alhuqu toi achishibo xapu yewu nani; panongu no po namu lhomo nani; panongu no chewu nani ikemu akulho shivemo nani.

ISAIAH 62:7

Pa no Jerusalem shiqhe kithe moke kutolo, eno ayeghi lo tino shekiqhepu shimoke kutolo, pa pelo akulhoqhipe kevilo.

JEREMIYA 29:12

Tileno nongu no I ku ighi nani eno I vilo inikhu nani, eno I no nongu sütsa initsü nani.

JONAH 2:7

Kughou I küxü hau cheghi keno, I no Ampeu kümsülu, eno I kighini no O lau, O kimthe chineki lo ighie.

Luke 11:10

Kughengu khu kemi no ithulu cheni, phu kemi no phulu cheni, eno kukhu kemi lau khaqhi tsü nani.

Luke 21:36

Ikemu kiu shiniye ani keno tipaqo lono pokalu, eno Timi Nu zülo puthugholu kepu küka apenike nongu ye atüqhüdo kümtsü lo inikhu eno tsükhüi alo.”

Rommi 12:12

Lajupu küdau juno alovilo, aghime lo kheakulu shilo, akighini lo pükhükulupu shilo.

2 Kor. 4:1

Tighenguno, Alhouw küpükini vecheo akümlapu saje hipau ningu tsü kehu, ningu ye amlo hauve chemoe.

Galatiami 6:9

Ningu akivi mlani keu lo aghüthisüve moni nolo, kughengu ningu no azüzü mono mla aye ado achipi lono xolu nani.

Ephesiami 6:18

Ado kümtsü lo Aghungu lono Alhou vilo khu, eno qhüiniju keu kighini shilo. Tipau kimji lono tsükhüi shino küpülümi ghenguno khuini tsülo.

FILIPIAMI 4:6

kiu lonomu amlo kütakihi kevilo, ikemu thokha lo shikimthikütsü gholono akighini eno akupulo pesü Alhou lau qhüiniju lo.

Kolosiami 4:12

Ampeu Jisü Khristo qeu Epaphras, nongu gholo lakhi huno petha nongu tsü ani, pa kighini lo alhokuthu nongu ghenguno kükhakulu acheni, tishianguno nongu pelo Alhou pulou kümtsü lo tekhoi eno thebeilu peniye ke.

Kolosiami 4:2

Tamono mtotoi akighini shi alo, shikimthikütsü gholono tsükhüi khekuto alo.

1 Thes. 5:17

tamono inikhu lo,

SAMUEL ATUGHIU 1:12

Li no tamono Ampeu zülo inikhua, eno Eli ye li kichi chheju ae.