LESHELE 51:15 - Sumi Naga CL (Re-edited) Bible (BSI)

¹⁵ O Ampeu, I mütsü xükho tsülo, eno I kichi lono O shekiqhe sheshuni.

BAIBEL (BSI)

¹⁵ O AMPEU, imtsu xukhotsulo eno ikichi pesu osheqhelu nani.

LESHELE 51:15 Mawu Ofanana

BOTHUBO 44:16

Judah no pi, “Ningu ye I mpeu vilo kiu pini kea? Ningu ye kiu tsa pini kea? Momu ningu ye kishi ningu saphu luni kea? Alhou no o qemiqo kipimi phuphe luvae: julo, ningu ye I mpeu qemiae, ningu eno khuu pulukho lono ajukhu ithulu keno, ningu kümtsü o qemiae.”

LESHELE 119:13

O kichi lono pimheye tsükeu kümtsü I no sheshuni.

LESHELE 9:14

tishianguno I no Ow shekiqhe kümtsü kümsü luni, Zion limi khagho lono I no Ow xakulu lono alovini.

IPEKULU 4:11

Tile Ampeu no pa vilo pi, “Khuu no timi kichi mlatsü kea? Khuu no milakhi pelo atsa pimlavepe, akini ipovepe, ithulupe momu anhethi ichevepe cheni kea? Ti ye Ni, Ampeu noke kumo keshea?

EZEKEL 16:63

tishikeu lono no ye kümsülu eno kujove nani, eno kughou nono mlave keqo kümtsü ghenguno I no o qhukimtheni keno o kukujo vecheo no ye itaghi khilemu o kichi xükho move nani.”

EZEKEL 29:21

“Tipa tsalani I no Israel laghami ghenguno akibo lakhi pipetsü nani, eno I no panoqo gholo o kichi xükhotsü nani. Tileno panongu no Ni ye Ampeu kepi ithi nani.”

EZEKEL 3:27

Ikemu kughou I no o pütsani keno, I no o kichi xükho tsü nani, eno nono panoqo vilo, ‘Ampeu Alhou no ishi piani’ ipi nani. Khuu no chiluni keno, pa no chilu pelo; eno milive keu no milive pelo, kughengu panongu ye hekibide laghami ke.

EZEKEL 33:11

Panoqo vilo pilo, I no xüake toi, Ampeu Alhou no asheshu, Ni ye kixikilami kithi lo aloqi chemoe, ikemu pa pelo pa laghi lono tsüghü luve no xülu penishie; tsüghü ighilo, now kixikila laghi lono tsüghüve lo, kughengu O Israel kibolomi, nongu ye kushiye thiveni kea?

MATTHEW 22:12

Eno pa no pi, ‘Ashou, no ye külakupu phimini pepumo no hile kishi iloghilu kea?’ Timi huye kiu tsamu pimlave.

Mark 7:34

Tishino kungugha lo juno pa no atuthu akuloghiu shephe no timi hu vilo pi, “Ephphatha,” ti ye, “Khaqhi luvelo.”

Rommi 3:19

Ningu no ithive ake Ayezah no kiu pi ani keno ti ye Ayezah qholo akemi vilo pi ani, tishianguno atsa kipipu kühano akichi lakhave tsü, eno ayeghiqha kuchopu Alhou lau kihikülai tsükulupu shiniye ke.

IBRIMI 13:15

Jisü vecheo ningu tamono Alhou lau shekiqhe ghakishi tsüni nolo, ti ye akichi lono pa je piphe tsüni keue.

SAMUEL ATUGHIU 2:9

“Pa no Paw pükhükulumi khekuto nani, ikemu kixikilami ye aküzü lono hapupove nani, kughengu timi ye akumto lono tokulu shimo nani.