LESHELE 63:3 - Sumi Naga CL (Re-edited) Bible (BSI)

³ Ow iqemokeu kikimiye ye aküxü nguno akiviu kehu, I kichi no O sheqhe nani.

BAIBEL (BSI)

³ Kughengu owu iqemokeu kikimiye ye akuxupu nguno akiviuke, ikehu ikichi lono ino osheqheni.

LESHELE 63:3 Mawu Ofanana

LESHELE 21:6

Kughengu Nono pa pesü alholo shishe akümghau shitsü; Nono ighikeu lokivi no pa pelo alovi lupe.

LESHELE 30:12

tishino I juküvü no O sheqhe eno inaqhoive pemoe. O Ampeu I Lhou, ni ye alhokuthu shikimthi keu O tsü nani!

LESHELE 30:5

Kughengu Pa loghu ye ado ikhonhei ghenguno, eno Pa mlokiqi ye aküxü tivilo ke. Putho lo anhezü piji aghiluvi, ikemu inaqhe no alokivi ighi cheni.

LESHELE 4:6

Kutomo no pi, “Khuu no akivi ningu piyeni kea? O Ampeu, ningu shou O gi küvü yepüvü tsülo!”

LESHELE 42:2

I ngulho no tüghüthi Alhou, aküxüpu Lhou phucheni. Kughono ni ye Alhou zülo wuluni kea?

LESHELE 51:15

O Ampeu, I mütsü xükho tsülo, eno I kichi lono O shekiqhe sheshuni.

LESHELE 66:17

I kichi lono I no Pa lau qae, eno qhemghai Pa sheqhe keu no I mili lo ani.

LESHELE 68:25

alephemi no azüu shi, alebo küigha kemi no ashekhau shi, pano mta lo ilimiqo no amqübo küighae:

LESHELE 69:16

I khochile lo, O Ampeu, kughengu Ow iqemokeu kikimiye ye aloe; Ow kupukuno kimiyeqhiyi keu kiqi lono I lau igho ighilo.

LESHELE 96:6

Ajuküvü eno akükanguagha ye Pa zülo ani aküka eno jukivi no Pa chineki chhitoi ani.

IPEKULU 33:18

Moses no pi, “Kimiyeno O juküvü I piyelo.”

HOSIYA 14:2

Atsa pesü Ampeu lau idewo eno Pa vilo pilo, “Axine kümtsü ikhive tsülo; kiu no alo keno ikhilu tsülo, eno ni kichi lono tushoqhi ketoi nino amshitsü pesü tsüni.

Rommi 12:1

Tighenguno athiküzümiqo, Alhouw kimiyekini vecheo I no nongu hakite ani, nongu phimpi pesü aküxüpu kümllagho shi Alhou lau akimthe eno ikhikulupu shi tsülo, hi no nonguw aghungulo kümlla kuchou ke.

Rommi 6:19

Nonguw vethakulu no mikhelo kehu ni ye tipau gholau no pi anike. Ghuthu lakhi lo nongu no niqhinilai keu eno Ayezah kiphikumo küdau nongu phiau pesü aqüaxemi shi tsükelo tiuno alau Ayezah kiphikumo lo sailove cheke toi, itehi ye nongu phiau shikimthe pe akimthepu lo peithalu kepushi Alhou chipiu qüaxemi shi ikhiphe tsülo.

1 Kor. 6:20

kughengu nongu ye ame no qhüluvae. Tighenguno nongu phimpi lono Alhou juküvüpu shilo.

FILIPIAMI 1:23

Ni ye hi küma dolo I tsakibipe ani: hipa yeghi qhive no Ampeu gholo auve keu pavi keke tiuno I pulou shi ani;

IBRIMI 13:15

Jisü vecheo ningu tamono Alhou lau shekiqhe ghakishi tsüni nolo, ti ye akichi lono pa je piphe tsüni keue.

1 John 3:2

Kimiye chekemiqo, itehi ningu ye Alhou nuliqo ke, eno ningu ye kiu shive nani keno ti ye pephe mphi; ikemu nino ithi akeu no kughou Khristo no ipeghini keno ningu ye Pa toive nani, kughengu ningu no tileno athoshi Pa ithulu nani.