LESHELE 89:1 - Sumi Naga CL (Re-edited) Bible (BSI)

¹ I no alholo Ampeuw iqemokeu kikimiye le pheni; O pükhükulu ghili tiqheli kümtsü lo I kichi lono sheshuni.

BAIBEL (BSI)

¹ O AMPEU, niye pulhapuju owu iqemokeu kikimiye ghili phenike; noye amikucho kepi ino alhokuthu asheshuni.

LESHELE 89:1 Mawu Ofanana

KUKAMI ATUGHIU 4:31

Kughengu pa ye timi kümtsü nguno alokütsüu; Ezrami Ethan eno Mahol nuli Heman, Calcol, ngo Darda nguno alokütsüu, eno pa jekipi no acheaxü lo shiye kümtsü lau veküpha wove.

KUKAMI ATUGHIU 5:11

eno Solomon ghi ampe lo ashothi ahu ton 6,000 eno tsüghüve keu thazü liter 8,000 pesü Hiram tsüe.

YEKIKITHI ATUGHIU 2:6

Zerah no anu pungu shi: Zimri, Ethan, Heman, Calcol eno Dara.

LESHELE 101:1

I no iqemokeu kikimiye eno kuchou xakütha le pheni; O Ampeu, O lau I no ale pheni.

LESHELE 106:1

Ampeu sheqhelo! Shikimthi keu pesü Ampeu tsülo, kughengu Pa ye aloke, Paw iqemokeu kikimiye ye alholo acheni!

LESHELE 119:90

O pükhükulu ye tiqheli kümtsü lo acheni; Nono ayeghiqha ghope qhi, ti ye mtotoi ani.

LESHELE 36:5

O Ampeu, Ow iqemokeu kikimiye ye kungugha kutolo, O pükhükulu ye atsütsü kuto ikuto ani.

LESHELE 59:16

Ikemu I no O kükakumto shipili ale pheni; inaqhe I no ighamku Ow iqemokeu kikimiye le pheni. Kughengu No ye I liwo eno I ghime küsa tsala lo sükusho-a lakhi ke.

LESHELE 71:8

I kichi lo O shekiqhe no chhitoi, atsala kupuju O juküvü shekiqhe likhi ani.

LESHELE 88:11

Akumoki lono Ow iqemokeu kikimiye momu Kütsakungo-a lono O pükhükulu sheshu cheni keshea?

LESHELE 89:24

I pükhükulu eno Iw iqemokeu kikimiye no pa gholo anani, eno I je lono pa kibo süqhe nani.

LESHELE 89:33

ikemu pa launo Ni ye Iw iqemokeu kikimiye ikhivemo nani momu Iw pükhükulu ye kichile shivemo nani.

LESHELE 89:49

Ampeu, khaghi Ow iqemokeu kikimiye khipa pesü O pükhükulu lono David lau tushoqhi keno ti ye khile ania?

LESHELE 89:8

O Ampeu aqokitikhi Lhou, O Ampeu, O pükhükulu no O vehope aketoi khuu no O toi akughushu kea?

LESHELE 92:2

inaqhe no Ow iqemokeu kikimiye, eno putho lono O pükhükulu asheshu,

ISAIAH 25:1

O Ampeu, No ye I Lhou; I no O süqhe eno O je sheni, kughengu Nono akümzapu kümla püzüu no kughuchho püakeu mtsüqhei eno pükhükulu shi mlatsüe.

AKUMLO 3:23

tipaqo ye inaqhe atsütsü akithe ke; O pükhükulu ye kije ke.

MICAH 7:20

Nono khaghi no ni puasü lau piqhike toi No ye Jacob lau pükhükulupu eno Abraham lau iqemokeu kikimiye piye nani.

Titus 1:2

Kuchou kighithi hi no khilemu miki chemo keu Lhou no aghuloki huthu mphi züuno piqhi keu lhokta küxü lajupu panongu tsü nani,