LESHELE 76:6 - Sumi Naga CL (Re-edited) Bible (BSI)

⁶ O Jacob Lhou, Nono panoqo lomipive aye, khurshi ngo khurshimi ghi akichiqhipe ngove cheni.

BAIBEL (BSI)

⁶ O Jakob Lhou, nono panoqo shikichi aye, khurshi eno tile iku puzu chekemi kumtsu veqhi thiveke.

LESHELE 76:6 Mawu Ofanana

SAMUEL AKINIU 10:18

Syriami no Israelmi zülono pove, eno David no Syriami khurkulu küsami 700 eno khurshimi qhethonhe lhobidi ghiqhive tsü, eno panow ghüshimi shou zatsüu Shobak ghüzave, pa ye tileno thive.

KUKAMI AKINIU 19:35

Tipaji Ampeuw kungumi no wuno Assyriami ghazü lo ghüshimi lakh lakhi qhethonhe lhotache pungu heqhive tsü. Kughou thanau inaqhe panongu no ithughi keno, akumo no aqha kümtsü aghi.

YEKIKITHI AKINIU 32:21

Ikelo Ampeu no kungumi puwu no Assyria kükau ghazü lo aghütomi ngo ghüshimi zatsümi eno kijemi kümtsü heqhive tsü. Tighenguno pa ye kujoqhiyi idechile pa ghakhu lo wove. Kughou pa no pa lhou kilo iloghi keno, pa nuli khami no azütakikihi pesü pa ghiqhive.

LESHELE 104:7

Nono sakiyi kelo tipaqo no pove cheni; Ow tsütsüküsü ghügha lono panongu no kuhave cheni.

LESHELE 18:15

O Ampeu, Nono alomipi kelo, O nigipe lono atuthu shephe kelo, azüghi qowu akeqo ithulu, eno ayeghi boqha vezaleive.

LESHELE 80:16

Panongu no ami pesü ti pitive tsüae; ti loqhivae; axukighide lono pano kütsave lo!

IPEKULU 15:1

Tithiu Moses ngo Israelmi no Ampeu lau ale ishi phe, “I no Ampeu lau ale pheni, Pa no ajekipi shi toluke; Pa no khurshi ngo tipa sakicheu azüghi lo vesüvae.

IPEKULU 15:10

Nono O mülhü puwu; azüghi no panoqo küzüluve; aküsayi toi panoqo ye akughushu züghi lo itsüilove.

IPEKULU 15:21

Eno Miriam no panoqo lau ishi ale phe: “Ampeu lau ale phelo, Pa no ajekipi shi toluke; Pa no khurshi ngo tipau sakicheu azüghi lo vesüvae.”

ISAIAH 37:36

Tishino Ampeuw kungumi no Assyriami ghazü lo wuno pano lakh lakhi qhethonhe lhotache pungu ghiqhivetsü. Kughou timiqo no thanau itheno ithughi keno julo, asükumo likhi aghive.

JEREMIYA 51:39

Panongu no mqhu akelono I no pano ghulhu kutotsü no shokümzüpe alopivi tsü nani, eno alholo küzü zühuvepe nani.

JEREMIYA 51:57

I no liw hiyampemi ngo alokütsümi, angh, zatsümi eno ghüshimi shokümzü nani; panongu ye alholo küzü züve no idathughi move nani, Akükau khuu je aqokitikhi MPEU keno Pa no sheshu.

EZEKEL 39:20

I ghulhu lüpa lo nongu no khurshi, khurkulu küsami, aghütomi eno ghüshimi jeli kümtsü sasü aghakiqi shi chunani,’ ipi Ampeu Alhou no asheshu.

NAHUM 1:6

Khuu no Pa xukighide zülo puthugho luni kea? Khuu no Pa mlokighide kushu puqhe luni kea? Pa loghu no ami toi ghuqhi, Pa no atuquqo mukhumuno shi kubove tsü.

NAHUM 2:13

Aqokitikhi Mpeu no sheshu, Julo, Ni ye o mjochile ani, eno I no ow khurkuluqo pitileve tsü nani, eno azütakikihi no ow abongshuu lhotheqo kütsave nani. Nono xulepughi keu I no ayeghi lono pühave tsü nani, eno o ghinimi sütsa ye khilemu chilu kithe move nani.

NAHUM 3:18

O mbekhemi ye zü auvae, O Assyria kükau; ow yepemi ye ingu auvae. Ow timiqo ye naghutoqo lo hakiphivae khunomu panoqo hekütsüni kemi kühae.

ZEKHARIA 12:4

Tipani, Ampeu no asheshu, I no khurshi kümtsü kichimamaive peno ti sakichemi pelo izüvuive penani. Ikemu I no ashiayeqow khurshi nhethi kighicheve tsüno Judah lagha ghenguno I nhethi tsükhope anani.

SAMUEL ATUGHIU 26:12

Ikehu David no Saul kütsü phivilo angupa eno azübohu akeu luve no pama ye wuve. Kümtsü no zü akehu khunomu ithumla momu ithimo, tike kumono khumu ithughi moe, kughengu Ampeu launo aküzü kutho panoqo shou ighive.