LESHELE 89:34 - Sumi Naga CL (Re-edited) Bible (BSI)

³⁴ Ni ye Iw puloshoqhi hexamo nani momu I kichi lono pikeu tsa kilivemo nani.

BAIBEL (BSI)

³⁴ Niye pa sasu iwu puloshoqhi shikeu hephomo nani momu ikichi lono piqhivekeu tsa kilivemo nani.

LESHELE 89:34 Mawu Ofanana

SAMUEL AKINIU 7:15

ikemu I no pa zülono Saul launo Iw iqemokeu kikimiye süwuve keshi Ni ye pa launo süwuve monani.

KUKAMI ATUGHIU 11:39

Solomon xine ghenguno I no David kughukomi aghime tsünani, ikemu alholo ghenguno kumoe.’”

YEKIKITHI ATUGHIU 17:13

I no Papu shini, eno pa no I nu shini. I no o züu Saul launo Iw iqemokeu kikimiye luvetsü keshi Ni ye pa launo ti luvemo nani,

JEREMIYA 14:21

O je ghenguno ningu thaigha tsü kevilo; O jekipipu kükalakhü shipünha kevilo; ni sasü puloshoqhi shikeu hepho kevino kümsülu tsülo.

JEREMIYA 33:20

“Ampeu no ishi piani: I no tsüküvü ngo tsüküzü qhipüa keu puloshoqhi nono hephove no tishikeu lono tsüküvü ngo tsüküzü no ado kiqi lono ipeghi move aye,

ACHINE 26:44

Tishimu panongu no aghümi yeghi lo akelo, Ni ye panoqo milivemo eno qhoi kütsave no panongu sasü shikeu Iw puloshoqhi kubove mo nani, kughengu Ni ye Ampeu pano Lhou ke.

MALAKI 3:6

“Kughengu Ni Ampeu ye kilive chemoe; tighenguno, O Jacob nuliqo, nongu ye pühave mphie.

AKIKIHI 23:19

Alhou ye timi kumo keke Pa ye mikiveni chemo; momu Pa ye timi nu kumo keke Pa kükümsü kilini chemoe. Pa ye piqhive no shimoveni keshea? Momu Pa ye pive no shikupu moveni keshea?

MATTHEW 24:35

Atsütsü ngo ayeghi ye hauve nani, ikemu I tsa ye khilemu hauvemo nani.

Rommi 11:29

Kughengu Alhou no tsükeu gho ngo Pa no kuluve keu huye ikhichilelu mlae.

James 1:17

Agho kivi eno kupukülai keu gho kümtsü kungulo küvü Papu launo iqighi cheni, Pa gholo aküvü ye kilive momu yekhüve chemoe.