LESHELE 59:13 - Sumi Naga CL (Re-edited) Bible (BSI)

¹³ aloghu no panoqo küzüve lo; panongu no kühave moke kutolo khonha luvelo, tishikeu lono ayeghi shekichi kutolo panongu no Alhou ye Jacob shou ayepe cheni kepi ithi nani.

BAIBEL (BSI)

¹³ Ologhu kighide lono panoqo kutsa velo; panoqo ithumlave kepushi kutsapinyivelo. Tishianguno Alhou no Israilmi gholo ayehpe anikepi timiqono ithipelo; eno pa yehkipeye ayeghiqha kumtsulo ani kepi ithipelo.

LESHELE 59:13 Mawu Ofanana

KUKAMI AKINIU 19:19

Ikehu O Ampeu, ni Lhou, kimiyeno pa u lono ni xaphe tsülo, tishianguno ayeghi lo kükaqha kümtsü no O likhi no Ampeu Alhou kepi ithi nani.”

LESHELE 10:7

Pa kichi lo ghukusho, pishikiqhi eno qodaqhi keu no chhitoi; Pa milibo qholo pishikiqhi eno axine ani.

LESHELE 104:35

Ayeghi lono axinemi piti pühave pelo, eno kixikilami kühave pelo! Ampeu sheqhelo, O I ngulho! Ampeu sheqhelo!

LESHELE 109:17

Pa ye ghushoni keu kimiye; müsüinive keu pa shou ikughive pelo! Pa ye kümgha tsüni keu mithi; kükümgha ye pa launo putosüve pelo!

LESHELE 59:11

Panoqo pithi kevilo, tikumo aye Iw timi no kümsümave nani; O küka pesü panoqo haküghütsüve no kuluqhive lo, O Ampeu ni züto!

LESHELE 64:9

Tithiu timi kümtsü no msave; Alhou no kiu shive akeno panongu no tipa ghili pike eno Pa no kiu mla keno tipau kümsü kutojue.

LESHELE 7:9

O amikucho Lhou, khuu akükümsü eno amlo lheju cheni keno, kixikilami kümla lhoksa kishekhave tsülo, eno amikuchomi xaqhe tsülo.

LESHELE 83:18

tishiaye panongu no O likhi no Ampeu, eno ayeghi kümtsü shou Shishe Akiqheu kepi ithive nani.

AHOLE 12:13

Küsaküghami ye atsa pikipimi lono meluve cheni, ikemu amikuchomi ye aküküpna lono pojo luve cheni.

ISAIAH 54:5

Kughengu o lhokeu huno o kimi shivae, Pa je ye aqokitikhi Mpeu ke, Israel Lhou akimtheu no o xakuluu ke, Pa ye ayeghiqha Lhou kepi Pa kucheni.

EZEKEL 38:23

Ikehu I no I kughushu eno I kimthe piye nani eno shiye kutomo pelo Ni ithipe nani. Tileno panongu no Ni ye Ampeu kepi ithi nani.

EZEKEL 39:7

“I je kimthe pesü Iw timi Israelmi pelo ithipe nani, eno Ni ye I je kimthe pesü shikitiqe kithe pemo nani. Shiyeqo no Ni ye Ampeu, Israel lo Akimtheu kepi ithi nani.

DANIEL 4:25

ike no ye timiqo gholono hapupove nani, eno o kungo-a ye aghasa lo tüghashiqo gholo shive nani. No ye amshitsü lakhi toi atsüni chuuve nani, atsütsü lo tsüzü no o pütsü nani, eno Shishe Akiqheu no timi kükaqha lo ayepe cheni eno tipau pesü khukhumu Pa no pulo keu tsüve chenie pi nono ithi moke kutolo kihiküthado tsüni no o hecheve nani.

AKIKIHI 32:13

Ampeu no timiqo shou amloideve no Pa zülo axine shive keu tiqhelimi no thikhave moke kutolo panoqo pelo asayeqha lo ampe lhobidi itsü chewuve peke.