LESHELE 85:8 - Sumi Naga CL (Re-edited) Bible (BSI)

⁸ Ampeu Alhou no kiu piani keno I pelo chilu pelo, kughengu Pa no Paw akimthemi lau aloino keu tsa pi nani; ikemu pano pelo mbomzü lo ilovepe kevilo.

BAIBEL (BSI)

⁸ Niye AMPEU Alhou no kiu piani keno chiluni; ninguno anikha laghilo wokithemo aye pawu timiqo lau pano alokughuno tsunipi piqhi puanike.

LESHELE 85:8 Mawu Ofanana

BOTHUBO 34:7

Jacob nuliqo no ti chilu khavi aluza lono ighive eno panongu ye ighono axuideve, kughengu Shechem no Jacob nga shipüthave keu vecheo Israel lo achika-anguka shiveke, kughengu hitoi keu ye shikepu kumoe.

LESHELE 130:4

Ikemu O lau ye akipimi qhikütsü ani, tishino O sümsa peniye ke.

LESHELE 29:11

Ampeu no aküka kumto pesü Paw timiqo tsü peniu! Ampeu no aloino keu pesü Paw timi kümgha tsü peniu!

LESHELE 50:5

“I no pükhübe chekemi khunono aghakishi pesü I sasü puloshoqhi shive akeno panoqo I lau hekütsülo!”

AHOLE 25:11

Ado kiqi lono atsa achipiu pilu keu ye ameshoyi akiviu pesü ghükayi shou ananu shipuku püake toi nani.

AHOLE 27:22

Mbomzümi ye apikhi lo süno akhumu no athi gholono shesü anamu pa nikha pa qhivemo nani.

ISAIAH 57:19

eno panongu kichi lo shekiqhe sütsü nani. Ampeu no piani, Kupunu akemi, eno aghache lo akemi, aloino peniu, aloino peniu,” “eno I no pa shipivi nani.

HABAKUK 2:1

Ni ye I ghukhe-a lo ngoluveni eno qogheki lo iku ngono Pa no I vilo kiu pini keno khejuni, eno I kumchho ghenguno ni ye kiu khochileni keno juni.

HAGAYI 2:9

Achineki hipau ye püzüu nguno akiqheu jukighilepu shi nani, aqokitikhi Mpeu no pi. Eno hipa-a lono I no aloino keu tsü nani, ipi aqokitikhi Mpeu no asheshu.’”

ZEKHARIA 9:10

I no Ephraim launo khurkulu eno Jerusalem launo aghükishi khurshi ikhive nani; aghüshi shexilika ikhive nani, eno pa no shiyeqo lau külakishi tsa pi nani; pa yekipe no azüghi lono azüghi kutolo eno Aghoki lono ayeghi shekha kutolo shinani.

John 14:27

I no nongu gholo aloino keu qhitsü ani; Iw aloino keu I no nongu tsüani. Ayeghilomi no tsü chekeu toi nongu tsü anike kumoe. Nongu mlo kütakihi kevilo, momu msa kevilo.

John 20:19

Tipa tsalani avelau Jewmi msa kehu akhopemi ye ahukikha khaveno ngo akelono Jisü no ighi no panongu gholo puthughove eno pi, “Nongu gholo aloino keu alo.”

John 20:26

Atsala tache thiu, pa khopemi no itaghi aki sholokuu ngoae, eno Thomas ghi panoqo gholo ae. Ahukikhaqo khapüa keghi Jisü no ighi no panongu gholo puthughove eno pi, “Nongu gholo aloino keu alo.”

John 5:14

Athiuno Jisü no achineki lo timi hu ithulu no pa vilo pi, “Julo, no ye vivae! Hinguno hilau ye kiuala alhoksa o shou ighi pemoni ke axine shikithe kevilo.”

John 8:11

Li no khochile “Ampeu, khumu kühavae.” Tile Jisü no pi, “Imaye ni ghi akipimi o tsüamoe; wovelo, eno axine shikithe kevilo.”

Apostolmi 10:36

Atsa khikhi Pa no Israelmi lau puwu keno, ti ye Jisü Khristo vecheo aloino keu tsakiviu pesü sheshu keu nongu no ithi ani (Pa ye kümtsü Mpeu ke).

Apostolmi 3:26

Alhou no now kixikila lono sachile ighi no nongu kümgha tsüniye Pa qeu saputhupe atüghüshi nongu lau puwuke.”

Galatiami 4:9

Ikemu itehi nongu ye Alhou ithivae, momu Alhou no nongu ithivae, tishiaye kishino itaghi idewo qeinai eno ame küküha ayeghi lo kükütsü jeli no qhasüve penishi eno tipaqo qüaxemi shikitheni shiani kea?

Ephesiami 2:17

Khristo no ighi no külakishi pesü nongu putou akeqo ngo aphivilo akeqo vilo sheshue.

2 Thes. 3:16

Itehi ye aloino keu Mpeu ampi no ado kümtsü lo eno alaghi kümtsü lo alokiqipu nongu tsü peniu. Ampeu no nongu gholo apelo.

2 Tim. 2:19

Ikemu Alhouw akumto boqha ye puthugho ani. Eno ti ye amchipu ishi ani: “Khunono Ampeuw keno, Pa no ithi ani,” eno “khunono Ampeu je pini keno, panongu kümtsü alhoksa lono putosüve lo.”

IBRIMI 12:25

Khuu no pi ani keno pa tsa milive kevilo. Kughengu ayeghi lono kütüghü keu panongu no ini move kelo panongu ye pomlave aye, kungugha lono kütüghü keu ningu no milive aye ningu ye kitilamu pokulupu kühae.

Piyeküsü 3:19

I no khunoqo kimiye cheni keno sakiyi eno shikümzü cheni, ikehu aghüthi küxü shino xaidelo.

SAMUEL ATUGHIU 25:25

I mpeu no ameküküha timi, Nabal hipau akhoto shitsü kevilo, kughengu pa ye pa je paphishi Nabal ke, ikehu mbomzü no pa lolo ani. Ikemu ni o qeu ye I mpeu no ow apumiqo puwu keqo ithumlae.