Luke 12:32 - Sumi Naga CL (Re-edited) Bible (BSI)

³² “Msa kevilo, O nongu amsa loji, kughengu ayekipeqha pesü nongu tsüni keu no nongu Papu lopue.

BAIBEL (BSI)

³² “Nongu amsa loji! Musakevilo Ayehkipeqha pesu nongu tsu nikeu nongu paPuh mlo kiqie.

Sümi Tiqhelimi Bible

³² “Msà kevilo, amsa lojiqo, kughengu nongu Papù ye akükaphu nongu tsü nikeu lo pa mlokiqi shi anie.

Luke 12:32 Mawu Ofanana

ISAIAH 40:11

Pa no ambekheu toi aloji tucho nani; Pa u lono ambetiqo khape nani; Pa mla lo khadape xapu nani, agholau no ati pazaqo saphe nani.

ISAIAH 41:14

Ampeu no piani, “Msa kevilo, akulotiu Jacob, Israel timiqo o kuphu chekeu ye Ni ke, Ampeu no sheshu; o xakuluu ye Israel Lhou akimtheu ke.

ISAIAH 53:6

Ningu kümtsü no ambe toi ala kumo lo wuveke; kümtsü pütüta lalo wukhave; ikemu Ampeu no pa shou ni ghime pukuve tsüe.

JEREMIYA 3:19

“‘I no pi, Ni ye kishi o pesü I nuli gholo qhino ayeghi kivi o tsü, shiye kümtsü nguno jukivi mheghi shitsü nishi chekelae. No ye I vilo, I Pu, ipi no I launo idewove monanie pi kümsü ake.

MATTHEW 14:27

Ikemu tipa mtsa Jisü no panoqo pütsa no pi, “Nongu mlo mtolo; ni ke msa kevilo.”

MATTHEW 20:16

Ikehu ashekhami no atüghümi shive nani eno atüghümi no ashekhami shive nani.”

MATTHEW 25:34

Tileno Akükau no pa u ajeu akeqo vilo pi nani, ‘Ighilo, nongu I Pu no kümghatsü keqo, ayeghi boqha ghoke lono nongu ghenguno kutope püakeu yekipe mheghi ighilu lo.

MATTHEW 7:15

“Kichile tungkupmi khunoqo ashou ye ambe yiko xapu ikemu alou ye tüngtügha yiküsa toi ighi cheni keno, nongu ye tipaqo jukutolo.

Luke 10:21

Tipa süchedo lo Jisü no Aghungu Kimthe lono alovilu no pi, “Atsütsü ayeghi Mpeu, Apuo, I no O sheqhe akeu ye Nono alokütsümi ngo kighithimi launo thime hipaqo küsüve no itimi kititiqo lau pephetsü ke; iyei Apuo, kughengu hitoi shikeu no O mlokiqipu ke.

John 18:36

Jisü no pi, “I yekipe ye hipa yeghi lo yekipe kumoe. I yekipe no hipa yeghi lo yekipe keaye, I küghape Jewmi u lo sümoni ye I khopemi no aghüshi aghini cheke. Ikemu I yekipe ye hipa yeghi lo yekipe kumoe.”

Apostolmi 20:28

Nongu ampi jukütsükiyi lo eno Aghungu Kimthe no nongu pesü khunoqo shou jukükütsümi shive akeno, aloji kümtsü jukuto lo. Alhou kukuhou kheu shilo, ti ye Pa no Pa ji pesü qhüluvae.

Apostolmi 20:29

I no ithi anike I no cheve kethiu tüngtügha yiküsa no nongu gholo ighi no küpülümi lojiqo püxümo nani,

Rommi 6:23

Kughengu axine jume ye akithi, ikemu Alhouw kümsagho huno ni Mpeu Khristo Jisü küdau no lhokta küxü ke.

1 Kor. 1:21

Kughengu Alhou lokütsü kiqilo ayeghilomi no Alhou ithimo keke niw mbomzü kükütsü vecheo khunono pülülu keno tipaqo xalu keu no Alhou lopu shilue.

FILIPIAMI 2:13

kughengu nongu kükümsü eno akümla kümtsü Alhou gho-apulou shi peniye nongu lolo mlatsü chekeu ye Pa ke.

2 Thes. 1:11

Hi ghenguno nino nongu ghenguno alhokuthu inikhu tsü cheni, tishianguno ni Lhou no nongu kulu keu ameküapu shitsü peni eno Pa küka lono aküpülü kümla kümtsü akivipu ghenguno shikupu tsüpeni,

2 Thes. 1:5

Hi kümtsü Alhouw küghakütha ye achipi kepi mtsüqhei shitsü ani, tishianguno nongu no Alhou yekipe ghenguno ime akeu lo tile ilolu peniye ke.

IBRIMI 12:28

Tighenguno ningu süküghütha mlakeu yekipe ithulu ke ghenguno shikimthi ani nolo, tishikeu lono msaighü qhiyi Alhou lau ikhikulupu kümlla shini nolo,

James 2:5

I qhuu athiküzümiqo, inilo, Alhou no ayeghi lo kumlhomi kishelu no aküpülü lo kinimi shilupe eno Pa kimiyekemi tsüni keu shi piqhi püakeu kükaqha mheghi kiyighimi shilupe kekumo keshea?

2 Peter 1:11

Kughengu hitoi shikeu lono nongu pelo ni Mpeu eno Xakuluu Jisü Khristow lhokta yekipe lo ilolu penike nongu ghenguno akulaghi ililai shi khaqhitsü nani.

Piyeküsü 1:6

Pa Lhou eno Apu huthu peniye ningu pesü achinemi kükaqha lakhi toi shitsü keno, Pa lau alholo eno pülhapuju ajekipi eno aküka apelo. Amen.

Piyeküsü 22:5

Tile ye putho kühave nani. Panongu ye akulu momu khetsünhe küvü avehupu shimoae, kughengu Ampeu Alhou no pano küvü shi nani eno panongu no pülhapuju eno alholo ayepe cheuve nani.